Make 5:11 - Anatunya Buku Baepole Ole Testamene Pii Lapo dee Nuu Tesamene

¹¹ Dokopa yuu kyau dokona mena yuwalyu kambu nao kareyami.

Make 5:11 ပူးပေါင်းရင်းမြစ်များ

Aisaya 65:4

Yuu gii kukwa dokopa kananda yanyandape dupwana papyuo wambu kumasinya imambu dupwame ropaka epo kemali kongwalupi pyuo langiraminyi pimana lao sela pao karaminyi. Wambu dopale dupwame mena minjupi mena ipwangepe anatu ingyuo imambu bange wakale dupwa loma soo kuiyuo maiyaminyi dupwape nao papyuo pyuo karaminyi.

Matyu 7:6

Bange poo pyasi dupwa suwa maiya nao mola yapasi dupwa mena panda pyambwa nao pyuo karalapape. Bange dupwa nyuo kalyapala dee kapu kyepala nakama nasara ingilyamo.

Matyu 8:30

Yuu dokona mena malu repetale kambu nao kareyami.

Make 5:10

Lapala, Nakama ralinyi nembo yuu dake yaki nyuo pena laa napyali yaka, lao lamaiyuokondali piya.

Make 5:12

Dokopa imambu koo dupwame baa lamaiyuokondali piyami. Embame namwa mena karaminyi dokona ralinyi pyambuo namwa dokona maralyalapa lapili yaka, leyami.

Luku 8:32

Dokopa yuu kyau kanya koe dokona mena malu kambu nao kareyami. Dokopa imambu koo dupwame mena karaminyi dupwana kapa maralyalapa lapyali yaka lao lamaiyuokondali piyami. Dopa leyami dokopa Yesumi kapa leya.