Matyu 18:25 - Anatunya Buku Baepole Ole Testamene Pii Lapo dee Nuu Tesamene

²⁵ Dokopa baa maiyalana saka nayamo dokona banya kamongo dokome lao, Baamoo banya etengemoo banya wane wanake dusipape banya bange retenge dupwa peparaepe ropo pyao maipala dokome baa namba kana jerali dusipa range nyero, leya.

Matyu 18:25 ပူးပေါင်းရင်းမြစ်များ

Aisaya 50:1

Kamongo dokome lao Nakamame suu pyaminyi dokopa akalimi enda ramanyi nembenge dopale ingyuo nambame nambana wambu dupwa neta ramanyi nembo kaeŋe lao suu pilyamisi? Dopa pyuo suu pyarami ramo ramanyi nembelyo lao pepa piyunu angi doko anja silyase? Akali mendeme banya wane dupwa karapusi ingyuo yulu pyuo pena lao maiyuo kana nyingi dopale ingyuo nambame nakama karapusi ingyuo pupwa lapala maiyuo bange nyiiŋi lao suu pilyamisi? Daa nakama karapusi ingyuo peyami doko nakama rangeme koo pipala lowa yalo piyaminyi dokona peyamisa piya.

Matyu 18:24

Baame kana akipare jerami ingilyase lao kanda soo yaka leyamo dokopa akali mende baame kana ama malu paka milyane dopale doko lanyuo baa kareyamo dokona epeya.

Luku 7:42

Nakambame baa isingi maiyalana saka nayami dokopa baame nakamba isingi jii narambi lao kaepala kaeya. Dokona suu pyao akali anjukusi baa wakasa mona reto kararase? leya.