Matyu 18:12 - Anatunya Buku Baepole Ole Testamene Pii Lapo dee Nuu Tesamene

¹² Apa lao suu pilyamisi? Akali mende banya mena sipisipi akalisa pao akalisa kararaminyi dokona mende anda epa nara ramo dokopa baame sipisipi akalisa mange mendaki dee ipisu mange mendakiko karo dupwa yuu kyau pyalya pyana pingi dokona mee karena lapala mendaki pana nayamo doko koto nyela paa narase?

Matyu 18:12 ပူးပေါင်းရင်းမြစ်များ

1 Kiŋi 21:17

Peyamo dokopa Kamongo dokome yuu Tisipi range poropeta Ilainja lamaiyuo,

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Isikiolo 34:12

Mena sipisipi rapu pingi akali dokome bolombalo lao pelyaminyi dupwa nyuo elyambu pingi. Doko suu pyao randa epeyamo yuu muu wakale wakale dupwana bolombalo lao peyaminyi dupwana piso range nyuo eparo.

Isikiolo 34:16

Nambame isa pelyaminyi dupwa koto karo neta puu pao otasi dupwa nyuo lanyuo epo rete pira dupwa yaki pyakamyuo anga pyara dupwa lete nyuo pyuo kararo. Dopa pirunupape wambu rondo lasipi porai ingyuo karaminyipape dupwa pyao kokwa sinyi nembaro. Renge doko namba sipisipi rapu pingi ingyuo karo dokome rolae doko anjuku lao mee dopa piru ingilyamo.

Isikiolo 34:28

Wambu Anatu suu pyaa nange dupwame dee epo pyao bange dupwa lalyuo nyuo pii narami. Dee mena suwape wambu nalana pingi dupwame nakama pyao nao pii naramiko. Nakama mondo lao palyuo kararaminyipa mendeme nakama paka renge maiyuo pii narami ingilyamo.

Isikiolo 34:4

Embame porai napyamo karaminyi dupwa suu pyaa nao anga pyapyamo karaminyi dupwa pyuo nyii nao rete pipyamo dupwa yaki pyakami nao neta puminyi dupwa sukusa nyii nao pyuo karene. Dopa piri doko suu pyao wambu dupwa randa maiyuo karene.

Isikiolo 34:6

Dopa pyuo nambana sipisipi dupwa yuu kyau kukipi andakepe dupwana ralo pelyaminyi. Dopa pyuo bolombalo lao isa yuu peparaena puminyipa mendeme kando nyelana suu pyao kota nalyaminyi.

Matyu 12:11

Baame nakama lamaiyuo, Nakama karaminyi akali dokona mendena sipisipi mendaki karara doko misi lenge gii dokopa yuwale mendena yalyara ramo dokopa baame nyuo minyarapala minyalyuo neta nyii narase?

Matyu 18:13

Dokona suu pyao kinyi langilyu, sipisipi akalisa mange mendaki dee ipisu mange mendakiko neta paa narami dupwa rae maiyuo kondaramopape mende paramo nyera doko ama wakasa rae maiyuo kondara.

Matyu 21:28

Apa lao suu pilyamipi? Akali mendena ikinyingi lama kareyambi. Dokopa baame wane mupwa kareya dokona papala dopa lamaiya. Rakane, epapu emba isa girapo ee dokona yulu pela puu, leya.

Matyu 22:42

Koraisa doko apa pyuonde lao suu pilyamisi? Apinya ikinyingi ingyuo karase? leya. Nakamame baa lamaiyuo, Dapitinya ikinyingi, leyami.

1 Korina 10:15

Nambame nakama mona palenge wambu dupwa kando langilyu. Namba leto dokona nakama range suu pyalapape.

1 Pita 2:25

Nakama wambo mena sipisipi isako dupwana ralo penge ingyuo kareyami. Dakepa Anatunya Imambunya yulu rapu pyuo karenge akali andake dokona repeta epapala moko minyuo pelyaminyi.