Matyu 13:38 - Anatunya Buku Baepole Ole Testamene Pii Lapo dee Nuu Tesamene

³⁸ Ee doko isa yuu dopale. Waingi keyange doko Anatunya isingi pandana sukusa karenge wambu ingilyamo. Rano dupwa koo dokona wambu dupwa ingilyamo.

Matyu 13:38 ပူးပေါင်းရင်းမြစ်များ

Jenesese 3:15

Dokopa enda embapa imbu singi nyuo pisipwape, laro. Nakambana wai kiso nyerambi dupwa dopako pyuo pyakando pyuo puu parami. Baame embena ayemba kalyuo pyarakwara. Embame banya kimbu yukuna nao kumuo pyareko, leya Anatumi.

Samu 22:30

Rengyana ando kararaminyi dupwame banya yulu pyakamirami. Akali dupwame Kamongona lao enakana manjirami dupwa lamairami ingilyamo.

Aisaya 53:10

Kamongome lao, Nambame baa randa nyuo yasu napyali lao suu piyu dokona randa nyiya. Dopa pyuo baa kumuyamo dokopa mena pyao kiso maingi dopale ingyuo wambunya koo dupwa kame soo kaeyasi siya. Dokona lao baame banya para pyasi wambu dupwa range kando nyera. Baa yuu gii londe andarele karara. Dokopa baa kumaramo renge doko nambana yulu dupwa jingi lyuo kapa palyuo para.

Osia 2:23

Nambame nambana wambu dupwa yuu dokona porai ingyuo kapa palyuo karena lao piru. Pipala wambu lapo nambame mona reta nalyamo letaminyi dupwa nambame mona retenge renge doko lasaka piru. Dee wambu lapome lao nakama nambana wambu daa letaminyi dupwa kando lao, Nakama nambana wambu laro. Dokopa nakamame isingi lao, Emba namwana Anatuŋu larami.

Matyu 13:19

Lapome Anatunya isingi yulu dokona renge pii lapo sepala soo gisa naramopa monarena pii palira doko koo dokome epo pyaso nyuo nembara doko suu pyao waingi lapo kata dokona peya.

Matyu 24:14

Dokona suu pyao Anatunya isingi yulu dokona lao waili pii keyange, doko isa yuu muu dupwana boo pyao, rara wakale wakale wambu dupwa peparae sinya lao, rolo lamaiyuo pao kapa kapa pirami dokopa gii doko lumwa pira.

Matyu 5:37

Kinyi larama lao suu pyarami ramo doko mee, Waa, lalapape. Dee, Daa, larama lao suu pyarami ramo doko mee, Daa, lalapape. Pii mende dokona konda pyuo larami ramo doko kopetame suu pyapala laramisa pira.

Matyu 8:12

Pisaraminyipa yake panda sukusa pupingele dupwa iminjingi neta dorena nyuo pyambwara. Dokopa ee lao nenge ginyi ganyi lao kararami, leya.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

Jone 12:24

Kinyi kinyi langilyu, witi jingi mende yuunya pao kuma nara ramo doko baa etorenge sulu sera. Dopa piramopape endangi yuunya palyuo kene pyapala rumbingi dokopa jingi malu lyingi.

Jone 8:44

Nakamana Rakange Satane dokona rango doko napala pyuo karamwali lao karaminyi. Baame ene busiyamo dokona piso epo wambu pyao kumakao kareyamoko karenge. Baa keta pii kinyi doko pali nalyamosa baame pii kinyi dokona mende suu pyao lara ingya nange. Baa renge kuiyuo kyambo lenge dokome kyambo lengena rakange kyawa ingyuo karamo.

APOSELENA YULU 13:10

dopa leya. Emba Satanena ikinyingi dake, emba yulu rolae dupwa peparaena sisi nyuo pyuo karo panga sokondali pyuo kendepo kendepo nao karene. Embame Kamongona kata rolae dupwa kyaimai pyuo karene doko kae narese?

Orome 10:18

Dopa pyuo pupyamopape nakama piso serowale. Juu wambu waili pii see nayami doko kinyisi? Doko ama kinyi siyami. Pii pyasi dokona lao dokopa, Pii minyuo papingi akalinya pii lasi doko yuu mure lao pao kapa pyuo nakamana pii doko yake yuupa rambungi dolapona peya letamo.

Orome 16:26

Dopa pyuo karapyamopape pii kinyi angi dupwa poropeta akali dupwame pyao reto kareyami doko dakepa panasi silyamo. Anatu lete karalu karenge dokona pii leyamo dokome pii kinyi angi doko yuu muu peparaena sinya lao pilyamo. Dopa pilyamo dokona nakama peparae mona kapu kyuo laramuli pyuo pirami ingilyamo.

Orome 8:17

Namwa banya wane ingilyamano dokona keyange renge dupwa banya wambu nyerami lao retakamingi dupwa namwa keta palira. Dee Koraisa keyange renge nyera lao Anatu retakamingi dupwa namwa keta opetae palira. Koraisa randa nyiyamuli pyuo nyerama ramo dokona namwa Koraisana yanga paupau lenge doko namwana opetae ingyara.

Kolosi 1:6

Waili pii keyange nakama siyami dokoko epapu yuu muu dupwana raeyo pelyamo. Anatumi mona keyange palyuo ipingi renge doko angi soo nyepeyaminyi mange dokopa piso epo pii doko nakama keta andapala jingi ingyuo lyingi. Nakama keta jingi lyiya dopako pyuo wambu peparae keta epapu jingi lyilyamo.

Jemesa 1:18

Baa range suu piyamuli pyuo waili pii angi kulisa dokome namwa waso nyiya. Wasiyamo lapo dupwana namwako isa jingi mupwasa kanda soo lyingi dopale lao wasiya.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

1 Pita 1:23

Nakama isa wambunya para pyao nyisi ingyuo paa nalyaminyi. Anatunya letena palenge pii sulu singi dokome nakama banya wane wanake karalu karenge ingyuo manjo nyilyamo.

1 Jone 3:2

Nambana puu minyingi dupwa epapu namwa Anatunya wane wanakepe ingyuo petamano. Namwa yake panda dokona apiyakale ingyarama lao nolaka napyamopa kando sepa nalyamano. Dopa piramopape Yesu pano eparamo dokopa namwa baa angi rolae kandarama dokome baa yale ingyarama.

Orepalaisane 14:6

Enakana aŋala mende yake dokona ama ketae bii lao pao dokopa isa wambupi yuu muu wakale dupwana rarape pii wakale wakale lengepe dupwa keta waili pii keyange sulu singi doko lamaiyala peya.