Maeka 7:14 - Anatunya Buku Baepole Ole Testamene Pii Lapo dee Nuu Tesamene

¹⁴ Kamongo, embena wambu yapo rombo palyuo nyiinyi dupwana emba rapu pingi akali karape. Nakama yuu muiyane dokona palyuo karaminyipape paki pakipi yuu elyape sipyamoko palaminyi. Yuu Besane yuu Giliatepe nenge singi yuu dolapona wamba piyaminyili pyuo nao palyuo karala pena lapili yaka.

Maeka 7:14 ပူးပေါင်းရင်းမြစ်များ

Samu 100:3

Kamongo doko Anatuŋu lao kame see nalapape. Baame namwa wasiya dokona namwa banya wambu ingilyamo. Namwa banya sipisipi dopale.

Samu 95:7

Baa namwana Anatu. Namwa banya wambu mena sipisipi dopale baame nenge joo rapu pyuo karamo. Epapu dokonamwa peparae baame apa letamo lao semana.

Ekesetase 33:16

Emba namwa pipya paa narama ramo doko embame embena wambupi nambape kando rae mailiŋi lao apa pyuo wambu mendeme soo nyerase? Emba namwa pipya role parama ramo doko wambu dupwame namwa rara wakaleŋe lao soo nyerami, leya.

Aisaya 35:2

Yuu bange anda nange doko yuu kyau Lepanone au piyamuli pyuo rae maipala kenane poraiyuo pyara. Yuu Kamele amenge pinginyili pyuo yuu muiyane doko seramopa wambu peparaeme Anatunya porai rengepe neta rengepe yulu wakasape doko angi kandarami.

Aisaya 40:11

Baame banya mena sipisipi dupwa sipisipi rapu pingi akalimi pyamuli pyuo mondo lao rapu pira. Baame mena sipisipi yakane dupwa nyuo pyasepala banya kingi kalengena reto kupyuo lanyuo papira. Baame sipisipi yakane dupwana endangi dupwa anjiki pyuo laminyuo para.

Aisaya 49:10

Nakama dee ipwa nanome kumuope lopome kumuope pii nalu narami. Mendeme nakama mona reto karapyamo dokome nakama lanyuo paramo dokona yuu muiyane dokona neta dokomepe isasa pingi dokomepe nakama rao rakusi raa nara. Baame ipwa guu lao epenge dupwanako lanyuo para.

Isikiolo 36:11

Nambame mena bulamakaope dee wambupi dupwa wai kiso andakyakaro. Nakama wamba kara nange wambu dokona lama konda pyuo sipuro kararami dokopa wane maluko konda pyuo jero. Nambame nakama ee wara pyuo nao kapa palyuo wamba palyuo karengenyili pyuo karalapale lao piru doko soo kandapala dokopa namba doko Kamongo dokolyamo lao kando serami.

Emosa 9:11

Kamongo dokome dopa letamo. Dapitinya rara dokona kiŋi yulu doko anda lalyisi kwaeyo singi dopakale ingyuo silyamo. Dokona lao yuu gii mende pyaka solopyamo dokopa anda lalyuo kwaeyasi isa andopaepe peparae minyalyingi dopale ingyalopyamo. Dokopa yuu wamba Dapiti kareyamo yuu siya dopale ingyara.

Maeka 5:4

Baa eparamo dokopa porai renge Kamongo keta palenge dokomepe Kamongo Anatu kamame mee mende nyilyingili karenge doko baa range keta eparamopa dolapome nyuo rapu pyuo karara. Banya wambu dupwa koo keta pali nao lete kararami. Dokona lao wambu yuu muu ree lao peparaeme banya porai andake wakasa doko soo gisaraminyipa banya mona kyuu lao singinya renge doko maira. Dokopa Asiria wambu yanda pimwai dupwame epo namwana yuu doko ama pyao kwaenyi nembala eparami dokopa namwame namwana akali lita porai dupwame yanda pela pena lao nembarama.

Malakae 3:4

Nakama wamba pingi doko suu pyao Juta wambupi dee Jerusaleme wambupi dupwame nenge minyuo epo Kamongo mairami dokona lao baa rae maira.

Nambase 23:9

Yuu kyau dupwana karo dokopa nambame wambu dupwa kandenge. Nakama wambu rara wakale ingyuo palyuo kamame wakasa ingyuo Kamongome wambu lapo dupwa kaepala nakama elyape keta pisingi lao silyaminyi.

Matyu 2:6

Yuu Juta dokona Beteleme taone doko kuki ingya napala taone doloma pipya Beteleme yapo kingi londara. Dokona ingyuo Beteleme range akali mende sipurao Kamongo ingyapala Isaraele wambu dupwa mondo lao rapu pyuo karara leya.

Jone 17:16

Namba dae range ingya nao karo doko suu pyao nakama dae range ingya napyamoko karaminyi.

Dutaronome 33:28

Dokopa Jekopena para pyasi dupwa mona seramo piso palyuo pilyaminyi. Yuu dokona pundu yandape mende pisa napyamopa yake dokona piso pipyae kondanyi yuu dokona pisilyamo dokona witi jingipi ipwa waenepe mondo lao andara.