Maeka 7:18 - Anatunya Buku Baepole Ole Testamene Pii Lapo dee Nuu Tesamene

¹⁸ Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.

Maeka 7:18 ပူးပေါင်းရင်းမြစ်များ

Jenesese 4:7

Emba rolae piri ramo doko rae maiyuo paa narese? Dee yulu rolae pii napinyi dokona koo renge anda kambu repeta yalu pyuo muumee silyamo. Dokome emba nyipuli yaka lao suu pyao silyamo dokona emba rangeme nyuo anamasi minyuo karape, leya.

1 Kiŋi 8:23

Isaraele wambunya Kamongo Anatu, mendasa yake panda ketaepe isa yuu dakenape Anatu emba yale mende kara nange. Embena wambu dupwame emba kando mona kare kare karo embame larene dupwa pyuo palyuo karo piraminyi dokopa embena kana minyuo lalu lao leene pii doko embena wambu dupwa keta reto karo nakama mona reto karenge.

Niyamaya 9:17

Embena yulu piinyi dupwa nyuo kame sepala kamba leyami. Embame yulu pii napengele lapo pii kande dupwa kame sepala kamba leyami. Nakama kyaŋe soo karo akali mupwa mende Isipi dokona kapu kyuo wambu dupwa kendemande ingyuo karena lao dee lanyuo pena lao rangeme rombo palyiyami. Dopa piyamopape emba Anatu dokome nyuo kame singi. Emba ipyapala mona keyange palenge. Emba mona reto karenge. Emba waiya lao imbwa nange. Embena kondo sakange kumungi renge doko kamame andake. Embame nakama yaki nyii nange.

Samu 103:13

Rakangeme banya ikinyingi kando yako yako lao anjiki pinginyili pyuo Kamongome wambu baa ketae pyambungi dupwa pipya anjiki pingi.

Samu 130:4

Doko daa ingilyamo dokona embame nyuo kame sakarenepa namwa embame lasarene lao suu suu pyao karamanale.

Samu 65:3

Namwana koo dupwame nyuo isa palyingi. Palyilyamopape embame namwana koo dupwa nyuo kame sakange.

Samu 65:4

Embena rombo palyisi wambu dupwa lanyuo emba pipya role pyao karaminyi dusipa rae maiyuo kararami. Embena tembole anda yapasi dokona karo embena keyange rengepe dee bangepe jingi dupwa kapa pyuo nyeramanopa mende yangya nara.

Samu 89:6

Yakena karenge dupwa Kamongo emba yale daa. Aŋala dupwa embapamanda manji nara.

Samu 89:8

Kamongo Anatu Porai Wakasa emba yale mende daa. Yulu peparaena Kamongo emba isa paa nange.

Ekesetase 15:11

Kamongo, anatuŋu lenge dupwana mende emba yalese? Api mupwa wakasa poo pyasi emba yalese? Api emba yalendeme yulu wambumi kapa pii nange dupwa pyuo yulu pakaramili porai dupwa pyuo pirase?

Ekesetase 34:9

Lakando baame lao, Kamongo embame namba kando angi rae mairi ramo doko namwa pipya emba role pyao mona ipu lao piso silyu. Wambu dapwa mona kana pokolyaminyipape embame namwana koo peparae nyuo kame sakapala namwa emba rangena wambu ingyuo manjo nyepe, leya.

Aisaya 1:18

Kamongome dopa letamo. Dakepa kwaelyamo dupwana rolo lamanale. Nakama koo dokome ranga yuku napyasa koo pilyaminyi dopa pilyaminyiko doŋo dopa piraminyipape nambame nakamana koo dupwa wate pyuo kewa lanyi nembakaronopa maa bilima kapa ingyuo kewa lao rao karenale. Nakamana koo dupwa kamame pingi pyao silyamo doko kaepala kwuala pao kewa lenale.

Aisaya 33:24

Dee namwana yuu dokona palirami dupwa peparae anga pilyamo lao mumu laa narami ingyara. Dee koo peparae nyuo kame sisi sera.

Aisaya 40:18

Api mendeme Anatupa manda manjo larase? Apa pyuo embame baa apiyakalende lao polo larese?

Aisaya 40:25

Api mendepa Anatu poo pyasi dokopa manda manjo karara ingilyase? Baa yale mende mendasa karase?

Aisaya 43:25

Dopa pyuo kareyaminyipape namba Anatu dokome nakamana koo renge dupwa nyuo kame sakao karo. Doo pilyu doko nambaŋa lao sepala dopa piru, leya. Nakamana koo dupwana suu pingi nyepala minyuo karo nakama pipya yanda pimwaiyuo yango palya naro.

