Malakae 2:6 - Anatunya Buku Baepole Ole Testamene Pii Lapo dee Nuu Tesamene

⁶ Nakamame yulu rolae dokona mana lamaiyami. Koo dokona daa. Nakama nambamoo rae maiyuo role pyao kareyamanopa nakama rolae dokona pyuo wambu koo piyami dupwa pii nana lao lamaiyuo piyami.

Malakae 2:6 ပူးပေါင်းရင်းမြစ်များ

Jenesese 17:1

Aporame baa ee kana akalisa mange mendaki ipisu mange mendaki (99) papeyamo dokopa Kamongo dokome baa keta epo nolakapala lao, Namba Anatu Porai Wakasa karo. Embame nambana yulu palengenyili pyuo rolae pyuo karare.

Jenesese 6:9

Noana wane rema Seme Ame Japetemoo dusipa mandeya. Wambu peparae kareyaminyi dupwana baaiki rolo pyuo kareya. Baa Anatupa bwua singyuo pyuo kareyambi.

Samu 119:142

Embena rolaena renge dupwa mee kulisa pao sulu seramopa embena lowa dupwa yuu mendepape kyambo ingya nara.

Samu 37:30

Wambu mona palengena pii doko keyange ingyuo penge. Baame laramo dupwa angi kapa dokonako lara.

Samu 37:37

Pii dake angi mende letamo lao selapape. Wambu rolae pingi dupwana kandapala mana nyelapape. Wambu mona sinya lao piso karo pingi dokona para pyaramo dupwa nakama pisirami ingyara.

Jeremaya 23:22

Nakamame nambana suu pingi yalu pyuo silyamo dupwa simili doko nakamame nambana pii dupwa nyepala nambana wambu dupwa polo lamaikaraminyipa Satane yulu dupwa yaki nyuo kaeyo karo yulu koo pyuo karaminyi dupwa alowa pyuo kaeyamili.

Osia 4:6

Nambana wambu dupwame namba Anatuŋu lao soo nyii nalyaminyi dokona nakama kwaeyo pelyaminyi. Nakama purisi dupwa namba soo nyii napala nambana mana lapunu pii doko nembaminyi dokona nambame nakama nembo kaepala ikinyi dupwa nambana purisi angi lao suu pyaa naro.

Matyu 22:16

Lapala nakamana disaepole dupwape Erote nyimbunya lao nyiso kareyami akali lapo dupwape Yesu kareyamo dokona pena leyamisa dopa leyami. Mana Lenge, emba rolae pyuo Anatunya yulu dokona lao angi kinyi mana lao karo, dokopa Kamongoŋo lao wambu dopale dapale lao suu pyaa nao pyuo karene doko namwame silyamano.

Make 12:14

Epapala nakamame baa dopa lamaiyami. Mana Lenge, emba kinyi angingyuo lao karene. Isa akali dupwame emba larami lao suu pyaa napala mee rangeme suu pilinyili pyuo lao karenge doko namwa kandelyamano. Emba akali kamongo dupwa paka napala pii rolae mee lenge. Emba Anatunya pii dokona kinyi lao karene, leyami. Lapala, Takisi mone namwame akali mupwa Sisa lenge maingi doko kande dokona namwana Mawa Pii mende palase panda pali nalyase?

Luku 1:6

Nakamba laparae Anatunya lenge kambu dokona Kamongona mawa pii andake kukipi ama kaeya nao minyuo kareyambi.

Luku 20:21

Nakamame baa piso soo dopa leyami. Mana Lenge, embame pii angi kinyi lao mana lao karo wambu dupwa dapwa lao suu pyaa nao Anatunya yulu dokona rolae mana lao pyuo karenge doko namwa silyamano, leyami.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

Dutaronome 33:10

Dopa pipala embena wambumi Mawa Pii dupwa warombo soo minyinya lao mana lamaiyakarami. Nakamame embena kana pyare dokona mena pyao kiso joo kararami.

Dutaronome 33:8

Lipaena rara dokona lao dopa lamaiya. Emba Kamongo dokome kana Urimi Tumimi dolapo keta karo Lipae rara dupwa emba mende pipyali yaka lao suu pingi doko pano lasaka pyakamingi. Embame yuu Masa dokonape dee ipwa Merepa dokonape apa pilyamipi lao kandalana makande pyuo kandee dokopa nakama rolae pyuo yaki nyii nao karaminyi kandee.

Dutaronome 33:9

Nakamame endangipa rakangepa kandowape dee pemalenge yangongepe kando sakao pyuo kareyaminyipape embena mawa pii dupwa kamame ama porai wakasa minyuo pyuo emba rape rape lao kareyami. Dopa pipala embena mawa pii dupwape kana minyuo lalu lao lenge pii dupwape mondo lao minyuo kareyami.

Orepalaisane 14:5

Nakamba kyambo koo mende laa nao nyisu yakunayape pisi nalyamo karenge.

1 Samyuele 2:12

Ilaina ikinyingi dolapo kapa kara nayambi. Nakamba Kamongome mende lalyamo lao kale yuku see nayambi.