Malakae 3:16 - Anatunya Buku Baepole Ole Testamene Pii Lapo dee Nuu Tesamene

¹⁶ Pii doko sepala wambu Anatu kando mona kendo pakange dupwame yango mendali kando pii lamailya lamaina piyami doko Kamongome dopa lalyaminyi dopa lalyaminyi soo kareya. Dokopa wambu Kamongo kando mona kendo pakapala baa rape rape lao pyuo kareyami dupwana kingi dupwa buku mende Kamongo kareyamo dokona singi mendena pepa pyao reteyami.

Malakae 3:16 ပူးပေါင်းရင်းမြစ်များ

Jenesese 22:12

Baame lao, Wane doko pyaope mende pipa napipi. Embame ikinyingi mendaki nambame jiyunu doko mona yaepapala julu joo jipisa dokome Anatu mupwa lao suu pyao karengende doko panelyamo, leya.

2 Samyuele 7:1

Kiŋi Dapiti banya anda dokona kapa palu pisipiyamo dokopa Kamongo dokome banya nyisu petenge dupwame pyasasaramiŋi lapala nyiso kyawa lete nyiya.

1 Kiŋi 18:12

Nambame emba yaki nyuo parono yuu gii dokopa Kamongona Imambu dokome yuu kanda nange mendena emba nyuo lanyuo para ramo doko apa pirase? Dokopa emba dae karenge lao Ayape lamairu dokopa baa epo emba kotaramopa kara narene kandapala namba pyao kumakara. Namba wamba wane dokopa piso suu pingi keyange palyuo yuu peparae Kamongo lakando ateŋa lao karenge kandale doko emba suu pyaa, leya.

1 Kiŋi 18:3

Dokopa kiŋi Ayapeme akali mende kiŋinya anda dokona mupwa ingyuo karenge Opetaya lenge doko kee lao nyiya. (Opetaya baa suu pingi keyange suu pyao ateŋa lao Anatu lakando karenge.

Niyamaya 1:11

Embena kendemande akali Niyamayana ateŋa lenge dokope embena Isaraele kendemande wambu menge dupwa emba rape rape lao karalana suu pingi dupwana ateŋa lenge dupwape sepe. Epapu namba embone pisinyi pyambuo akali kiŋi karamo dakeme namba kandapala kondana lao nyisinya lao karape, Anatu lamaiyu. Yuu gii dusipana namba kiŋi akalinya nenge ipwa waenepe minyakamyuo epo maipapu pingi akali ingyuo karapala yulu dupwa pyuo kareyo, leya Niyamayame.

Samu 104:33

Namba Kamongo dokona lao kenane pyao karalu kararo. Namba kararo yuu gii dusipana nambana Anatulakando kenane pyaro.

Samu 115:13

Wambupeparae koo epengepe baa ketae pyambungi dupwa baame kapa elyape keta pisara.

Samu 139:4

Kamame pii ene laroli dupwa dopa larelyamo lao soo oto karene.

Samu 16:3

Kamongona yulu yaki nyii nao pyakamingi wambu dupwa ama keyange wakasa. Namba nakama pipya karo dokopa rae wakasa mailyu.

Samu 33:18

Kamongona mona reto karalu karenge dokona baa keta pyamalyuo banya pii warombo soo karenge dupwa baame kandokondali pyuo kandaro karenge.

Samu 34:15

Kamongome waso rolae pingi dupwa kandokondali pyuo kandaro karo nakamana mona rando lenge doko soo karenge.

Ekesetase 32:32

Dokona nakamana koo dupwa nyuo kame sakamipi. Kame sakami nare ramo doko buku embena wambu dupwa kingi pyao palyingi dokona nambana kingi palamo doko kwuanyi nembakape, leya.

Poropepe 13:20

Emba wambu mona angi palenge dupwa pipya role pyao karo mana nyere ramo doko emba wambu mona palenge ingyuo karare. Dee akali kopyali dupwa puu minyuo karare ramo dokopa emba kwao kararesa pira.

Jeremaya 31:18

Isaraele wambu dupwa mona randame kumuo laminyi doko namba silyu. Kamongo namwa mena kali rae lenge mona kana pokonge dopale ingyuo kareyama. Dopa piyamanopape namwa kamba lao nao warombo selapa lao mana langii kande. Emba Kamongo, namwana Anatu. Namwa emba keta lanyuo ipupi. Dokopa kapu kyuo emba karene dokona epanya epelyamano.

