Maeka 1:7 - Anatunya Buku Baepole Ole Testamene Pii Lapo dee Nuu Tesamene

⁷ Nakamana mee bange yapasi lapo anatu ingyuo retenge dupwa pyao kokwa soo inji ranji pyuo para. Bange peparae tembole anda dokona pamuku yulu pinya lao maimi dupwa isareme yango kokwa sinyi nembaro. Dopa pipala mee bange anatu lao kingimi wasisi dupwa pyao mee bange inginyi nembaro. Samaria wambu dupwame bange dupwa nyepala anatu lao pyuo karapala Anatu angi doko kando koo pyuo kareyami dupwa epapu nakamana yanda pimwai dupwame bange dupwa nyuo yuu wakale lapona paraminyipa anatuŋu lao misi lele lao kararami.

Maeka 1:7 ပူးပေါင်းရင်းမြစ်များ

Osia 2:12

Nembapala dokopa banya mona retenge akali dupwame yulu pyakape lao isa girapope isa pikipi dupwa jiyamiko letamo dupwa nambame pyao kokwa sinyi nembaro. Nambame enda banya isa girapope dee isape dupwa yuu ketange pyasi inginyi nembaronopa mena rae lenge dupwa nao kokwa sinyi nembarami.

Osia 2:14

Dokona lao nambame enda baa lanyuo yuu muiyane nenge see nange dokona dee papala mona retenge piindeme range lao laku nyero.

Osia 2:5

Dokopa kepo pingi enda elya pali nange dokome lao, Nambana akali mona retenge dupwa piya paro dokopa nakamame namba nenge ipwa dee komau ipwa waene isa olipi ipwange dupwa jerami, leya.

Joele 3:3

Nyepala nambana wambu dupwa kendemande yulu pyakamili lapala kate pyuo bange wini pyuo nyingi dopale ingyuo wambu dupwa kate pipala mokwa soo nyuo dee wane wanake dupwa nyepala ropo pyao maipala nakama kana nyiyaminyi dupwame enda pamuku dupwa kana maiyuo nyuo ipwa waene ropo pyao nao piyami.

Dutaronome 9:21

Nakamame yulu koo pyuo bulamakao wasiyaminyi doko nambame nyepala isarena pyao pyambuyu. Pyambwapala dee nyuo pyao kau lao sinjimu inginyi nembapala sinjimu ingiyamo dupwa yuu kyau dokona ipwa lupyuo epenge dokona pyao nembeyo.

Orepalaisane 18:3

Doko wambu rara peparaeme baa role pyao pasendiya yulu piyami doko banya waene porai dopakale neyamisa piya. Dee kiŋi akali dupwame baa kando nyepala role papyuo nyuo kareyami. Dee bisinase akali dupwame banya yulu koo kyaŋe singi dokona mana nyepala pyuo karo isa bangena kamongo kareyamipya.

Orepalaisane 18:9

Isa kiŋi akali enda baapa pasendiya yulu pyuo rae rae maiyuo kareyami dupwa anda taone doko rao kyau lao eparamo kandapala ee dokome kata kanda narami.

1 Samyuele 5:4

Doo pisiyaminyi yangama dokopa bange wasisi doko kambako Kamongona Kana Minyuo Lalu Lao Lenge Pii Palenge Bokote doko siyamo dokona lenge kambusa lano siyamo kandeyami. Yuu gii dokopa bange dokona ayemba kingipi dupwa poro lapala kambu konandowame dokona siyamopa romba kyangalipi dupwa iki pyarepala pao siyamo kandeyami.