Maeka 7:8 - Anatunya Buku Baepole Ole Testamene Pii Lapo dee Nuu Tesamene

⁸ Namwana yanda pimwai dupwame renge mende pali naramopa namwa kilya kando gilya giyana pyuo rae maiya nalapape. Namwa koo keta papalape dee keyange keta palirama ingilyamo. Dopako pyuo namwa dakepa iminjingi dokona karamano doko Kamongo dokome yanga paupau lenge renge jera.

Maeka 7:8 ပူးပေါင်းရင်းမြစ်များ

Jopo 31:29

Nambana nyisu petenge dupwa yasu nenge dokopa namba rae maiyuo karengende daa. Dee nakama randa andake nyingi dokopa namba kapaŋa lao rae mainginde daa.

Samu 27:1

Kamongo doko nambana pyuo nyingi kendalinya mendeke karamo dokona kupwa sipyamo karonde daa. Kamongo doko nambana matarena konambe mendeke ingyaro karapyamo karoŋo wambu pakaro doko angi api karase?

Samu 37:21

Wambu kopetame pingi dupwana yulu doko bange saka napala mee yari ingyuo kee lao nyepala dee range maiyakami nange. Dopa piramopape akali keyange dokome bange mee mairamo doko ketae reto maiyuo maiyuo karara.

Samu 37:24

Isa penge ramo dokopa Kamongome nyisilyasa isa puu pao paa nange.

Samu 84:11

Kamongo doko baa namwana konambe ingyuo karo kiŋi neta renge ingyuo karenge. Baame namwa elyape keta piso anjiki pyuo namwa nyuo ketae pyambuo karenge. Baame wambu lapo rolae pyuo karenge dupwa bange keyange mainya kata rokwakami nange.

Aisaya 2:5

Dakapa Jekopena para piyamo dupwa Kamongona kata yalu pii napala ena pasi silyamo dokona papyuo pyuo karo pimanale ipupwa.

Aisaya 49:9

Nambame wambu karapusi palaminyi dupwa kando lao, Mee manda rasi nyisa pupwape, laro. Dee lapo iminjinginya petaminyi dupwa yanga paupau lengena epena lao piru. Dopa piru dokopa nakama mena sipisipi yuu kyaunya rambi nao mondo lao karenge dopale ingyuo kararami.

Aisaya 9:2

Wambu iminjiyamo dokona peteyami dupwa ama yanga paupau leyamo kandeyami. Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Isikiolo 36:5

Nakama yuu liti wakale wambu parali maki palami dupwana lao namba Kamongo Mupwa Andake Wakasa karenge dokome imbu singi kana ingyuo rao alyuo karamo dokona piso nakama pyalana pyuo lamaipu. Yuu Itome range nakama angingyuole kando lapu. Nakamame namwa kilya kandalya kandana pipala rae maiyuo epo mena naraminyi nenge malu singi dupwa epo nyakami.

Emosa 9:11

Kamongo dokome dopa letamo. Dapitinya rara dokona kiŋi yulu doko anda lalyisi kwaeyo singi dopakale ingyuo silyamo. Dokona lao yuu gii mende pyaka solopyamo dokopa anda lalyuo kwaeyasi isa andopaepe peparae minyalyingi dopale ingyalopyamo. Dokopa yuu wamba Dapiti kareyamo yuu siya dopale ingyara.

Maeka 4:10

Jerusaleme wambu dupwa enda wane manjana nenge sisi pyao ee lenge doko suu pyao ee poraiyuo lalapape. Epapu nakama yuu taone andake doko yaki nyuo pao yuu mee langa pau dupwana palirami. Nakama yuu Bapilone parami. Dopa pyuo yuu dokona yanda pimwai dupwame pyalena piraminyipape Kamongo dokome nakama kiiramo nyeramo eparami.

Maeka 7:10

Dopa piramo doko kandapala dokopa nambana yanda pimwai dupwa elya nyerami. Wamba dokopa nakamame namba piso soo male male lao, Embena Kamongo Anatu doko anja karamo? leyami. Leyaminyi dupwa rengya kata dokona wara ingyuo kalyuo pyarakwuarami ingilyamo.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Matyu 4:16

Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Jone 16:20

Kinyi kinyi langilyu, nakama ee lao ipwakuku nyeraminyipa neta wambu dupwame rae maiyuo kararami. Nakama kondo kararaminyipape enakana raeko maiyuo kararami.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

2 Korina 4:6

Anatumi pii dake lao dokopa, Iminjingi dokona yango rale pira lao Anatu mendaki dokome banya yanga paupau lenge namwana monarena dokona rao karena leya. Dopa pyuo rao karena leyamo dokopa Anatunya yanga paupau lenge Koraisana lenge kambunya nyiya doko soo gisarama lao namwa keta langyuo jiya.

2 Korina 4:9

Nyisu petenge malu karaminyipape yuu peparae puu minyingi mende karamo. Yuu lapo randa andake nyimwanopape kwaelu kwaeyo kwaeyo ota nalayamano.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.

Orepalaisane 22:5

Taone doko dee iminja naramopa Kamongo Anatumi yanga paupau lanyi pyambwaramo dokopa lambe netape dolapona yulu mende pali nara. Wambu kararami dupwa kiŋi ingyuo iso karalu kararami.