Maeka 5:6 - Anatunya Buku Baepole Ole Testamene Pii Lapo dee Nuu Tesamene

⁶ Nembaramanopa nakamana yanda kaku wuape dokome porayapala yuu Asiria doko nyuo isa palyarami. Asiria wambu dupwame namwana yuu doko pyao uki palyamwali lao pirami dokopa dopa pyuo pyapala namwa nyiso kyawa lete nyerami.

Maeka 5:6 ပူးပေါင်းရင်းမြစ်များ

Samu 110:3

Embame embena yanda pimwai pipya yanda pirinyi dokopa embena wambu dupwame yanda pinya mona kumapala epo yanda pimana larami. Yangama yangama pipyae raeya malu singi dopale ingyuo embena wanyane akali dupwa emba karare dokona eparami.

Samu 72:6

Kiŋi baa ee yuupinya apunda kulimbwanyi peyalamuli pyuope dee apunda pura pura pyao epo yuu pyuku lanyi pyambwalamuli pyuo karena.

Aisaya 33:1

Namwana yanda pimwai dupwa nyuo anamasi minyaraŋa. Wambu wakale dupwame nakama pyao anda yuupi yanga nayaminyipape nakamame pyao anda yuupi yangeyami. Pyapala anda yuupi yangapala nakama randa nyerami yuu gii epara lao mona rando parami.

Aisaya 6:13

Wambu akalisa dokona doloma pena lapala mendaki karo kaeyara ramo doko isa kapya angi doko poko mapu pipala angalu doko yaki nyilyaminyi doloma rapala ralamuli pyuo kokwa soo para. (Isa yanengena kongwalu pii doko Anatumi banya wambu keta yulu enenge pyakamira dokona letamo.)

Jeremaya 14:22

Yuu liti wakale wakale wambunya mee bange anatuŋu lao isa kanape wasisi dupwame apu peya narami. Yake dokome susu lao apu pura pura pyao epena lao nyuo peya nara. Yulu dupwa peparae embame iki inginyi peengepya. Dokona lao namwana Kamongo Anatu emba keta dupwa peparae epara lao soo karamano.

Luku 1:71

Doko, Namwana yanda pimwai dupwa nembakao namwa nyisara, namwa kando awa nao karaminyi dupwa peparaeme namwa pyaa nana lao kyawa minyaro leya.

Luku 1:74

Doko namwana yanda pimwai dupwana kingi raka lanyi nembaramopa namwa koo soo kararama leya.

Luku 24:27

Lapala Mosesena pii dupwa minyuo lao Anatunya poropeta akali dupwa peparaena pii doko opetaena lao Anatunya pii pyasi dupwa peparae baa rangesa lao paleyamo dupwana nakamba renge dupwa polo lamaiya.

Dutaronome 32:2

Nambana mana pii doko apu dopale ingyuo isa epara. Eparamo dokopa isa yuu dokona pipyae lenge lenge papyuo ipwa ingyuo pete sera. Nambana pii doko apu raa raa pyao ee nyaŋa dupwana epenge dopale ingyara.