Aisaya 44:22

Nambame nakamana koo dupwa kopa apupi pyao nembele lao kwuanyi nembakayoŋo. Nambame nakama lete wai pyao nyilyuŋu. Namba range karo dakena ipupwape.

Aisaya 55:7

Wambu koo pilyaminyi dupwame nakamana yulu koo dupwa yaki nyuo kaena. Pipala nakamana suu pingi koo dupwa alowa pinya. Nakama namwana Kamongo Anatu sakame kumuo waiyuo lao nyuo kame sakamingi doko keta kapu kyuo pena.

Aisaya 64:9

Dokona lao namwa pipya imbumi kuma napipi. Namwana koo dupwana minyaro karo moŋo joo karalu kararoŋo lao suu pyao kara napipi. Namwa embenako wambu petamano dokona sakame kumuoko karape.

Aisaya 65:19

Yuu enengepe dokona wambu dupwape kandarono dokopa namba range keta rae maingi renge palyuo simbwara. Yuu dokona ee lengepe dee mende pirasa nyisinya lao pisingipi mende see nara.

Jeremaya 31:20

Isaraele nakama nambana wane mona wakasa retenge ingyuo karaminyi. Wane nambame mona angingyuo retenge dupwa nakama iki. Yuu lapo nambame nakamana kingi dokona arome pyao dokopa nambame nakama mona reto suu pyao lenge. Nambana mona doko nakama keta silyamo. Nambame nakama sakame kumuo kararo.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Jeremaya 38:8

Dokopa akali Epetemeleke baame kiŋi doko peteyamo dokona papala lamaiyuo lao,

Jeremaya 9:24

Mendeme range lakandalana suu pyara ramo doko baame namba Kamongo doko soo nyuo soo giso pilyamo dokona lakandara. Renge dokona nambame wambu mona retenge doko reto puu penge. Dopako pyuo nambame pii pali nana lao yulu rolae dupwa kapa pyuo puu penge. Renge dolapome namba rae mainyi pyambungi, Kamongo dokome letamo.

Isikiolo 18:23

Akali koo pingi kumara dokopa namba mona seramopa rae maiyuo karare lao suu pilyamisi? Dopa lao Kamongo Mupwa Andake Wakasa dokome piso silyamo. Ama daa baa mona enenge palyuo epo lete kararamo dokopa kando namba rae mairu.

Isikiolo 33:11

Namba Kamongo Mupwa Andake Wakasa doko Anatu karalu karene dokome nambame kinyi leto. Akali mende koo pyuo karo kumara ramo doko rae maiyuo kanda naro. Baa koo dupwa yaki nyepala karalu kararamo kandapuli yaka. Isaraele wambu dupwame koo pilyaminyi doko yaki nyuo kaeyalapape. Akipamo nakamba kumalana suu pilyamisi?

Isikiolo 33:16

Nambame koo piya dupwa nyuo kame sakamirunupa baame rolae suu pyao keyange pipyamo dokona mee lete karara.

Daniele 9:9

Namwame emba kando koo pyuo mona kana poko mata jiyamanopape embame sakame kumuo kame sakame kumuo kame sakao karenge.

Osia 14:2

Kamongo karamo dokona kapu kyuo papala mena pyao kiso maingi dopale ingyuo penale ateŋa dapa lao lalapape. Namwana koo dupwa nyuo kame sakapala ateŋa letamano doko soo nyepe. Soo nyerene dokopa namwa lalu lao leyamanoli pyuo emba lakandarama.

Osia 14:5

Nambame yuu yando oo lasinya apu epe pau lanyi pyambungi doko suu pyao Isaraele wambu pipya kararo. Dopa pirunu dokopa yuu Lepanone isa andenge dopale ingyuo poraiyuo pingi pyao karo isa jingi kalya pingi pakona pinyi peyo lokwasingi dopale ingyuo ando karo pirami.

Joele 2:32

Dokopa mendeme Kamongona kingi lapala baa lete wai pyao nyakapili lao lara ramo doko baa nyiso pyuo nyera. Kamongome leyamuli pyuo yuu kyau Sayone dokonape dee Jerusaleme dokonape lapo mee lete kararami. Dokopa Kamongome wambu lapo rombo palyuo nyeramo dupwa kuma nao lete kararami.

