Malakae 2:17 - Anatunya Buku Baepole Ole Testamene Pii Lapo dee Nuu Tesamene

¹⁷ Nakamana pii dokome Anatu maka pinyi pyambulyaminyi. Dopa piminyipape nakamame lao, Namwame apa pyuo baa maka mainyi pyambulyamase? letaminyi. Dokona doko Kamongo Porai Wakasa dokome yulu koo pingi dupwa keyange lao suu pilyamo, letaminyi. Kinyiko, nakamana lao rae mailyamo, letaminyi. Panda Anatu kinyi rolae rapu pilyamo doko anja karamo lao piso silyaminyi. Dopa pyuo baa maka mainyi pyambulyaminyi.

Malakae 2:17 ပူးပေါင်းရင်းမြစ်များ

Aisaya 1:14

Dopako pyuo nakamana kana enengena nenge malu palyuo naminyipape dee yuu gii poo pyasi lao nyilyamano laminyipape dupwame namba kenda jimisa selana rae mai nalyo, leya.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Aisaya 43:22

Kamongo dokome lao, Dopa piyunupape Isaraele wambu nakamame nambamoo pipya makame kumapala namba lakanda nayami.

Aisaya 43:24

Nakamame rendamu pingi bange lapo ropo pyao nyaka nayami. Dee mena kapa rukisipi kiso jiminyi namba sikya pipyamo karonde daa. Dopa pii nayaminyipape nakamame koo pipala namba mona kendanyi pyambuo kareyami. Nakamame kopetame piyaminyi dokome yame yame lanyi pyambuo karo piyami.

Aisaya 7:13

Aisayame pii dokona kando isingi lao, Kiŋi Dapitinya para pyasi doko embame dakepa mende pyamo lao sepe. Akalimi iki mali soo karo makana lao pilini doko iki kapa daaŋa. Anatu opetaeko mali soo karo makana lao piriko, leya.

Jeremaya 15:6

Wambu nakamame namba yaki nyuo kaeyo mata jiminyi dokona nambana imbu singi doko kame pyuo minyuo makapu dokome nambana kingi pyasinju lapala nakama pyao kokwa sinyi nembapu.

Isikiolo 18:25

Nakamame dopa letaminyi. Kamongome pilyamo doko angi rolae daa letaminyi. Nakama Isaraele dupwa nambame apa leene lao soo karalapape. Nakamame nambame pilyu dupwa rolae angi daa lao suu pilyamisi? Namba daa. Nakamame angi kyai doko pimisa pilyamo.

Emosa 2:13

Dokona dakepa nambame nakama yuu dokona kalyo minjiku minyaronopa semene kenda pingi doko manjipala yuu pyao rambetaku pyao nembenge dopale ingyuo parami.

Malakae 2:14

Dee nakamame akipamo mena kiso maimwa dupwa nyii nalyamo lao pisilyaminyi. Doko nakama parange karapala nakamana etene nyiminyi dupwa kando nakamana lalu lao lamaingi pii doko kokwa soo yalaminyi baa silyamo. Enda doko nakama pipya role piya. Piyamo dokopa Anatu kando enda doko nemba narama lalu lao leyaminyi pii doko nakama kokwa soo yalamiko ingilyamo.

Malakae 3:8

Dokopa nambame piso soo, Akali dupwame Anatunya bange dupwa panga soo waa nyuo pirami doko kapase? Kapa ingya nalyamo. Ingya napyamopape nakamame nambana bange panga soo waa nyilyaminyi. Apa pyuo waa nyilyamano lao piso silyaminyi. Doko mena pyao kiso dee bange akalisa dupwana mendena mendena pyuo mendaki yapo nyepapu namba apa pyuo jerami lao leyo dokonape panga soo waa nyilyaminyiko, leto.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

1 Samyuele 2:3

Kamongo doko baa Anatu karamo dokome akalinya pilyaminyi dupwa soo karamo. Yulu koo keyangepena yapalya yapana pyuo lao karenge. Dokona lao emba piimi range yuku napala mangalyilinyi doko kaeyape. Pelyanyi nembo range mupwa lao suu pyao pii leene doko kui lape.