Matyu 2:7 - Anatunya Buku Baepole Ole Testamene Pii Lapo dee Nuu Tesamene

⁷ Dokopa Eroteme upunili akali yuu donorena range dusipa yalu pyuo epena lapala, Yuu gii anjokorape bui doko kanda soo maro leyase? lao piso sepala lamaiyaminyi siya.

Matyu 2:7 ပူးပေါင်းရင်းမြစ်များ

Ekesetase 1:10

Dokona yanda mende sipuro pira ramo dokopa namwana nyisu petenge doko keta nakamba ree maipala namwa pyapala nakamba pasaramiŋi dokona namwame Isaraele wambu dupwa ama kandokondali pyuo rapu pirama. Wambu wai malu mee kisilyamo doko isa pena lao rapu pimanale, lamaiya.

Nambase 24:17

Rengya pira dokona kando suu pyao Isaraele rara dupwame pirami doko silyu. Kiŋi doko bui yanga paupau wakasa lenge dopakale ingyuo Isaraele rara dupwana sipurapala karara. Isaraele karo epo baame Moape range akali mupwa dupwa pyara. Dee Sete wambu dupwa peparae pyao isa palyuo kokwa soo nembara.

Matyu 2:1

Eroteme kiŋi yulu pyuo kareyamo gii dokopa Yesu yuu Beteleme doko yuu Jutia dokona siyamo dokona mandeyami. Dokopa akali lapo bui karenge dupwana yulu dupwa soo gisingi dusipa neta pyakaenge dorena karo yuu Jerusaleme epapala dopa leyami.

Matyu 2:16

Dokopa Eroteme bui dupwana yulu singi akali dusipame namba minyoko pyuo langiyamilyamo lao soo gisapala ama imbuo dokome sii leyamo kareya. Sii leyasa bui dupwana yulu singi akali dusipame, wane manjimilyamo leyami pii dokona suu pyapala yuu Beteleme dokonape yuu dokona kipwa kipwa dupwanape wane ee kana lama epo pasi dupwape nyaŋa dupwape peparae pyao kumakana leya.

Matyu 2:8

Sepala yuu Beteleme dokona pena lao dopa lamaiya. Wane doko mondo lao kotala pupwa. Namba opetae baa mupwa lao yako lala eparo lao suu pilyu dokona wane kando nyepala dokopa namba langyala ipupwape leya.

APOSELENA YULU 24:22

Dopa leyamopa Pilikisa baame Kurisene wambunya yulu dokona dopa pyuondeŋe lao soo manjo kareya. Karapala, Epapu laa naro. Lisiasa yanda singi mupwa doko lano eparamo dokopa nakamana kote doko dee sero leya.

Orepalaisane 12:15

Enakana kau dokona kambu dokome ipwa kasinyi peeyara ipwa kama pyao epeyamo dokome enda baa soo kaki pira ingiya.

1 Samyuele 18:21

Baa dopa lao suu piya. Namba Maekele Dapiti mairu ramo doko baame Dapiti anjili laramopa Pilisitia wambu dupwame pyao kumarami lao suu piya. Suu pyapala Soleme Dapiti kamba lamaiyuo, Emba nambana imwange ingyare, leya.