Make 10:34 - Anatunya Buku Baepole Ole Testamene Pii Lapo dee Nuu Tesamene

³⁴ Mairaminyipa baa kilya kando lao kepakali kyasinyi piso pyaroko pyapala pyao kumakarami. Pyao kumakaraminyipa yuu rema epo paramopa baa sipuro epara, leya.

Make 10:34 ပူးပေါင်းရင်းမြစ်များ

Samu 16:10

Rengedoko embame namba kumunginya porai renge doko neta nembo kyawa minyilini. Embame mendali mona retenge doko wambu kumasi palenge dokona nemba nangepya.

Samu 22:13

Nakama mena laene ingyuo nenge kata ŋaa lapala gasimwa poko namba gala lapala pyao nao pilyinyi nembalana pyuo karaminyi.

Aisaya 50:6

Nambana matarena pinya lao yongo maiyuo kaeyo. Nambana angasi dupwa minyuo ipyuo nyuo lenge kambu kepakali kyasinyi piso kilya kando laminyi dokopa kaena laowape laa nayo.

Aisaya 53:3

Namwame baa epe kanda nale nale lapala baa mata maiyuo kareyama. Baame randa dupwa epeyamopa yasu nao rando kareya. Dopa pyuo kareyamopa mendeme baa kandalana suu pyaa nayami. namwame baa mende daaŋa lao suu piyama.

Osia 6:2

Yuu gii lama remape epo paparamopa baame namwa lete nyeramopa baamoo pipya karalomano.

Matyu 16:21

Yuu gii dokopale piso Yesumi banya disaepole dupwa lamaiyuo, Jerusaleme dokona paronopa kamongo dupwape purisi mupwa dupwape Mawa Pii mana lenge akali dupwamepe randa malu jepa pyuo karapala pyao kumakaraminyipa yuu repo dokona lete minyalyuo nyeramo paro ingilyamo, leya.

Matyu 26:67

Lapala banya lenge kambu dokona kepakali kyasinyi piso kingi rangome pyao kareyami. Dokopa lapome baa kingi kapeme pyao, dopa leyami.

Matyu 27:63

Rapu Pingi, akali panga singi dokome ene kumapa nao dokopa, yuu rema epo paparamopa dee lete lopo eparo leya kande doko suu pyao karamano.

Make 14:63

Dopa leyamo dokopa purisi mupwa doko banya range komau pee pingi doko nyepala pilyiya. Akipamo dee kamba piso seramase? leya.

Make 14:65

Lapala akali lapome banya lenge kambu dokona kepakali kyasinyi nembo kingi rangeme pyao, Emba Anatunya pii nolako lape, lao kareyami. Dokopa kando iso karenge akali dupwame baa pyao randa maiyuo kareyamiko.

Make 9:31

Baa banya disaepole dupwa mana lamaiyuo, Ikinyingi Akali doko nyepala akali lapo keta minya sakamiraminyipa pyao kumakarami, leya. Pyao kumakaraminyipa yuu rema epo paramopa baa sipuro epara, leya.

Luku 23:11

Dokopa Erotemoo banya yanda singi dupwa pipyame baa kilya kando giyalya giyana pyuo kareyami. Dopa pyuo karapala komau keyange au pingi mende baa pee pyakamipala Pailate kareyamo dokona kapu kyuo lanyuo pena leya.

Jone 1:17

Mawa Pii doko Mosese keta jiya. Enakana dokopa mona keyange palyuo ipingi rengepe pii angi kinyinya renge dokope Yesu Koraisa baa keta paleyamopa epeya.

Jone 2:10

dopa lamaiya. Wambu peparaeme nakamana waene ipwange keyange doko wambo mokwa soo maingi. Mailyaminyipa wambu dupwame malu napelyaminyi dokopa enakana waene ipwange aeyange dupwa mokwa soo maingi kandale. Dopa pilyaminyipape embame dakepale waene keyange doko wambo mokwa soo mai napala ene dakepa mailinyi leya.

1 Korina 15:4

Baa malu piyaminyipa yuu repo epo papeyamopa lopo epeya dokona lao Baepole pyasi palamo.