Make 14:55 - Anatunya Buku Baepole Ole Testamene Pii Lapo dee Nuu Tesamene

⁵⁵ Dokopa purisi akali mupwa dupwape wato andake lenge akali dupwa peparaepe Yesu pyamwali lao suu pyao Yesu baa yulu koo pipya simwali yaka lao piso siyami. Piso sepala wambu pisiyami dusipa pii angi rolae laa nayaminyipa yulu koo piyamo dupwa soo saka nayami.

Make 14:55 ပူးပေါင်းရင်းမြစ်များ

1 Kiŋi 21:10

Lapala orasakele akali lama nyepala baa kooŋo lapala Anatunya lenge kambupi kiŋinya lenge kambupi dolapona kokwa soo pipi lena. Lapala yuu taone dokona baa minyuo nyisa papala kaname pyao kumakalapape, leya.

1 Kiŋi 21:13

Lapala orasakele akali dolapome baa kooŋo Anatunya lenge kambupi dee kiŋinya lenge kambupi dolapona kokwa soo pipya leyambi dokopa yuu taone dokona Napote minyuo nyisa papala kaname pyao kumakayami.

Samu 27:12

Nambana yanda pimwai dupwame namba kuinya palyuo kyambo pii laokoo keta pyambuo karaminyi dokona mata joo panda maiya napipi.

Daniele 6:4

Dopa piyamosa akali yango yulu iso karenge dolapomepe dee gapomane dupwamepe Danieleme kiŋinya yuu iso karo yulu piyamo dokona aki koo mende pilyamo lao kando koto kareyami. Dopa piyaminyipape Daniele baa rape rape lao yulu angi kinyi keyange dokonako pipala yulu koope kopetamepe mende pii naya dokome baa aki koo mende pilyamo lao kotalana saka nayami.

Matyu 5:22

Dopa leyako doŋo nambame nakama dopa langilyu. Mendeme yangonge mende kando imbwuara ramo doko baa keta kote sera ingilyamo. Mendeme yangonge mende kilya kandalya kandana pyuo lara ramo doko kote andake doko baa keta palira ingilyamo. Mendeme yangonge mende kando, Emba kopyali lao koo keta palyuo lao nembara ramo doko baa isare panda para ingyuowale karara.

Make 14:56

Akali malu mee baasa kando kyambo piipi pii wakale wakale leyamisa pii mendakinya lao palya nayami.

Jone 18:19

Dokopa purisi akali mupwa dokome Yesu banya disaepole dusipanape banya mana pii dokonape baa piso sepa piya.

Jone 18:21

Akipamo namba piso silisi? Nambana pii siyami wambu dupwa nambame apa lenge lao piso sepe. Nambame lao karenge doko nakama soo kaenge, leya.