Matyu 11:3 - Anatunya Buku Baepole Ole Testamene Pii Lapo dee Nuu Tesamene

³ Mende epara doko emba panda wakale mende epelyape lao koto kararamase? leya.

Matyu 11:3 ပူးပေါင်းရင်းမြစ်များ

Jenesese 12:3

Wambu lapome emba elyape keta pisarami dupwa nambame nakama elyape ketako pisaro. Dopa pirunupape wambu lapome emba koo keta palyarami dupwa kooko keta palyaro. Wambu rara wakale wakale dupwa embapa lapolapo lao elyapeketa pisirami, leya Anatumi.

Jenesese 3:15

Dokopa enda embapa imbu singi nyuo pisipwape, laro. Nakambana wai kiso nyerambi dupwa dopako pyuo pyakando pyuo puu parami. Baame embena ayemba kalyuo pyarakwara. Embame banya kimbu yukuna nao kumuo pyareko, leya Anatumi.

Jenesese 49:10

Juta embena rombelyame kaikwasi dokoisa paa nara. Embena rara doko kiŋinya rara ingyuo karalu kararami. Kamongonge bange dupwa reto karo pao range eparamo dokopa baa keta pyamalyarami. Wambu peparae baako kando warombo soo banya pii minyaraminyi karara.

Samu 118:26

Kamongona kingi lao epelyamo doko Anatumi elyape keta penale. Kamongona tembole anda dokona piso emba elyape keta pisale letamano.

Aisaya 7:14

Dakepa Kamongo baa rangeme emba renge lyakai mende pyuo lasaka piramo doko dopale. Doko enda mapwae mende petamo doko keta wane ingyaramo manjipala dokopa kingi doko Imanuele larami, leya. (Imanuele kingi doko Anatu namwa role pyao karamo dopale.)

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Sekaraya 9:9

Yuu Sayone wambu nakama rae rae maiyuo karalapape. Jerusaleme wambu dupwa rae maiyuo pii porakai lalapape. Nakamana kiŋi doko epapu nakama keta epelyamo kandalapa. Banya yanda pimwai anamasi minyuo isa palyuo epelyamo. Dopa pyuo ipyamopape baa pau lao epo donge dokona piso epelyamo. Donge ikyane kumwambona dokona piso epelyamo.

Malakae 3:1

Pii dakena sepala Kamongo Porai Wakasa dokome isingi lao, Nambame nambana kata wapwakana lao nambana wai minyingi akali mende wambo pena laro. Dokopa aopa nakama Kamongo kandalana kotelyaminyi doko banya tembole anda dokona epara. Dokona waili pii minyingi akali kandamwali lao suu pilyaminyi doko epapala nambana kana minyuo lalu lao lenge pii dokona polo langira.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Nambase 24:17

Rengya pira dokona kando suu pyao Isaraele rara dupwame pirami doko silyu. Kiŋi doko bui yanga paupau wakasa lenge dopakale ingyuo Isaraele rara dupwana sipurapala karara. Isaraele karo epo baame Moape range akali mupwa dupwa pyara. Dee Sete wambu dupwa peparae pyao isa palyuo kokwa soo nembara.

Matyu 11:10

Pii mende baasa lao pyasi palamo doko, Embena lenge kambu dokona nambana wai minyingi akali wambo pena leto, kande. Baame wambo pao embena kata wapwakao karara.

Matyu 11:4

Dokopa Yesumi nakama isingi lamaiyuo, Nakamame soo kando pilyaminyi dupwa Jone lamaiyala pupwa.

Matyu 21:5

Nakamana Kiŋi doko epapu nakama keta epelyamo lao, Yuu Sayone range wambu dupwa lamaiyalapape. Pau lao epo donge dokona petamo, dongena ikyane kumwambona dokona petamo, leya.

Matyu 21:9

Dokona wambu malu wamboko enakao pyuo peyaminyi dupwame pii porakaiyuo kaeyo lao dopa leyami. Dapitinya ikinyingi doko neta ipwamo kandalapa, Kamongona kingi lao epelyamo doko elyape keta penale. Yake dorena lakandamana leyami.

Make 11:9

Dokopa wambu dupwa wamboko enako pao pipala pii porakaiyuo kaeyo lao, Anatu lakandamana. Kamongona kingi lao epelyamo doko Anatumi elyape keta pena.

Luku 19:38

Kiŋi akali mende Kamongo dokona kingi lao epelyamo doko keyange keta palena. Yake panda dokona koo soo kararaminyipa Anatu neta renge wakasa ingyuo karena leyami.

Jone 11:27

Kinyi Kamongo, Koraisa Anatunya Ikinyingi isa yuu dakena epara ingiyamo doko embalyamo lao suu pyapelyo leya.

Jone 12:13

isa bona dupwana yokonge nyepala baa epeyamo dokona kando nyela pao pii ketae palyuo dopa leyami. Anatu lakandamana. Kamongona kingi lao epelyamo Isaraelena Kiŋi doko keta renge keyange epakaminya leyami.

Jone 16:14

Baame nambana dupwa nyepala mana langyuo dokome namba keta pyambwarasa pira.

Jone 4:21

Yesumi baa lamaiya. Enda, namba kinyi letene lao suu pyaa, yuu gii mende pyaka seramo dokopa yuu kyau dakenape Jerusalemepe dolaponako Rakange doko ketae pyambuo yako lao kararaminde daa.

Jone 6:14

Yulu andake dopa pyuo lasaka piyamo kandapala dokopa wambu dupwame Anatunya poropeta akali isa yuu dakena epara ingilyamo doko akali dakelamo leyami.

Jone 7:31

Minyara nayaminyipa wambu malu meeme baa angiŋi lao suu piyami. Akali dake yulu andake malu lasaka pyuo karamo doko Koraisa eparamo dokopa yulu kamame wakasa lasaka pyuo kararase? leyami.

Ipuru 10:37

Dokona ingyuo Baepolena pii mende pyasi palamo doko. Mende epopyamo doko baa kaeya napala oo repetale epena pyuo karamo.