Matyu 12:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dopa piyamo dokopa Anatunya poropeta akali Aisaya lenge dokome pii leyamo doko pyaka siya.

Matyu 12:17 ပူးပေါင်းရင်းမြစ်များ

Aisaya 42:9

Renge lapo dopa pyuo paralyamo lao wambo pipa nayamopa langiyunu dupwa dakepa kinyi angingyuo pipyamo kandelyaminyi. Enenge piramo dupwa kamame wambo pipa naramopa dakepa nambame langiruwale.

Aisaya 44:26

Dopa pipyamopape nambana kendemande dupwa rengya mende piraŋa lao lenge. Nambame wai pii minyakange akali dokome nambame mende rengya piruŋu lao rapa rapa pyuo retenge doko pano lakale peenge. Dopa pipala doo ene rengya mende pira letono dupwape dee mende pinya rapa rapa pilyuŋu dupwape angi kinyi lao panenge. Nambame Jerusaleme range wambu dupwa range epo dee paliraminyipa Juta wambunya taone dupwa kamba range piramiŋi leto. Taone dupwa lalyuo kwaeyasi doko minyalyuo pirami ingyara, namba dopa pyuo leto.

Matyu 12:18

Nambana kendemande akali nambame nyuo rombo palyiyu, nambame mona retelyo doko kando monarena raeko maiyuo karo doko kandalapa. Baa keta nambana imambu doko maralyaronopa baame rara wakale peparae yulu rolae dokona lao polo lamaira.

Matyu 13:35

Anatunya poropeta akali dokome wamba dopa piru dopa piru lao kareyamo dokonako palyuo Yesumi kongwalu pii lamaiya. Poropeta akali dokome dopa leya. Namba kambu roma lumbwapala kongwalu pii wakale wakale laro, isa yuu dupwa pyuo ingyuo reteya dokona piso pii kyanga pyaro karalu kareyamo doko nambame laro lao leya. Leyamo pii dokonako palyuo lamaiyuo kareya.

Matyu 21:4

Dopa piyamo doko Anatunya poropeta akali mende wamba leya pii doko pyaka siya. Poropetana pii doko dopa leya.

Matyu 8:17

Dopa piya doko Anatunya poropeta akali Aisaya pii leyamuli pyuo pyaka siya. Pii leya doko dopa lao palamo, Baame namwana anga wakale wakale dupwa pyuo nyuo, namwana yanyi pingi renge dupwa rekya lanyi nembakao kareya leya.

Luku 21:22

Buku Baepole leyamuli pyuo randa andake narami leyamo kata dokonako palyuo pyaka sera.

Luku 24:44

Napala baame nakama dopa lamaiya. Namba nakama role pyao kareyamano dokopa nambame pii dopa langiyu kande, Mosesena Mawa Pii dokonape Anatunya poropeta akali dupwana pii dokonape kenane pii pyasi palamo pii dokonape nambasa kando lao palamuli pyuo pyaka sera ingilyamo langiyu kande, leya.

Jone 12:38

Dopa piyaminyi doko Anatunya poropeta akali Aisaya lenge dokome pii mende leyamo dokona suu pyao piyamisa piya. Pii doko dapa lao palamo. Kamongo, namwa lalamano doko api mendeme kinyilyamo lao suu pyalamisi? Kamongona porainya renge doko apimoo keta paneyamo kandeyamisi? lao palamo.

Jone 19:28

Enakana Yesumi banya yulu peparae dupwana lumwa pyaamo lao soo gisapala pii pyasi paleyamuli pyuo dopa leya. Namba nano pilyamo leya.

APOSELENA YULU 13:27

Jerusaleme wambu dupwape nakamana rapu pingi dupwa pipya nakamame baa dopa pyuondelyamo lao soo rola napala Anatunya poropeta akali dupwana pii pyasi palamo doko koro petenge dupwana peparae yaka lapa pingi pii doko soo gisa napalape pii doko leyamuli pyuo piyami.