Maeka 2:1 - Anatunya Buku Baepole Ole Testamene Pii Lapo dee Nuu Tesamene

¹ Wambu luu palenge rate dokona piso yulu koo dopa pirama lao lao palyuo piso pilyaminyi dupwa nakama ingi rando pakarami. Yuu yangaramo dokopa nakama mende pirama lao lao palyaminyi dokona pilyaminyi.

Maeka 2:1 ပူးပေါင်းရင်းမြစ်များ

Jenesese 31:29

Emba randa jero ramo doko mee jero ingilyamo. Dopa pipyamopa emba rakanena Anatu dokome kukwa kombeyame namba langipya. Jekope kando pii keyange koope mende lasare daa lapya.

1 Kiŋi 21:7

Leyamo dokopa Jesapeleme isingi lao, Kapa emba kiŋi panda kiŋi daase? Rate dokona sipuro epo mona kare kare rae maiyuo piso nenge nape. Nambame Napotena isa girapo ee doko nyakaroŋo, leya.

Aisaya 32:7

Wambu mona pali nange kopyali dokome yulu kopetame dupwako pingi. Baame wambu pendewa dupwa kando kyambo panga soo pii lapo lamaipala koo ingyuo kokwa sinyi nembalana lao pyuo dee bange angi rolae nyeramili dupwa nyii nana lao kata rokwamingi.

Jeremaya 18:18

Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Isikiolo 33:26

Nakama wua gela dokome kyawa minyara lao suu pyaro karo yulu pii napenge dupwa ipi pipyamopa pyuo karaminyi. Nakama peparaeme kepo yulu dokonako karaminyi. Dopa pyuo karaminyi dokona apa pipala yuu doko nakamana ingyara lao suu pilyamisi?

Maeka 6:12

Nakamana akali numi dupwame wambu pendewa dupwana bange dupwa mee nyakamyuo kamame pendewa panyi nembo taonena palaminyi dupwa peparae pii kyambo lenge.

Make 15:1

Yuu wamba yangama yangama wambena mumwa dokopa purisi mupwa dupwame kamongo dupwape Sekeraepo dupwape wato andake lenge akali dupwa peparaepe role pyao piso wato leyami. Wato lapala Yesu puu maipala lanyuo pao Pailate maiyami.

Luku 20:19

Yuu gii dokopako Mawa Pii mana lenge dupwape purisi akali mupwa dupwapeme baa puu maiyalana pyuo karo mee wambu dupwa kando pakao kareyami. Baame nakamasa kando kongwalu pii doko lapyalyamo lao sepala baa puu maiyalana piyami.

Jone 19:11

Yesumi baa isingi lamaiyuo, Embame namba kando mende suu pilyu ote lao kapa piro lao karene renge porai doko Ketaerena dokome emba jii napyali doko embame mende piri ingya napyali. Dokona namba nyuo emba jipyamo akali doko koo wakasa pipya ingilyamo.

APOSELENA YULU 23:12

Yuu yangeyamo dokopa Juu wambu dupwame wato mendakinya palyuo dopa leyami. Namwa Pole ene pyapa naramanopa ipwa nengepe dupwa wasapala naa narama leyami.

APOSELENA YULU 23:15

Dokona ingyuo nakama wato andake lenge akali dupwa pipya epapu yanda singi mupwa doko lamaiyuo Polena kote pii lao rolamana letaminyi lao lanyuo epena lena. Dokopa baa ene repeta lanyuo eparami dokopa pyao kumakarama leyami.

Orome 1:30

Nakama mendali kando koo pipya lao lapona kingi dupwa koo keta palyuo lao papyuo karenge. Nakama Anatunya yanda pimwai ingyuo karo kyawa sisingi pali napala moŋokyaŋe soo rangena kingi ketae pyambuo lao karaminyi. Apa pyuo koo pirama lao kata dupwanako koto nyuo endangi rakangepena pii kamba lao pyuo karenge.