Matyu 2:18 - Anatunya Buku Baepole Ole Testamene Pii Lapo dee Nuu Tesamene

¹⁸ Yuu Orama dokona pii mende leyamo siyami. Ee andake lao kumaralerale nyuo lao enda Oresolo banya wane wanakepe dupwana lao ee lao peteya. Mona minyarambu nyisalana leyami dokopa lete pisa nalyaminyiŋi dokona daa leya.

Matyu 2:18 ပူးပေါင်းရင်းမြစ်များ

Jenesese 37:30

Rokwapala baa yangonge dupwa kareyami dokona kapu kyuo epapala lao, Wane kandapi doko pali nalyamo. Namba apa pyuowane? leya.

Jenesese 42:36

Rakange Jekopeme lamaiyuo, Namba isange doko kararaminyi kapa daa. Josepe pana naya. Dee Simione dopako pipyamopa dakepa Benjamene nyuo mona letaminyi dupwana namba apa lao paro?

Jopo 14:10

Isa doko dopa pyuo pelyamopape akali baa kumuo otengepya. Baa kumapelyamopa dee anja epo karase?

Jeremaya 31:15

Kamongo dokome lao, Yuu Orama dokona pii mende leyamo siyami. Ee andake lao kumaralerale nyuo lao Enda Oresolo banya wane wanakepe dupwana lao ee lao peteya. Mona minyarambu nyisalana leyami dokopa Banya wane wanakepe lete pisa nalyaminyiŋi dokona daa leya.

Isikiolo 2:10

Pepa rongo pisi doko kingi dokome poleyamo kande dokopa pii pyasi paki pakipa laparaena paleyamo kandeyo. Dokopa mona rando ee lenge dee kumanda piso ee lao yamarangunya pingipi pii dupwa pyasi paleyamo kandeyo.

Matyu 2:17

Doko Anatunya poropeta akali Jeremaya dokome pii mende leya doko leyamuli pyuo pyaka siya. Baa dopa leya.

Luku 8:52

Wambu dupwa peparae wanake dokona lao ee lao kumaralerale nyuo kareyami. Dopa pyuo kareyaminyipape baame lao, Ee laa kaeyalapa. Baa kuma napya. Mee luu palyuo sipyamo pilyamo, leya.

Orepalaisane 8:13

Enakana nambame kandeyono dokopa yaka kambe yake dokona bii lao karo pii ama ketae lao, Kwao para, kwao para, isa yuunya palaminyi dupwa randa andake nyerami. Aŋala rema bikuli lapa nami dupwa oo lalana petaminyi dokona kama kwao parami ingyalopyamo leya.