Matyu 19:4 - Anatunya Buku Baepole Ole Testamene Pii Lapo dee Nuu Tesamene

⁴ Baame isingi lao, Kanda soo dokopa Anatumi wambu enda akalipa pyuo wasiyamo doko yaka lao kanda nayamisi?

Matyu 19:4 ပူးပေါင်းရင်းမြစ်များ

Jenesese 1:27

Dopa lapala Anatumi enda akalipa baa yale pyuo wasiya.

Jenesese 2:18

Lapala dokopa Kamongo Anatumi lao, Doko akali baa ikikarara doko kapa daa. Dokona nambame baapa kapa manda manjo nyiso yulu piramo mende wasakamiru, leya.

Jenesese 2:23

Akalimi kandapala Dake nambana range kuli angi yongo dake nambana yongo angioko. Akalinya pingyuo nyipyamo dokona banya kingi enda ingyara, leya.

Jenesese 5:2

Waso dokopa nakamba elyape keta pisinyi pyambuo kingi enda akalipaŋa, leya.

Malakae 2:15

Anatumi enda dokopa nakama pipya yanenge imambupi mendakinya ingyuo wasa nayase? Akipamo dopa piyase? Doko nakamame wane wanake manjirami doko Anatunya wambu kinyi angingyuo kararami lao piya. Dokona lao nakama range kando karalapape. Parange karapala enda nyuo karo pii lalu lao leene doko nakama mendalimi yalarama lao kando karalapape.

Matyu 12:3

Baame nakama lamaiyuo, Dapiti lopo piyamo dokopa banya akali dupwa pipya mende piyami pii doko pyasi palamo doko nakamame kando yaka laa nangese?

Matyu 21:42

Yesumi nakama lamaiyuo, Nakamame pii pyasi palamo doko yaka lao kanda nangese? Doko akali kana anda pyuo kareyami dupwame kana mende nyuo nembeyami, doko enakana anda donge dokona mupwa ingyuo epo siya. Dopa piyamo doko Kamongome renge kuiyuo piyamosa piya. Dopa piyami dokona namwame lengeme kandapala mona nembo karamano.

Matyu 21:6

Yesumi disaepole dolapo dopa pinya leyamuli pyuo pao nyiyambi.

Matyu 22:31

Deeko, wambu kumuo lete lopo eparama dokona suu pyao Anatumi nakama pii langiyamo pyasi palamo doko nakamame kando yaka laa nangese? Namba Aporakamena Anatu ingyuo karo, namba Aisakena Anatu ingyuo karo, namba Jekopena Anatu ingyuo karo pilyu, leya kande. Baa kumuo palaminyi dupwana Anatu ingyuo kara nange baa lete karaminyi dupwana Anatu ingyuo karamo, leya Yesumi.

Make 12:10

Anatunya pii pyasi dopa lao palamo kande, Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Make 12:26

Dokona ingyuo mende leya. Kumuo palirami dokopa Anatumi minyalyuo nyerape mee lao Mosesena buku dokona pii mende palamo kanda nalyamisi? Mosese baa isa pusinainya isare reyamo dokona repeta kareyamo dokopa Anatumi baa dopa lamaiya. Namba Aporakame Aisake Jekope palu dusipana Anatu ingyuo karo, leya.

Make 2:25

Dopa leyaminyi dokopa Yesu isingi dopa lamaiya. Dapiti lopo piyamo dokopa banya akali dupwa pipya mende piyami pii doko pyasi palamo doko nakama kando yaka laa nangese?

Luku 10:26

Dokopa Yesumi baa kando dopa lamaiya. Buku Baepole pyasi palamo dupwa apa letase? Emba kandee dupwa apa lao polo langilisi? leya.

Luku 6:3

Dokopa Yesumi dopa isingi leya. Dapiti lopo piyamo dokopa banya akali dupwa pipya mende piyami pii doko pyasi palamo doko nakamame kando yaka laa nangese?