Luku 7:38 - Anatunya Buku Baepole Ole Testamene Pii Lapo dee Nuu Tesamene

³⁸ Epo matarena Yesunya kimbu siyamo dorena ee lao kareyara banya ee ipwange Yesunya kimbu dokona lyuo peteya. Dokopa enda dokome banya kyawasi dokome ee ipwange pyao nembo banya kimbu nyinyi pyuo mamba kisakamyuo peteya.

Luku 7:38 ပူးပေါင်းရင်းမြစ်များ

Jenesese 18:4

Namba ipwa kuki minyuo epena laronopa embena kimbu wate pipala isa renge dokona lungwa lungwa imambu soo pisiri.

Samu 51:17

O Anatu, nambame mena pyao kiso maingi dokona lao suu pyao nambana imambu inyimungu karenge doko emba keta jilyu. Doko akali inyimungu koo dupwana kondo karenge doko emba yaki nyii nange kandale.

Ekelesiyastisi 9:8

Yuu peparae wambu peparaena lenge kambu dokona rae maiyuo gii mona palyuo karape.

Aisaya 61:3

Lapala lao wambu lapo yuu Sayone dokona kumanda petaminyi dupwa mona rando kondange doko suu pyao rae maingi renge maiyuo dee kumanda piso ee lenge doko suu pyao lakandenge kenane maiyuo puu lapyasa epelyo. Nakama Kamongo rangeme isa wara pilyamo andenge dopale ingyarami. Dokopa nakama peparaeme yulu rolae doko anjuku lao pirami. Dokopa Anatu baame yulu piyamo dupwana lao baa lakandarami ingyara.

Jeremaya 31:9

Nambana wambu dupwa ee pipya kapu kyuo ateŋa lao range lanyaronopa anda eparami. Nambame ipwa guu dupwana iso lanyuo pao dee nakama lukuma sasaramiŋi lao nambame kata rambe kwuasi dokona lanyuo paro. Dokopa namba Isaraelena rakange dopale ingyaronopa Eporaime nambana wane mupwasa ingyara.

Joele 2:12

Dopa piramopape epapu dakepa Kamongo dokome lao, Nakamana koo dupwana angi poraiyuo suu pyaokondali pyuo kondapala nenge naa nao ee lao yamarangyuo kondome kumuo namba karo dokona kapu kyuo ipupwa, leya.

Matyu 5:4

Wambu monarename sakame kumungi dupwa mona minyarambu poraiyakamira dokona rae maiyuo pelyaminyi.

Luku 22:62

Dokopa baa neta papala nengya nengya pyao ee leya.

Luku 6:21

Epapu lopo pipyamopa karaminyi dupwa sikya piramo kararami dokona nakama raeko maiyuo parami. Epapu ee lao petaminyi dupwa nakama giyuo pisirami ingilyamo dokona nakama raeko maiyuo parami.

Luku 7:37

Dokopa yuu taone dokona enda pamakae yulu koo pingi mende peteyamo doko baa Parisinya anda dokona taepo repeta pisipyalyamo lao sepala pee mende rendamu pingi mamba lapo paleta minyuo epeya.

Luku 7:39

Dopa piyamo dokopa Parisi akali baa nenge nambana epena leyamo dokome dopa pilyamo lao kandapala mona anda dorena, Baa Anatunya poropeta akali ingyuo karapyali doko enda baa minyandelyamo doko yulu koo pingi ingilyamo dokona baa api lao baa apa pyuonde lao kando soo giso karapyali suu pyao peteya.

Jone 11:2

(Maria dokome Kamongo dokona mamba rendamu pingi mende kisakamipala banya kyawasi dokome kimbu pyao nembakamiya enda dokona pemalenge Lasarasa lenge doko anga piya.)

Jemesa 4:9

Nakama kwaeyo karaminyi dokona mona kendapala ee andake lao karalapape. Dakepa giyuo karaminyi dupwa alowa pipala ee lao karalapape. Nakama rae maiyuo giyuo karaminyi dokona alowa pipala mona kendo karalapape.