Malakae 1:9 - Anatunya Buku Baepole Ole Testamene Pii Lapo dee Nuu Tesamene

⁹ Epapu nakama purisi dupwame Anatumi namwa kando keyange pinya lao piso soo kandalapape. Dokopa nakamana ateŋa doko isingi yano pyaka nara ramo doko nakama kwaeyarami dokona pira.

Malakae 1:9 ပူးပေါင်းရင်းမြစ်များ

Ekesetase 32:11

Leyamopape Moseseme banya Kamongo Anatu doko kando poraiyuo piso sokondali pyuo lao, Kamongo embame embena wambu dupwa kyawa lete nyuo yuu Isipi piso embena porainya renge dokome nyuo minyuo epee dupwa akipamo nakama kando imbumi kumarese?

Jeremaya 26:19

Lapala kiŋi Esakayamoo Juta wambu dupwapeme akali Maeka baa pyao kumaka nayami. Pyao kumakapenge doko suu pyao akali Esekayame Kamongo doko pakapala baame Kamongo rae mairali yulu lapo piya. Dopa piyasa Kamongo dokome nakama keta randa mairu leyamo doko nyuo alowa pipala kaeya. Dokona epapu namwa rangeme randa ama koo andake nyelana minji nanji pilyamano.

Joele 2:12

Dopa piramopape epapu dakepa Kamongo dokome lao, Nakamana koo dupwana angi poraiyuo suu pyaokondali pyuo kondapala nenge naa nao ee lao yamarangyuo kondome kumuo namba karo dokona kapu kyuo ipupwa, leya.

Joele 2:17

Purisi akali Kamongome yulu pyakamyuo tembole anda kolandenge dokopa mena pyao kiso maingi rate dokopana kanya dokona yulu pingi dupwame ee lao ateŋa dapa lao lalapape. O Kamongo, embena wambu dupwa kando sakape. Yuu wakale wakale dupwana wambu dupwame namwa kando giyalya giyana pyuo kilya kando nakamana Anatu doko anja karamo laope laa nana, lape.

Emosa 5:22

Nakamame nenge kiso mukinyi nembo maingipi witi jingi maingipi dolapo minyuo epo jeraminyi dokopa nambame rae maiyuo ama nyii naro. Nakamame mena susu lao nenge maipala ando rondo lapyamo minyapala namba jela eparaminyi dupwa kando aiyaka lao nyii naroko.

Jone 9:31

Anatumi yulu koo pingi wambu dupwana pii sakami nange. Sakami nalyamopape wambu mendeme Anatu ketae pyambuo yako lao karo baa letamuli pyuo pyuo karara ramo doko Anatumi dokonako pii sakamyuo karenge doko silyamano.

Orome 2:11

Anatunya lenge kambu dokona yuu mure lao akali rara peparae mee mendaki dokoreko ingyuo pelyaminyi.

1 Pita 1:17

Nakama ateŋa lao dokopa Anatu kando namwana Rakane lao lenge ramo doko baame rolae pyuo wambu yulu pinginyili pyuo pakana palyuo kote lenge dokona isa panda dakena kararaminyi mange dusipa peparaenape yuu gii peparaepe baapa lao pako karalapape.