Make 9:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa Pitame Yesu lamaiya. Rapu Pingi, namwa dae kapa karamano. Anda paka rema yukumanale. Mende embena pyakao mende Mosesena pyakamyuo, mende Ilainja pyakamyuo pimana, leya.

Make 9:5 ပူးပေါင်းရင်းမြစ်များ

Samu 84:10

Yuu gii mendakiembena tembole anda pao pisiru doko angingyuo papala yuu gii taosande nembo yuu wakalena mee kata papyuo kararo dusipa mee ingyuo pelyamo. Yulu koo pinginya anda dupwana kara nao nambana Anatunya anda kambu konandawamedokona karapuli yaka lao suu pilyu.

Matyu 17:4

Dokopa Pitame Yesu lamaiyuo, Kamongo, namwa dae kapa karamano. Embame dopa pipili lao suu pyare ramo doko namba anda paka rema yukurole. Mende embena mende Mosesena mende Ilainjana pyakamyuo piruwale, leya.

Matyu 23:7

Ropo pingi kamapi dupwana karo wambu dupwame nakama kando ayaka lao, Rapu Pingi, Rapu Pingi, lao karamili yaka lao suu pyao karenge.

Matyu 23:8

Wambumi nakama kando Mana Lenge lao larami doko kapa ingya nalyamo. Doko nakama peparae yangonge ingyuo karaminyipa nakamana mana lenge angi mendakiko karamo.

Make 9:4

Dokopa Ilainja Mosesepa epapala nakamba Yesumoo pipya pii lao kareyami doko disaepole dusipa kandeyami.

Make 9:6

Disaepole dusipa nakamame pakame kumapala aki pii mende laowane lao saka napala Pitame pii doko leya.

Luku 9:33

Kandapala akali dolapo Yesu yaki nyuo panya piyambinyi dokopa Pitame Yesu lamaiyuo, Rapu Pingi, namwa dae kapa karamano. Anda paka rema yukumanale. Mende embena pyakao, mende Mosesena pyakamyuo, mende Ilainjana pyakamyuo pimanale leya. (Baa yamarangyuo karo pii angi suu pyaa naenae kambumi mee leya.)

Jone 4:31

Dokopa disaepole dupwame baa piso soo, Rapu Pingi, emba nenge lapo nalase leyami.

Pilipai 1:23

Laparaena keyange ingyuo pelyamo lao suu pyao karo. Isa panda dakena yaki nyepala Koraisapa role pyao kararo doko mupwa lao suu pilyu.

1 Jone 3:2

Nambana puu minyingi dupwa epapu namwa Anatunya wane wanakepe ingyuo petamano. Namwa yake panda dokona apiyakale ingyarama lao nolaka napyamopa kando sepa nalyamano. Dopa piramopape Yesu pano eparamo dokopa namwa baa angi rolae kandarama dokome baa yale ingyarama.