Luku 8:24 - Anatunya Buku Baepole Ole Testamene Pii Lapo dee Nuu Tesamene

²⁴ Dopa piyamo dokopa nakamame baa pyalerapala, Rapu Pingi, Rapu Pingi, namwa kumulyamano leyami. Dokopa baa lenge rapala porambaiye dokope ipwa ama ranjo pulyuo epapa piya dokope kando kaena leya. Leyamo dokopa pyai nao rali pipala koo pyuku pyuku peya.

Luku 8:24 ပူးပေါင်းရင်းမြစ်များ

Samu 65:7

Ipwa kota doko kasakole minyuo gono gono lao mango epenge dokopa embame singinyili pyuo sinya lenge dokopa mee pyai nao rali pingi. Doko suu pyao wambu kilyipu kilyipu karenge dokopa embame nyuo kui lenge.

Aisaya 50:2

Nambame nakama keta pao kyawa lete nyela peyo dokopa nambana wambu akipamo namba keta epa nayamisi? Nambame kee leyono dokopa nakamame akipamo isingi yaa lao yano pyaa nayamisi? Nambame nakama kapa pyuo nyiso kyawa lete nyero ingya nalyase? Nambame ipwa kota pete kameya doko mee soko rali pinya lao dee ipwa epo penge dupwa nyuo kee maro lanyi pyambuo soko oma dupwana selamo dupwa mee ipwa nanapala kumuo parami ingilyamo.

Matyu 14:30

Dopa piyamopape porambaiye doko kandapala pakaya. Pakapala ipwa dokona yalyalana piya. Dopa pipala pii rekyae lao lapala, Kamongo namba lete nyii, leya.

Matyu 8:25

Dokopa baa pao pyalerapala, Kamongo, namwa kumarama ingilyamo nyisape, leyami.

Make 4:39

Leyaminyi dokopa baa lenge rao sipurapala porambaiye kaena lapala, ipwa lamaiyuo, Emba lambo lao selenyili pyuo see, leya. Dopa leyamo dokopa porambaiye pyai nao rali piya. Dokopa koo pyuku pyuku peya.

Luku 4:35

Dopa leyamopa Yesumi baa pyalana pyuo lamaiyuo, Emba pii laa kae. Akali doko raka lanyi yaki nyinya, leya. Leyamopa imambu koo dokome wambu peteyaminyi sukusa dokona akali doko suu lanyi palyapala baa uki minya nao mee yaki nyuo peya.

Luku 4:39

Dokopa enda doko siyamo dokona karo yanenge isare rao anga piyamo doko yaki nyuo manda rao pena leya. Leyamopa baa mee ingiyamopa enda dokome aopa sipurapala nakama nenge pyuo isaro pyuo kareya.

Luku 5:5

Dokopa Saimone isingi lamaiya. Rapu Pingi, kukwa dokopa oma nyelana yulu pyuo karamwanopa piso yuu yangapya dokopa oma mende nyii namwa. Nyii namwanopape emba letene dokona namba oma nyingi nyuu dolapo ipwana pyao pyanaro, leya.

Luku 8:25

Dokopa baame nakama lamaiyuo, Nakamana Anatu kapa nyisara lao suu pingi doko isa nembamipi? leya. Dokopa nakama pakao piso yango sukusa lao, Porambaiye ipwapa banya pii letamuli pyuo sakamingilyamo. Baa aki akali? lao mona nembo peteyami.