Luku 9:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokopa nakamame isingi lao, Wambu lapome emba Jone bapitisimo nyakamaingi doko lenge. Lapome emba Ilainja lenge, lapome yuu wamba akali Anatumi pyongo piyamopa nolako lao kareyami dokona mende kumuo palyuo lopo ipyalyamo lenge, leyami.

Luku 9:19 ပူးပေါင်းရင်းမြစ်များ

Malakae 4:5

Dopa piramopape Kamongo eparamo yuu gii andake rando doko enakana epara lapala wambo nakama keta poropeta akali Ilainja lenge doko peyaro.

Matyu 14:2

Sepala baame banya yulu pingi akali lapo lamaiyuo, Akali doko Jone bapitisimo nyakamaingi dokolyamo. Baa kumuo palipala lopo ipyalyamo. Epapala renge porai mende baa keta palipyasa yulu andake doko pyuo karalyamo, leya. Doko wamba Eroteme banya yangonge Pilipana etenge Eroteyase lenge doko mango nyiyamosa Joneme Erote lamaiyuo,

Matyu 3:1

Yuu gii dusipana Jone bapitisimo nyakamaingi dokome epapala yuu Jutia dokona yuu muiyane siya dokona boo pyao lamaiyuo kareya.

Make 6:14

Wambu malu mee Yesu dopa pyuo karamo lao sepala Kiŋi Erote lamaiyaminyipa Yesu dopa pingilyamo lao siya. Wambu lapome Jone bapitisimo nyakamaingi doko lopo epapala yulu porai rengende baa keta maralyipyasa pyuo karalyamo, leyami.

Make 6:15

Dopa leyaminyipape lapome, Baa poropeta akali Ilainjalamo, leyami. Lapome, Baa poropeta rora ambasupi wamba kareyami dopakalelamo, leyami.

Luku 9:18

Yuu mendepa Yesu baa iki ateŋa lao peteyamo dokopa banya disaepole dusipa role pyao peteyami. Dokopa baame nakama piso soo, Wambu dupwame namba kando apiŋi lao apa lami kandapisi? leya.

Luku 9:20

Dokopa baame nakama lamaiyuo, Dopa lao lalyaminyiko doŋo nakama rangeme namba apiŋi lao suu pilyamisi? leya. Dokopa Pitame lao, Emba Anatunya Koraisa doko leya.

Jone 1:21

Dokopa nakamame piso soo, Dokonako suu pyao emba Ilainjape? leyami. Baame, Namba daa lyakande, leya. Anatunya pii nolako lao epara leyami emba akali dokope? leyami. Baa isingi lao, Daa leya.

Jone 7:40

Pii leyamo doko sepala wambu lapome, Akali dake Anatunya pii nolako lenge akali angi ingilyamo leyami.

Jone 9:17

Dokopa nakamame akali lenge kwaeyamo doko kambako piso siyami. Emba baame lenge elya pyakapyamo doko baasa kando embame apa lao suu pilisi? leyami. Baa Anatunya poropeta akali, leya.