Emosa 1:11

Kamongo dokome dopa leya. Yuu Itome range wambu dupwame yulu koo doko kamba pyuo kamba pyuo karenge dokona nambame nakama randa mairu, leya. Nakamame nakamana yangonge Isaraele wambu dupwa mena rae lenge pyalaminyili pyuo roko nyinyi palyuo pyao kareyami. Dopa pyuo piyaminyipa saka renge mende nakama keta pali naya. Nakamana imbu singi doko ipwa ingyuo guu lao kareya. Dokome kame soo kaeyarami ingya naya.

Emosa 7:8

Kamongo dokome namba piso soo dopa leya. Emosa emba aki bange kandelese? leya. Dokopa nambame isingi dopa leyo. Puu kame minyuo rolo pingi dokore mende kandelyo, leyo. Baame namba isingi langyuo, Nambame puu dokome nambana wambu dupwa anda apya ingyaro karenge rombo doko pyakuiyuo neta pumisa dokona nyepala lasaka pilyu. Wambu dupwana yulu koo dupwana lao nambame randa mairu. Mairunu doko nambana suu pingi doko kamba alowa pii nalu nao naro.

Emosa 8:2

Kamongo dokome namba langyuo, Emosa emba aki bange kandelese? leya. Nambame isingi lao, Isa jingi pisiki minyasi mendena sipyasa kandelyo, leyo. Dokopa Kamongo dokome namba pii langyuo dopa leya. Isaraele wambu dupwa randa nyerami yuu gii doko epelyamo. Nambame Isaraele range wambu dupwa randa mairu. Dokona nambana suu pingi dee alowa pii nalu nao naro.

Jona 4:2

Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.

Maeka 2:12

Dopa piramopape nambame Isaraele wambu pyarepala pao karaminyi dupwa peparae nyuo pyasaro. Nambame nakama mena sipisipi ingyuo kame sukusa karo isakona karo pilyaminyipa lanyuo epenge doko suu pyao nakama lanyuo eparo. Nakamana yuu dokona wambu palyuo kete pyarami, leya Kamongome.

Maeka 4:7

Wambu papae rambungi ingyuo anda nanesa karapyamo petaminyi dupwa nambame enenge ingyuo kanda soo wasaronopa nakama rara ama wakasa andake ingyuo para. Dokopa nambame yuu Sayone kyau dokona karo yuu gii dokopa piso kanda soo rapu piru doko pyuo karalu kararo, leya.

Maeka 5:3

Kamongome banya wambu dupwa nakamana yanda pimwai dupwa keta maipala kaeyaramo pao enda mende wane manjira ingilyamo doko angi manjira gii doko pyaka sera. Dokopa banya rara dokona lapo anjisi yuu wakalena karaminyi dupwa dee rangena wambu dupwa pipya karengenyili pyuo pyasapala range kararami.

Maeka 7:14

Kamongo, embena wambu yapo rombo palyuo nyiinyi dupwana emba rapu pingi akali karape. Nakama yuu muiyane dokona palyuo karaminyipape paki pakipi yuu elyape sipyamoko palaminyi. Yuu Besane yuu Giliatepe nenge singi yuu dolapona wamba piyaminyili pyuo nao palyuo karala pena lapili yaka.

Nambase 23:21

Rengya Isaraele keta randa mende epa nao embone pisira lao dakepa soo gisilyu. Kamongo nakamana Anatu doko nakama keta role karamo. Wambu dupwame pii poraiyuo lao, Kamongo namwana kiŋi lao karaminyi.

Luku 15:32

Epapu male lao yalya kando rae maiyuo karamano doko kapa rolae pilyamano. Embena yangonge kumuya lao suu pyao kareyoŋo epapu lete epo karamo. Baa puu pao peya lao suu piyuŋu epapu kando nyilyamano, leyaŋa, leya Yesumi.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

Orome 11:4

Anatumi Ilainja apa lao isingi lamaiya? Akali malu (7,000) yaki nii napala isa bange kingi Bealo lengende lakanda nayami dupwa namba range akali dupwa nambame retaro karo.

Dutaronome 33:26

Isaraele wambu dupwa selapape. Anatu mende nakamana Anatu kamame andake neta renge dokome yake dorena piso oko soo epo dee kopa rakapana dokona piso nakama nyisala epenge kandale dopale mende kara nalyamo.

Jemesa 2:13

Akali mendeme wambu yango sakao nyiso kara nara ramo doko Anatumi baa kote laramo dokona baa kando sakao nyisa nara ingilyamo. Dee akali mendeme yango dupwa sakao nyiso karara ramo dokona kote laramo dokopa baa keta mende pali nara.