Luku 8:8 - Anatunya Buku Baepole Ole Testamene Pii Lapo dee Nuu Tesamene

⁸ Dokopa waingi lapo yuu keyange dokona peya. Papala andapala jingi akalisa akalisa pao akalisa lyiya, leya. Lapala pii poraiyuo lao, Kale kata singi ramo dokome pii dake selapape leya.

Luku 8:8 ပူးပေါင်းရင်းမြစ်များ

Jenesese 26:12

Kamongome Aisake elyape keta pisinyi pyambuyasa ee waingi wara piyamo dokome ee kana mendaki dokona kamame kaiyakaro ando lyiyamo lyepa piya.

Poropepe 8:1

Selapa. Mona palenge singinya renge dokome wambu ingyuo kee letamo. Renge angi dokome wambu serami lao paneya.

Matyu 11:15

Nakamana kale kata singi ramo dokome selapape leto.

Matyu 13:23

Waingi lapo yuu keyange dokona peya doko suu pyao mendeme pii doko sepala angi soo gisara. Jingi angi lyiya doko suu pyao baame yulu keyange pyuo karara. Jingi lapo akalisa pao akalisa lyiyamo doko suu pyao mendeme yulu keyange wakasa pyuo karara. Jingi lapo akalisa pao pakinyamange lyiyamo doko suu pyao mendeme yulu keyange andake pyuo karara. Jingi lapo akalisa pao rema lyiyamo doko suu pyao mendeme yulu keyange pyuo karara, leya.

Make 4:20

Waingi lapo yuu keyangena papala kene pyapala menamena lao andapala lapo jingi akalisa rema lyiyamo doko suu pyao wambu lapo Anatunya pii dokona mana nyuo pipala dokopa pao enakana yulu keyange pyuo kararami. Lapo jingi akalisa pakinyamange lyiyamo doko suu pyao wambu lapo yulu keyange andake pyuo kararami. Lapo jingi akalisa akalisa pao akalisa lyiyamo doko suu pyao wambu lapo yulu ama keyange wakasa pyuo kararami, leya.

Make 4:23

Nakama kale kata singi ramo dokome selapape, leya.

Make 4:8

Waingi lapo yuu keyangena peya. Doko kene pyapala menamena lao andapala, lapo jingi akalisa rema, lapo jingi akalisa pakinyamange, lapo jingi akalisa pao akalisa lyiya, leya.

Make 7:16

Nakama kale kata singi ramo dokome pii dake selapape, leya.

Luku 14:35

Dokome yuu dokona kapa yuu kuma maiya nangeoko. Akali dupwame mee neta nembarami. Kale kata singi ramo doko selapape leya.

Luku 8:15

Waingi lapo yuu keyange dokona pao sepala jingi keyange anda lyiya doko suu pyao wambu lapo pii doko sepala mona dokona karalunji nembo gii lao minyuo karo yulu angi rape rape lao pyuo karenge doko jingi keyange lyingi dopale.

Luku 8:7

Dee waingi lapo ikyaikya siyamo dokona pao siya. Soo andeyamo dokopa ikyaikya role pyao andapala lungwa lungwapala pyao neya.

Epesasa 2:10

Anatu range namwa wasiya. Namwa Koraisa Yesupa pako yulu keyange pirami lao wasiya. Namwa kata rolae dupwana papyuo kararama dupwa Anatumi wamba rapa rapa piya.

Kolosi 1:10

Anatu nakama pimili lao suu pilyamo dupwa kando nyeparami dokona loma sakao petamano. Kando nyepala dokopa Kamongome nakama yulu pimili lao rae mairali dupwa pyuo kararami. Nakama Anatunya yulu dupwa soo nyepala yulu keyange doko jingi keyange lyingi dopale pyuo kararami.

Orepalaisane 13:9

Karapusi anda palira ingingi dupwa pao palenge kandale. Dee mendeme yanda pipala pyara ramo doko baa yanda pipalako pyarami ingingi kandale. Randa koo dopa pyuo epeya kande dokopa Anatunya wambu baa kapa ingingi lao suu pyao karo kaeya nao pyuo karapengele.

Orepalaisane 2:11

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome kale yukupala selapape. Anamasi minyarami dupwa kumungi renge lapo pyuo dokona nakama keta mende pii nara. Ote.

Orepalaisane 2:7

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome selapa. Anamasi minyarami dupwa letena renge palenge isa doko Anatunya ee sukusa karamo dokona nao karena laro letamo. Ote.

Orepalaisane 3:13

Kale kata singi ramo dokome Imambumi pii Elyambu Pingi dupwana lamailyamo dupwa kale yukupala selapape. Ote.

Orepalaisane 3:6

Kale kata singi ramo dokome Imambumi pii Elyambu Pingi dupwana lamailyamo dupwa kale yukupala selapape. Ote.