Matyu 1:1 - Anatunya Buku Baepole Ole Testamene Pii Lapo dee Nuu Tesamene

¹ Pii pyasi dake Yesu Koraisana rora ambasu dupwana lao pyasi palamo. Yesu baa Dapitinya rara dokona dee Dapiti baa Aporakamena rara dokona.

Matyu 1:1 ပူးပေါင်းရင်းမြစ်များ

Jenesese 12:3

Wambu lapome emba elyape keta pisarami dupwa nambame nakama elyape ketako pisaro. Dopa pirunupape wambu lapome emba koo keta palyarami dupwa kooko keta palyaro. Wambu rara wakale wakale dupwa embapa lapolapo lao elyapeketa pisirami, leya Anatumi.

Jenesese 2:4

Dopa pyuo yuu yakepi peparae pyuo wasiya.

Jenesese 22:18

Embame nambana lapunuli pyuo warombo soo pipinyi dokona lao embena manjo wai kiso nyerene dupwa keta rara doloma elyape keta piso parami, leya.

Jenesese 5:1

Atame dokona para pyao nyiyamo dupwana kingi dakena pyasi palamo. Anatumi akali wasiyamo dokopa baa range yale enda akalipa pyuo wasiya.

Samu 132:11

Embame Dapiti kando pii lalu lao lee doko dee range nyii nare ingyara. Pii Dapiti kando leene dupwa nambame embena ikinyingi mende kiŋi wasaronopa emba karenge alo dokona nakama iso karara, lee.

Samu 89:3

Akali nambana rombo palyisi pipa lao kana minyilyu. Nambana kendemande akali Dapitipa

Samu 89:36

Yuu peparae banya para pyao pyaramo dupwa rembe naa naramopa banya kiŋi yulu doko nambana lenge kambu dokona neta rao karamo dopale ingyuo soo puu para.

Aisaya 11:1

Kiŋi Dapitinya kiŋi yulu alonge dokona banya rara dokona mende pulyara. Doko isa pokwasi renge dokona angalu pyakalyingi dopale ingyara.

Aisaya 53:8

Baa minyaro nyepala pii piso soo kote leyami. Kote lapala baa lanyuo pyao kumakala peyami. Dokopa mendeme baa doo randa nyera dokona mendeme pii palyuo lakaminya suu pyaa nayami. Baa namwana wambunya koo dupwana lao reke lao pyao kumakayami.

Jeremaya 23:5

Kamongo dokome lao, Dapitinya para pyasi dokona yulu rolae pingi mende kiŋi inginya lao wasaro yuu gii doko epelyamo. Yuu liti dokona kapa kapa pyuo kiŋi dokome mona angi palipala anjuku rolae lao rolo pyuo rapu pyuo karara.

Emosa 9:11

Kamongo dokome dopa letamo. Dapitinya rara dokona kiŋi yulu doko anda lalyisi kwaeyo singi dopakale ingyuo silyamo. Dokona lao yuu gii mende pyaka solopyamo dokopa anda lalyuo kwaeyasi isa andopaepe peparae minyalyingi dopale ingyalopyamo. Dokopa yuu wamba Dapiti kareyamo yuu siya dopale ingyara.

Matyu 1:18

Yesu Koraisa mandeyami doko dopa pyuo mandeyami. Josepeme Maria ene nyelana mokoriya pyao kareyamo dokopa Imambu Poo Pyasimi renge kuiyamosa wane rombanda palyamo lao Mariame soo peteya.

Matyu 1:2

Aporakameme Aisake manjo, Aisakame Jekope manjo, Jekopeme Jutamoo banya yangonge dusipa pipya manjo piya.

Matyu 15:22

Dokopa Kenane enda yuu range mende epapala baa pii ketae palyuo dopa lamaiya. Kamongo, Dapitinya Ikinyingi, namba kando kondapala nyisape. Nambana wanenge doko imambu koo dokome baa maralyapyamopa randa andake nyilyamo, leya.

Matyu 3:16

Soo nyepala Yesu bapitisimo nyakamiyamo ipwana sipurao neta epeyamopa yake dulu lumbwapala Anatunya Imambu yaka wayamu dopale mende isa lupyuo baa keta epo peteyamo kandeya.

Matyu 9:27

Dopa pipala Yesu panya yuu doko yaki nyepala pyuo peyamo dokopa akali lenge koo lamame baa peyamuli pyuo pao pii ama poraiyuo kaeyo lapala, Dapitinya ikinyingi, nambwa kondapala pyuo nyii, leyambi.

Luku 1:33

Mairamopa yuu peparae baa Jekopena rara doko kamongo wakasa ingyapala rapu pyuo karalu karo karara. Dokopa banya isingi yulu doko ota nara, leya.

Jone 7:42

Koraisa Dapitinya para pyasi ingyuo yuu Beteleme taone Dapiti paleya dokona rae epara ingilyamo lao pii pyasi dokona pali nalyase? leyami.

APOSELENA YULU 2:30

Baa poropeta akali pii nolako lenge dokome Anatumi baa kando, Embena ree palu dokona mende embena kiŋi yulu pyuo karena lao rombo palyaro lao langyuo kaelyo, lamaiyamo pii doko soo gisapala

Orome 1:3

Waili pii doko banya Ikinyingi namwana Kamongo Yesu Koraisa doko baa mee isa wane ingyuo kiŋi Dapitinya rora ambasupi ree palu dokona manjo nyiyami dokonasa letamo.

Orome 4:13

Anatumi Aporakame banya para pyaramo dupwana lao lao kana minyiyamo doko yuu muu peparae banya kulisa ingyara leyasa piya. Lalu lao leyamo doko Aporakame Lowa minyilyamo lapala leyande daa. Baa Anatu kapa ingingi lao mona maiyamosa baa rolaeŋe lao kando nyepala leyapya.

Orome 9:5

Anatunya akali andake lapo nakamana rakange kyawa ingyuo kareyami. Koraisa akali ingyuo nakamana rara dokona epeya. Anatu baame wambu dupwa iso karalu karenge dokome banya kingi lakando karalu karena, doko kinyi.

Galasia 3:16

Anatumi Aporakame banya wane dokopa elyape keta pyambwaro lao kana minyuo leya. Doko para pyao nyeramo dupwa peparae suu pyao laa naya. Banya wane mendaki leyamo doko Koraisa dokona suu pyao leyasa piya.

1 Timoti 2:5

Anatu baa mendaki iki karo, dee kanya akali mendaki doko Anatu akalipa nyuo pakao pingi doko Koraisa Yesuko karo pingi.

2 Timoti 2:8

Yesu Koraisa Dapitinya para pyasi baa kumuo palyuo lopo epeyamo dokona waili pii keyange nambame lao karo doko suu pyaoko karape.

Orepalaisane 22:16

Yesumi, Nambana aŋala mende pii dusipa Elyambu Pingi wambu keta sinya lao lamaiyala pena lapu letamo. Namba Dapitinya para pyao peyamo dokona ingyuo mandeyami. Namba yangama bui yoyowande renge dopale ingyuo karo.