Daniele 7:10

Doko rao range palu lombo nyisa epeya. Dokopa wambu ama malu mee banya yulu pyakamyuo dee wambu ama malu wakasame banya lenge kambu siyamo dokona roya kareyami. Dupwana kote pii kanda soo lalana buku dupwa lumbuyami.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Luku 2:38

Josepe Mariapa tembole anda Anatu mona maiyuo kingi lao peteyambinyi gii dokopako Ana baa epapala Anatu kando ange lapala Anatumi Jerusaleme kiiramo nyela epelyape lao kando kareyami dupwa peparae wane dokosa lao kando lamaiya.

APOSELENA YULU 1:13

Pao andakare papala anda ketae koe luu palenge dokona pulyuo peyami. Pitamoo Jone Jemesa Enduru Pilipa Tomasa Batolomyu Matyu Jemesa Aopiasana ikinyingi doko, Saimone Selote akali doko, Jutasa Jemesana ikinyingi dokomoo role pyao pulyuo peyami.

APOSELENA YULU 10:2

Baape banya anda range wambu dupwa peparepe Anatu suu pyaokondali pyuo kareyami. Baa ipyapala wambu muiyane dupwa kana mone dupwa mee mokwa soo maimai pyuo, yuu peparae Anatu kando ateŋa lao kareya.

APOSELENA YULU 2:1

Yuu Pendekosa pyaka siyamo dokopa nakama peparae yuu mendakinya role pyao peteyami.

APOSELENA YULU 9:31

Dokopa yuu Jutiape yuu Galilipi yuu Samariapena Elyambu Pingi wambu dupwa mona kyuu lao siyamopa kareyami. Nakama monarena Kamongo doko pakao karo Imambu Poo Pyasi dokome nakama nyisiyamopa kareyami. Dokopa wambu malu Elyambu Pingi sukusa dokona konda konda pipala ama malu ingiya.

Epesasa 5:19

Nakama yango sukusa misi kenane dupwape Imambunya kenane dupwape pyao, Kamongo keta kenane dokome monarename piso nyuo ipwa kyukunaiye maiyuo pena lao pyao karalapape.

1 Tesalonaika 5:11

Renge dokona lao wambu yango porainyi pyambuo mendeme mende nyuo mona minyarambu karalapape. Epapu dakepa pilyaminyi dopako pyuo kararami.

1 Tesalonaika 5:14

Yangonemoo pii dake poraiyawale letamano. Makange wambu dupwa yulu pinya lalapape. Wambu pako petaminyi dupwa porainyi pyambwalapape. Wambu pyuku lasi dupwa nyisalapape. Wambu peparae dupwa pyalana pii nao mondo lao karalapape.

Ipuru 10:24

Namwa yango sukusa dokona apa pyuo wambu dupwa mona maiyuo yulu keyange pyakamirama lao kata dokona suu pyao pyuo karamanale.

Ipuru 12:15

Anatunya mona keyange palyuo ipingi renge doko mata maisarama lao kando karalapape. Doko imambusa paleta napala lele lao yango mende kokwa seramano lao waso karamanale.

Ipuru 3:13

Yangonemoo epapu nee silyamo dolapokoŋo yulu koo dokome kunji pyao mona kana poko nyii nana lao yango sukusa piimi lao porainyi pyambwalapape.

Orepalaisane 15:4

Api mendeme Kamongo emba kando paka napala embena kingi doko ketae minyalya narase? Emba iki poo pyasi karene. Embena yulu rolae dupwa panasi silyamo dokome wambu yuu muu peparae epapala emba suu pyao mona kando pisarami.

Orepalaisane 20:12

Dokopa wambu kumasi koo epengepe peparae kiŋinya petenge isa siyamo dokona roya kareyaminyi kandeyo. Dokopa buku lapo kumuyami dupwa aki mende pyuo kareyami lao buku dupwana pyasi paleyamopa kando kote larami buku dusipa lumbuyami. Dee mende letena palenge buku doko lumbuyaminyi kandeyo. Dokopa kareyaminyi dupwa buku leyamuli pyuo kote lao roleyami.