Matyu 13:35 - Anatunya Buku Baepole Ole Testamene Pii Lapo dee Nuu Tesamene

³⁵ Anatunya poropeta akali dokome wamba dopa piru dopa piru lao kareyamo dokonako palyuo Yesumi kongwalu pii lamaiya. Poropeta akali dokome dopa leya. Namba kambu roma lumbwapala kongwalu pii wakale wakale laro, isa yuu dupwa pyuo ingyuo reteya dokona piso pii kyanga pyaro karalu kareyamo doko nambame laro lao leya. Leyamo pii dokonako palyuo lamaiyuo kareya.

Matyu 13:35 ပူးပေါင်းရင်းမြစ်များ

Samu 49:4

Dopa pyuo nambame kongwalu pii pyasi doko soo gisalena sokondali pyuo karapala renge doko rambyalu lao dokopa dokona polo larono serami.

Aisaya 42:9

Renge lapo dopa pyuo paralyamo lao wambo pipa nayamopa langiyunu dupwa dakepa kinyi angingyuo pipyamo kandelyaminyi. Enenge piramo dupwa kamame wambo pipa naramopa dakepa nambame langiruwale.

Emosa 3:7

Kamongo wambu dupwana mupwa ingyuo iso karenge dokome yulu peparae pinya dokopa banya kendemande poropeta akali dupwa wambo panao lamaingi.

Matyu 13:14

Aisaya pii polo leya doko wambu dupwa keta pyaka silyamo. Pii doko dopa lao pyasi palamo. Nakama soo pisipala renge angi soo gisa nalu nao narami. Lengeme kandapala angi doko aki lao kando gisa narami.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Matyu 5:2

Dokopa baame kambu roma lumbwapala dopa lao mana lamaiya.

Luku 10:14

Dokona suu pyao Anatumi kote laramo dokopa nakama randa andake naraminyipa Taya Saitonepa range kuki pyuo narami.

Jone 17:24

Rakane, wambu namba jiinyi dusipa namba kararo dokona nakama opetae role pyao karamwali lao leto. Karo dokopa isa yuu ene pyuo wasapa naenepa embame namba mona retapala yanga paupau lenge renge jii doko nakama kandarami.

APOSELENA YULU 15:18

Kamongome pii doko yuu wamba lao paneya kande.

1 Korina 2:7

Anatunya pii kulisa yalu pisi doko isa wambu wambo see nayami dokonasa polo lao karo. Isa yuu dake wasapa nao dokopa Anatunya pii kulisa letamano doko namwana yanga paupau lakara lao pyuo rombo palyiya.

Epesasa 3:5

Doko wambu kyawa ingyuo kareyami dupwame soo kara nayami doko epapuli aposele yapasi dupwape poropeta akali dupwape banya Imambumi lamaiyuo panapyamo simi.

Epesasa 3:9

Anatu baa bange peparae wasiya dokome ama kai wamba mende piru lao suu pyapala yambe piya doko namba lao panaronopa wambu peparae serami.

Ipuru 1:1

Wambo dokopa Anatumi namwana akali kyawa dupwa banya poropeta akali dupwa keta pii lamaipa piya.

Orepalaisane 13:8

Dokopa isa enda akali dupwa nakamana kingi doko Anatumi yuu panda wasapa nayamo dokopa letena renge palenge buku dokona kingi pali nange dupwame mena bange koo dokona kingi lao kararami. Buku doko mena Sipisipi Ikyane wambu pyao kumakayami dokona ingyuo siya. Kale kata singi ramo soo pisipwape.

Orepalaisane 17:8

Mena kandelene doko lete kareyamoko doŋo epapu kara nalyamo. Baa yuwale kata soo puu penge dokona pisipala dee pulyuo eparamo dokopa pyao kokwa sinyi nembarami. Isa wambu lapo Anatumi ene kanda soo yuu wasapa nayamo dokopa nakamana kingi letena renge palenge buku dokona pyasi pali nalyamo dupwa mena doko kandarami dokopa mona nembarami lyakande leya. Mena doko karapala dee pana naya doko dee enakana maro lara leya.