Matyu 21:43 - Anatunya Buku Baepole Ole Testamene Pii Lapo dee Nuu Tesamene

⁴³ Dokona nambame nakama dopa langilyu, leya Yesumi. Anatunya isingi yulu nakama keta pali nana lapala range nyuo wambu rara wakale jingi mondo lao lyuo kararami dupwa maira.

Matyu 21:43 ပူးပေါင်းရင်းမြစ်များ

Ekesetase 19:6

Dopa piramopa nakama wambu namba joo otasi dokome purisi ingyuo nambana yulu pyakarami, lao Kamongome leya. Renge dusipana embame Isaraele wambu dupwa lamaipi, lao Anatumi Mosese lamaiya.

Aisaya 28:2

Kamongo doko akali mende eneko porakai nakama nyuo kwuinya palyuo suu pyao karamo. Baa eparamo dokopa apu romende randake kapa pale pale epo pyalamo dopale ingyuo yuu doko kewaipimi anda lalyuo nyili lapala ipwa kama pyao isa kanape manjo pyalamuli pyuo pyara ingilyamo.

Matyu 12:28

Dopa piraminyipape Anatunya Imambu dokome minyapyamopa imambu koo dupwa raka lanyi nembaro ramo doko Anatunya isingi yulu doko nakama keta ipyasa pipya.

Matyu 21:41

Dokopa nakamame baa lamaiyuo, Baame akali koo dupwa koo keta palena lao pyao kumakara. Dopa pipala waene ee doko nyuo jingi lyera gii dusipana baa kapa maipapu pirami akali lapo nyuo maira, leyami.

Matyu 21:42

Yesumi nakama lamaiyuo, Nakamame pii pyasi palamo doko yaka lao kanda nangese? Doko akali kana anda pyuo kareyami dupwame kana mende nyuo nembeyami, doko enakana anda donge dokona mupwa ingyuo epo siya. Dopa piyamo doko Kamongome renge kuiyuo piyamosa piya. Dopa piyami dokona namwame lengeme kandapala mona nembo karamano.

Matyu 21:44

Wambu kana dokona mangala pao serami dupwa pyao inji ranji pira. Piramopa kana dokome wambu mende pisiramo dokona lakao epapala dokopa pyao minjiku minyinyi nembara, leya.

Jone 3:3

Yesumi baa lamaiyuo, Kinyi kinyi langilyu, mendalipi kyaka ingyuo manjo nyii nara ramo dokome Anatunya isingi yulu doko kando nyii nara leya.

Jone 3:5

Yesumi dopa lao isingi lamaiya. Kinyi kinyi langilyu, mendali ipwana palyuo nyuope Imambu dokomepe manjo nyii nara ramo dokome baa Anatunya isingi yulu dokona sukusa parande daa.

1 Korina 13:2

Anatunya pii pyongo pyaramo lao karo dee pii yalu pyuo suu pingi dupwa soo giso Anatu kapa ingingi lao suu pyaronopape yuu kyau mende nyuo yuu mendasa retapalape wambu yango mona reta naro ramo doko nambana pii mee ketae ingyarasa pira.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.