Make 6:56 - Anatunya Buku Baepole Ole Testamene Pii Lapo dee Nuu Tesamene

⁵⁶ Yuu anda yaka lengele karenge pandape yuu anda malu karenge pandape yuu anda kuki lama karenge dupwana peteyamo dokope anga pingi wambu dupwa kamapi dokona soo retapala lamaiyuokondali piyami. Embena komaunya pinjingi doko anga pingi wambu dupwa mee minyandenase. Embame kapa lapili yaka, lao lamaiyami. Dokopa wambu dupwame baa minyandapa piyami dokopa mee ingiya.

Make 6:56 ပူးပေါင်းရင်းမြစ်များ

2 Kiŋi 13:21

Yuu gii mendepa wambu dupwame akali mende malu pyuo karo dokopa Moape akali doo epeyaminyi dupwana lapo epeyaminyi kandeyami. Kandapala yanenge kakapange doko Ilaisana malu anda dokona nyuo nembapala nakama makando peyami. Dokopa aopa kumasi yongo doko pao Ilaisana kuli doko kando nyiyamo dokopa akali doko sipuro lete epo roya kareya.

Matyu 14:36

Epapala wambu dupwa banya komau pinjingi doko kapa minyandena lapyali lao piso sakamiyami. Dokopa minyandapa piyami dupwako mee ingiya.

Matyu 9:20

Pao dokopa enda mende ee kana akalisa ipisu lama endana doko ipwa ingyuo guu lao kareyamopa peteyamo doko baa peyamo dokona matarena epapala banya komau pinjingi dusa minyandeya.

Make 3:10

Wambu malu anga piyamo dupwa pyuo nyepa piyamosa wambu lapo yanyi piyamo dupwa peparaeme baa minyandalana lao epo pisilyinyi pyambuyami.

Make 6:55

Kandapala wambu yuu range dupwa yuu wangu dupwana lao makando paoyoko leyami. Paoyoko lapala wambu anga piyamo siyami dupwa isana palu pyambwapala soo kata luna dupwana wakale wakale epo Yesu dusa pelyamo leyami dokopa dokona soo peyami.

Luku 22:51

Dokopa Yesumi, Dopa pyuo dee mende pii nalapape, lapala banya kale doko minyarambwakamyuo elya piya.

Luku 6:19

Renge porai doko baa keta palyuo epapala nakama peparae pyuo nyepa piyasa wambu malu mee kareyami dupwa peparaeme baa minyandalana lao kareyami.

Luku 8:44

Enda dokome Yesu matarena epapala banya komau pinjingi doko minyandeya. Dokopa endana doko sokwalepo piya.

APOSELENA YULU 4:12

Banya kingi dokomeoko iki isa wambumi lete wai pyao parami. Kingi wakale wakale dupwa laminyipape namwa Yesunya kingi dokome iki letena renge kando nyerama leyambi.

APOSELENA YULU 4:9

akali kimbu kwaenge doko baa elya pisi karamo dokona lao aki rengendeme baa mee karase lao epapu nambwa kando kambuyanda pyuo letamipi?

APOSELENA YULU 5:15

Dopa pyuo kareyami dokopa wambu dupwa kata dokona soo pao luu palenge ratepe warakyaro palengepe dupwana reteyami. Pita kata epo paramo dokopa banya imambu dokome anga pingi wambu lapo sembapyali lao suu pyapala dopa piyami.