Malakae 1:4 - Anatunya Buku Baepole Ole Testamene Pii Lapo dee Nuu Tesamene

⁴ Isona rara Itome range wambu dupwame lao, Namwana taone dupwa kokwa siyamoko doŋo namwame kamba pirama larami. Kamba pirama larami dokopa Kamongome isingi dopa lao, Nakamame dee pinyali dokopa nambame kambako lalyinyi nembaro, letamo. Dokopa wambu wakale dupwame kandapala yuu doko koo ingilyamo, larami. Wambu rara dokona palirami dupwa Kamongome kando imbu karalu kararalyamo, larami.

Malakae 1:4 ပူးပေါင်းရင်းမြစ်များ

Samu 127:1

Kamongome anda doko pii naramo anda pingi akalimi iki sisu lao pirami ramo doko nakamana yulu doko mee ingyuo para. Kamongome taone doko kando iso kara nara ramo dokopa akali taone iso kararami dupwa mee ingyuo para.

Samu 137:7

Kamongo embame Jerusaleme wambu anjo nyuo peyami dokopa yuu Itome wambu dupwame koo piyami kande doko kame soo kaeya napala suu pyao karape. Suu pyao karo dokopa nakamame yuu andape lalyuo bolombalo nembena lao lapa pyuo kareyami kande.

Samu 33:10

Kamongome yuu liti andake dupwana yulu piramili dupwa kata rokonge. Pirama lao lao rapa rapa pingi dupwa pao kata roko minyilyasa pyuo pee laa nange.

Jeremaya 31:17

Embena lao rengya mende keyange pyakara. Embena wane wanake dupwa kamba kapu kyuo anda eparami. Namba, Kamongo dokome lapusa pilyamo.

Emosa 1:11

Kamongo dokome dopa leya. Yuu Itome range wambu dupwame yulu koo doko kamba pyuo kamba pyuo karenge dokona nambame nakama randa mairu, leya. Nakamame nakamana yangonge Isaraele wambu dupwa mena rae lenge pyalaminyili pyuo roko nyinyi palyuo pyao kareyami. Dopa pyuo piyaminyipa saka renge mende nakama keta pali naya. Nakamana imbu singi doko ipwa ingyuo guu lao kareya. Dokome kame soo kaeyarami ingya naya.

Emosa 3:15

Nambame kupwa pyuo manda renge dokopa palenge andape isasa pingi yuu giinya manda rao palenge andape dolapo laparae pyao lalyanyi nembaro. Kana andake penge bange anda kalya pyuo retenge dupwa pyao kokwa soo anda kamame andake wakasa dupwa pyao kokwa soo piru.

Emosa 5:11

Nakamame wambu pendewa dupwa pyalana pyuo kalyinyi palyapala nakamana nenge dupwa waa nyakamyuo karaminyi kande. Dokona lao nakamana kaname anda keyange piyaminyi dupwana pali nao nakamba range girapo ee keyange wara piyaminyi dokona ipwa waene elyape dupwa naa nao pirami, leya.

Emosa 6:11

Kamongo dokome pii laramo dokopa anda kuki epengepe peparae lalyuo buru bara para.

Emosa 6:2

Nakamame yuu taone Kalena dokona pao kandalapa. Dopa pyuo kando pao yuu taone ama andake Emate doko kandama pao kama yuu taone Gati Pilisitia wambu palenge doko kando lano pupwa. Dopa pyuo kandapala dupwana yulu dokome nakama Juta wambupi Isaraele wambupi dupwana yulu nyuo isa palyili laro karapyalyape lao selapape? Dupwana yuu doko reeko sipyamopa nakamana doko kukindena palimwalyamo lao silyamisi?

Opetaya 1:1

...

Malakae 1:3

Dee Iso baape banya wai kiso nyiyamo wambu dupwa peparaepe nambame awa napala Isona yuu kyau pyalya pyana pingi dupwa apa sinyi nembapala yuu doko mena rae lenge dupwa keta pyambuyu, leya Anatumi.

Matyu 12:30

Namba role pyao karo nyiso kara narami dupwa nambapa sisu nyuo kararamisa pira. Mendeme nambapa wambu nyuo sukusa sukusa pyuo kara naramba ramo doko baame nakama ralinyi nembarasa pira.