Matyu 17:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dopa leyamo dokopa Yesumi dopa lao isingi leya. Nakama wambu epapu ando karaminyi dupwa Anatu kapa ingingi lao suu pyaa napala simbi simbi pyuo karaminyi. Yuu akipare namba nakama pipya role pyao kararamase? Yuu akipare nakama ukiaki minyuo kararaminyipa nambame nakama mata kui lao mana langyuo kararose? Namba karo dakena wane doko lanyuo ipupwa, leya.

Matyu 17:17 ပူးပေါင်းရင်းမြစ်များ

Samu 95:10

Ee kana akalisa kisima namba imbu singi nyakayami. Nambame endakalipi yuu peparae kopetame suu pyao karenge, leyo. Nambana nenge rambo lao piso karo pingi doko kamba lao mana nyii nalu nao nayami.

Ekesetase 10:3

Dopa lapeyamo dokopa Erone Mosesepa pao kiŋi doko kando dopa lamaiyambi. Ipuru wambunya Kamongo Anatu dokome lao, Yuu mange akipare dee nambana pii soo nyii nao kamba lao kararepe? Nambana wambu dupwame namba kingi minyalyuo lao lakandarami lao pena lakape.

Ekesetase 16:28

Dokopa Kamongo dokome Mosese lamaiyuo lao, Yuu gii akipare nembo nakama wambu dupwame nambana mawa pii kamba laramisi?

Poropepe 1:22

Mona palenge singinya renge dokome wambu ingyuo pii dapa pyuo letamo. Mona pali nange wambu dupwa yuu gii akipare mona pali nange ingyuo karalana suu pilyamisi? Yuu gii akipare soo nyingi wambu dupwa kando meeŋe lao giyalya giyana pyuo nyuo mambunya palyuo kararamisi? Anjokorape mana nyelana pyuo kararamisi?

Poropepe 6:9

Yuu gii akipare akali maka suku suku nenge doko luu palu anda serase? Dee baa anjokorape sipurapala lenge rao kararase?

Nambase 14:11

Kamongome Mosese lamaiyuo, Yuu gii akipare nembo wambu dupwame namba mata joo yaki nyuo kaeyaramisi? Wambu dupwa keta nambame yulu kanda nange dupwa pipunupape yuu gii akipare wambu dupwame mona kana poko namba kapa ingingi lao suu pyaa naramisi?

Nambase 14:27

Yuu gii akipare nembo wambu koo pingi dapwame namba kando mumu lao kararamisi? Doo mumu letaminyi dasipa yakana namba silyu.

Matyu 13:58

Dokopa wambu yuu range dupwame baa kapa pira lao suu pyaa nayaminyisa yuu dokona Yesumi yulu andake pyuo kara naya.

Matyu 16:8

Dokopa Yesu dopa lalyaminyi lao sepala dopa leya. Nakama kapa ingingi lao suu pyaa nale nale lao karaminyi akali dupwa, akipamo nakamame, yango sukusa borete see nalyamo dokona lao karamisi?

Matyu 17:16

Doko embena disaepole dupwa karaminyi dokona baa lanyuo ipunupa nakamame baa pyuo elya pyuo nyelana saka nalaminyi, leya.

Matyu 17:18

Dokopa Yesumi imambu koo doko kando pyalana pyuo lamaiyamopa imambu koo doko wane yaki nyuo neta epeyamopa wane doko aopa mee kareya.

Matyu 6:30

Dokona suu pyao isako dupwa epapu andelyamopa rakya dokopa isarena kisingi dupwa suu pyao Anatumi yanenge keyange au pyuo wapwakamiramo dokonako ingyuo nakamana reke lao wapwaka narase? Nakama Anatu kapa pira lao angingyuo suu pyao kara nalyaminyi.

Matyu 8:26

Dokopa baame nakama lamaiyuo, Anatu kapa nyisara lao suu pyao kara napala akipamo pakalyamisi? leya. Lapala sipurapala porambaiyepe ipwape pyalana pyuo kaena leya. Dokopa koo pyuku pyuku peya.

Make 16:14

Enakana disaepole akali akalisa ipisu mendaki kareyami dupwa nakama range taepo repeta piso nenge nao peteyami dokopa Yesu nolako epeya. Epapala wambu lapo baa lopo epeyamo kandapala leyaminyi pii doko kinyilyamo lao suu pyaa nao mona kana pokwapala kareyami dokona pyalana pyuo lamaiya.

Make 9:19

Yesumi pii doko sepala nakama isingi lamaiya. Nakama wambu epapu ando karaminyi dupwa Anatumi kapa pyuo elya pyuo nyera lao nakama suu pyaa nalyaminyi, leya. Yuu akipare namba nakama pipya role pyao kararamase? Yuu akipare nakama ukiaki minyuo kararaminyipa nambame nakama mata kui lao mana langyuo kararose? Namba karo dakena wane doko lanyuo ipupwa, leya.

Luku 24:25

Dopa leyambinyi dokopa baame nakamba dopa lamaiya. Nakamba akali kopyali Anatunya poropeta akali dupwana pii dupwa monarename kinyilyamo lao waiya lao suu pyaa nalyaminyi.

Luku 9:41

Yesumi isingi lao dopa leya. Nakama wambu epapu isa anda karaminyi dupwa, Anatu kapa ingingi lao suu pyaa napala simbi simbi pyuo karaminyi. Yuu akipare namba nakama pipya role pyao kararamase? Yuu akipare nakama ukiaki minyuo kararaminyipa nambame nakama mata kui lao mana langyuo kararose? Namba karo dakena embena wane doko lanyuo ipu, leya.

Jone 20:27

Lapala Tomasa kando lamaiyuo, Embena kingi pambu doko dakena suu lapala, nambana kingi dolapo kandape. Kandapala embena kingi pyasinju lapala nambana parali doko minyando sepe. Soo neta nemba napala kinyi kinyi angiŋi lao suu pyao karape leya.

APOSELENA YULU 13:18

Lanyuo papala nakama ee kana akalisa kisima ingyuowale yuu muiyane dokona kareyaminyipa baame nakama sakao sakao pyuo minyuo kareya.

APOSELENA YULU 2:40

Pitame pii londe lao pii renge wakale wakale dupwana kata wapuo lamaiyuo, Nakama dae wambu yulu koo pyuo karaminyi dupwa yaki nyepala lete wai pyao ipupwape leya.

2 Korina 11:1

Kopyali pii kuki mende laro ramo dokopa mata joo kaeya namili lao leto.

Dutaronome 32:5

Dopa pyuo karapyamopape nakamame baa yaki nyuo kaelyaminyi dokona banya wambu angingyuo kapa kara narami ingilyamo. Nakamame yulu koo pyuo minyako pyuo karaminyi.