Luku 8:54 - Anatunya Buku Baepole Ole Testamene Pii Lapo dee Nuu Tesamene

⁵⁴ Dopa piyaminyipape wanakena kingi minyapala, Wanake, emba sipurape lao kee leya.

Luku 8:54 ပူးပေါင်းရင်းမြစ်များ

Jeremaya 31:32

Pii enenge kana minyuo lalu lao larono doko nakamana kauwanemoo pipa yuu Isipi dokona neta nyiyu dokopa nambame kii minyuo pao kana minyuo pii lalu lao leyono dopale daa. Dokona namba nakamana akalingi dopale ingyuo kareyonopape nakamame kana minyuo pii lalu lao lenge doko minyuo pyuo kara nayami.

Matyu 9:25

Dopa piyaminyipa wambu malu dupwa ralinyi kama nembeyaminyipa baa donge dokona papala wanake dokona kingi minyuo nyiyamo dokopa sipureya.

Make 1:31

Lamaiyaminyi dokopa baame endana kingi kii minyuo minyalyuo nyiya. Nyiyamo dokopa yanenge isare reyamo doko pyai neyamopa mee ingiya. Mee ingiyamopa enda dokome nakama nyiso nenge pyuo kareya.

Make 8:23

Piso siyami dokopa baa akali lenge kwaenge dokona kingi nyepala kii minyuo anda karenge dokona kareyami doko yaki nyuo peyambi. Papala Yesu akali lenge kwaenge dokona kepakali kyasinyi pisakamipala kingi dokome minyandapala baa piso siya. Lapo kandelepe? leya.

Make 9:27

Dopa lao kareyaminyipape Yesumi wane dokona kingi nyepala minyalyuo nyiya. Dokopa wane mee roya kareya.

Luku 8:51

Lapala anda doko kando nyepala Pitamoo Jone Jemesa wanakena endangi rakange dolapomoo dusipa iki andakare monaleŋe wambu menge dupwa epa kaena leya.

Luku 8:53

Dopa leyamo dokopa nakamame wanake doko kumapyalyamo lao soo gisapala baa kando giili giili leyami.

Luku 8:55

Dokopa wanake dokome imambu doko dee epo paleyasa baa aopa sipureya. Dokopa Yesumi baa nenge mende mainya leya.

Jone 11:43

Dopa lapala pii porakaiyuo lao, Lasarasa, neta ipu leya.

Jone 5:21

Dokona suu pyao Rakange dokome wambu kumuo palenge dupwa lete minyalyuo nyingi doko suu pyao Ikinyingi opetaeme lapo letena renge mairu lao suu pilyamuli pyuo maingi.

APOSELENA YULU 9:40

Dopa piyaminyipape Pitame peparae kamanda pena lapala wapambu kararo pisipala ateŋa leya. Ateŋa lapala yanenge kaoma siyamo doko kandapala dopa lamaiyuo, Tapita, emba sipura, leya. Leyamo dokopa baa lenge reya. Lenge rapala Pita kandapala roya peteya.

Orome 4:17

Doko suu pyao Anatunya pii pyasi dokona lao, Emba yuu muu peparaena rara dupwana rakange ingyuo rombo palyiyu lasi silyamo. Dokona lao Anatunya pii lao kana minyingi doko range alowa pinya rae mai nange. Anatu Aporakameme mona maiyamo Anatu dokome kumasi dupwa letena renge maipala banya pii dokome bange wamba see nayamo dupwa mee poro lena lenge.