Maeka 2:12 - Anatunya Buku Baepole Ole Testamene Pii Lapo dee Nuu Tesamene

¹² Dopa piramopape nambame Isaraele wambu pyarepala pao karaminyi dupwa peparae nyuo pyasaro. Nambame nakama mena sipisipi ingyuo kame sukusa karo isakona karo pilyaminyipa lanyuo epenge doko suu pyao nakama lanyuo eparo. Nakamana yuu dokona wambu palyuo kete pyarami, leya Kamongome.

Maeka 2:12 ပူးပေါင်းရင်းမြစ်များ

Jenesese 36:33

Bela kumapeyamo dokopa yuu Bosera range Serana ikinyingi Jopape dokome banya panda nyepala iso kareya.

Jeremaya 23:3

Nambame nambana wambu lapo dupwa bolombalo lao yuu wakale dupwana nembeyono dupwa nyuo malu palyuo lanyuo epo yuu andape range dokona peyaro. Dopa pirunupa nakama keta wane wanakepe malu wai kisaronopa rara doko ando nyimbwara.

Isikiolo 34:11

Namba Kamongo Mupwa Andake Wakasa karenge dokome sipisipi dupwa namba rangeme koto nyepala mondo lao rapu pyuo kararona lao nakama langilyu.

Isikiolo 34:13

Yuu wakale dupwana kararami dupwa nyuo malu palyuo karo nambame nakambana yuu range dokona lanyuo eparo. Lanyuo epo dokopa nakamana yuu kyau dupwana range karo dee ipwa pona kuki dupwana pyambuo pirunupa nenge malu keyange dupwa nao kararami.

Isikiolo 34:22

Dopa pilyaminyi dokona nambana sipisipi dupwa kiiramo nyeronopa wakale dupwame nakama randa mende mai narami ingilyamo. Nambana sipisipi dupwa mendaki mendaki lao rolao lao dokopa koo keyangepe liti piru.

Isikiolo 34:31

Nakama nambana sipisipi nenge jilyu dupwa nambana wambuŋu. Dee namba nakamana Anatu ingyuo dupwa nambana wambuŋu karoŋo lao namba Kamongo Mupwa Andake Wakasa dokome lapusa pilyamo.

Isikiolo 36:37

Namba Kamongo Mupwa Andake Wakasa dokome letamo. Isaraele wambu dupwame nambame nakama nyisapili lao piso sela imili lao suu pilyu. Dee nakamana wambu doko ipwa pota kee kana ingyuo kakana pena lao suu pilyu.

Isikiolo 37:21

Dopa pyuo karo nakama lamaiyuo, Namba Kamongo Mupwa Andake Wakasa dokome nambana wambu yuu muu wakale dupwana karo pelyaminyi dupwa nyuo pyaso karo yuu range dokona lanyuo epo kararo letamo, lamairi.

Emosa 1:12

Dokona nambame yuu Temane dokona isare peyaro dokopa yuu Bosara taone dokona anda peparae rao otara.

Maeka 2:13

Anatumi nakamana kata wapwakamyuo karapusi pyao lanyuo peyami doko mokwapala nyisa nyuo nembara. Nakama taone andake kame kambu dowa dupwa pyao lalyapala mee nyisa epo parami. Nakamana kiŋi doko Kamongo Anatu dokome baa range kata lanyuo para.

Maeka 4:8

Dokopa nakama Jerusaleme wambu Anatu baa rangeme isilyamo dokona nakamana yuu taone andake mupwa wamba siyamo doko dee kamba mupwako ingyuo sera.

Maeka 5:7

Isaraele wambu palyuo karalu kararami dupwa pipyaeme manda rao mona kyakange dopale ingyaramopa Kamongome rara wakale dupwa keta nyisala pena lao nembara. Dokopa nakamame mee akali yaki nyepala Anatu keta kamba kamba serami.

Maeka 5:8

Isaraele wambu lapo yuu wakale dupwana mende yaka yaka lao mena laene nenge koto isako imwa dupwana paenge dopale ingyuo paeyo kararami. Nakama mena sipisipi kararami dupwana sukusa pao kararaminyipa pyakala lambwapala kapuso nyepala nao rokwalya rokwana pinyi nembarami. Mendeme nyisara lao suu pyaa narami.

Maeka 7:14

Kamongo, embena wambu yapo rombo palyuo nyiinyi dupwana emba rapu pingi akali karape. Nakama yuu muiyane dokona palyuo karaminyipape paki pakipi yuu elyape sipyamoko palaminyi. Yuu Besane yuu Giliatepe nenge singi yuu dolapona wamba piyaminyili pyuo nao palyuo karala pena lapili yaka.

Maeka 7:18

Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.