Matyu 14:8 - Anatunya Buku Baepole Ole Testamene Pii Lapo dee Nuu Tesamene

⁸ Dokopa banya endangi pao lamaiyamopa enda dokome, Jone bapitisimo nyakamaingi dokona ayemba pukupala doko pere paleta dae namba jelase, leya.

Matyu 14:8 ပူးပေါင်းရင်းမြစ်များ

1 Kiŋi 18:13

Lapala dee lao, Enda Jesapele dokome Kamongona poropeta akali dupwa pyao kumakaya dokopa nambame akali andete mendaki (100) nyepala kananda lapona gurupu lama wasapala pingyu akalisa kingi paki (50) ingyapala yalu pyuo palena lapala nenge ipwape maipapu piyu doko emba see naese? leya.

1 Kiŋi 18:4

Dokopa enda Jesapele dokome Anatunya poropeta akali dupwa pyao kumakayamopa akali Opetaya dokome akali andete (100) nyiya. Nyepala kananda lapona gurupu lama wasapala pingyu akalisa kingi paki (50) ingyapala palena lapala ipwa nengepe maipapu piya.)

1 Kiŋi 19:2

Dokopa enda dokome Ilainja peteyamo dokona pii wai nembapala lao, Embame poropeta dupwa pyapi doko suu pyao epapu rakyape mende nambame emba pyaa naro ramo dokopa mee bange anatu dupwame namba kumungi dokona pyambuo pinya, leya.

Esera 1:9

Yaka leyamo dusipa pere malawai lasi kana golome wasisi lapo Anatu rae maiyuo maingi bange retenge akalisa rema: 30 pere warake kana kulingimi wasisi lapo Anatu rae maiyuo maingi bange retenge taosande mendaki: 1,000 mee pere malawai lasi akalisa lama dee mange mendaki karo: 29 pere kuki golome wasisi akalisa rema: 30 dee pere kana kulingimi wasisi kuki andete kisima dee akalisa mendaki: 410 dee mee bangeme nenge Anatu pyao kiso maingi dupwa taosande mendaki: 1,000 dusipa ingiya.

Poropepe 1:16

Yulu koo pinya kambu nakepanyi nembo pyaraminyi dokonako suu pyaro karaminyi.

Matyu 14:11

Leyamuli pyuo pyao nyepala ayemba doko pere paleta minyuo epo wanake doko maiyaminyipa baame minyuo epo endangi maiya.

Matyu 14:7

Rae maipala wanake doko lamaiyuo, Mende jii lare ramo doko mee jero lao lalu lao leto, leya.

Matyu 14:9

Leyamo dokona kiŋi dokome soo kondaya. Kondapalape wambu soo karena lao lalu lao lapunupa, wambu namba pipya nenge nao yalya kando pisimwano dokona pii doko lapunu selaminyi kandapi lao suu pyapala ayemba doko kapa nyuo mainya leya.

Make 6:24

Dopa leyamo dokopa baa anda lake karasi donge mendena papala banya endangi lamaiyuo, Aki jinya laowane? leya. Dokopa endangi isingi lamaiya. Jone bapitisimo nyakamingi dokona ayemba jinya lamairi, leya.

Make 6:25

Pii doko sepala enda mapwae waiya lao kiŋi peteyamo dokona papala, Jone bapitisimo nyakamingi dokona ayemba doko pukunyi retapala dakepa namba jii, leya.

Make 6:28

Nyepala piri andake mendena retapala minyuo epo enda mapwae doko maiya. Maiyasa nyepala banya endangi maiya.