Maeka 7:11 - Anatunya Buku Baepole Ole Testamene Pii Lapo dee Nuu Tesamene

¹¹ Jerusaleme wambu dupwa yuu taone andake dokona kana kame kamba pirami yuu gii doko epelyamo. Yuu gii dokopa nakamana yuu doko dumbili dumbili lao konda pyuo nyerami lyakande.

Maeka 7:11 ပူးပေါင်းရင်းမြစ်များ

Niyamaya 2:17

Dopa piyunupape enakana nakama lamaiyuo, Nakama namwa randa nyimwa doko kandelyaminyi doko yuu Jerusaleme rao banamau lapya kame kambu dupwa rao kwaeyo pipyamo doko kandelyaminyi. Namwa elya napala Jerusaleme kana kame doko dee kamba range pimanale ipupwa, leyo.

Niyamaya 2:8

Lapala dokopa embame pepa pase mende jerenepa minyuo pao akali kiŋi Asape lenge kiŋinya imwa rapu pingi akali dokome isa pinginyape imwape lapo jeramo dokome yanda singi tembole anda rapu pingi dupwana anda dokona kame kambu kameya pyakamiru. Pipala yuu taone andake dokona ka'a kame doko opetae pipala dokopa namba range anda palirunu doko opetae piruko, lamaiyu. Lamaipala dokopa nambana Anatumi namba yisiyasa kiŋi dokome namba mende pyakapyali lao piso siyunu dokopa jiya.

Niyamaya 4:3

Piso siyamo dokopa Amo akali Topaya lenge doko akali Sanepelate role pyao karapala dopa leya. Kinyi lene. Suwa rae lenge mendeme nakamana kana kame dokona pulyara ramo dokopa kana kame doko boo lara, lamaiya.

Niyamaya 4:6

Wambu dupwa nakamana suu pingi dokome poraiyuo suu pyapala kapa pirama leyami dokona kana kame doko piyama. Pipala dokopa kana kame doko anda kanya dokona pyuo palyiyama.

Aisaya 54:11

Kamongome dopa letamo. O Jerusaleme taone randako nyingi kapa mende piri ingya nange dake. Emba mendemepe mona minyarambwa narami ingilyamo. Dokona lao nambame kana bange nyingi rungi rungi pingi dupwame nakamana isa susa reto dee kamba wasakaro.

Aisaya 54:2

Emba palirene komau anda doko andake ingyuo piri. Pipala puu doko kaka soo pyuo pee lao pyasinju lape. Pinjingi isakulimi dupwa poraiyuo pimba pyare.

Aisaya 58:12

Dokopa nakamana wambu dupwame anda wamba kwaeyasi silyamo dupwa karenge panda dokonako dee pirami. Dokopa nakama kana kame awali lao kamba pyuo dee anda momo nao lalyuo pasi doko kamba karengenyili pyuo piyaminyi dupwaŋa lao kingi larami.

Aisaya 61:4

Nakamame yuu taone lalyuo kwaeyasi dupwa dee kamba minyalyuo pirami.

Daniele 9:25

Dokona pii dake soo nyepe. Yuu Jerusaleme kamba elya pinya lao lamairamo yuu gii dokona piso pao Anatumi akali mende kyawa ingyuo rombo palyiyamo doko kararamo yuu gii dokopa ee kana akalisa kisima ipisu mange mendaki (49) dusipa epo para. Dokopa enakana yuu taone Jerusalemepe kata sukusa singi dupwape kana kame porai awali lao karengepe dupwa elya piraminyipa ee kana malu (434) karara. Kararamopape ee kana dusipana randa malu epara.