Luku 7:14 - Anatunya Buku Baepole Ole Testamene Pii Lapo dee Nuu Tesamene

¹⁴ Lapala palu isa epo minyandeya. Minyandeyamo dokopa soo epeyaminyi dupwa sakaro kareyami. Dokopa baame dopa leya. Wanyane akali, nambame emba sipurape langilyu, leya.

Luku 7:14 ပူးပေါင်းရင်းမြစ်များ

1 Kiŋi 17:21

Enakana Ilainja baa yuu remasa wane yongo dokona ketae pangu sepala ateŋa lao, O nambana Kamongo Anatu, wane dake kamba lete pyuo nyepe, leya.

1 Kiŋi 17:22

Dokopa Kamongome Ilainjana ateŋa dokona isingi yano pyakamiya. Doko wane baa yongo peparae lenge rapala ŋee ŋaepe siya.

Jopo 14:12

Yake doko singinyili pyuo silyamo dokopa akali doko luu palyuo sili lao kumasi sulu soo singipya.

Jopo 14:14

Akali doko kumara ramo doko dee lete eparase? Nambana randa epelyamo doko pao otaparamopa yuu gii elyape dokona epo kararo lao iso karapuli yaka.

Samu 33:9

Baame pii leyamo dokopayuu muu peparae ingiya. Dopa pyuo pena leyamopa bange peparae epo maro leya.

Make 5:41

Papala wanakena kingi minyapala, Talita kumi, leya. Pii doko, Wanake, emba sipura langilyu, dopale.

Luku 7:13

Dokopa Kamongo dokome enda doko kandapala baa kondaya. Kondapala baa lamaiyuo, Ee laa kae, leya.

Luku 7:15

Dokopa akali kumasi siyamo doko roya pisipala pii lao peteya. Dokopa Yesumi baa endangi dokona range maiya.

Luku 7:17

Baasa kando lasi pii doko yuu Jutia peparae dupwanape yuu kipwa kipwa peparae dupwanape lao kapakapa piyami.

Jone 11:25

Yesumi baa dopa lamaiya. Sipurao epengepe lete karengepe renge dolapona namba renge kuiyuo karo. Akali mendeme namba kapa ingingi lao suu pyao mona jera ramo doko baa kumapalape mende lete karara.

Jone 5:21

Dokona suu pyao Rakange dokome wambu kumuo palenge dupwa lete minyalyuo nyingi doko suu pyao Ikinyingi opetaeme lapo letena renge mairu lao suu pilyamuli pyuo maingi.

Jone 5:25

Kinyi kinyi langilyu, yuu gii mende pyaka sera doko pyaka soo kaepyamopa wambu kumuo palaminyi dupwa Anatunya Ikinyingi pii laramo doko sepala lete parami.

Orome 4:17

Doko suu pyao Anatunya pii pyasi dokona lao, Emba yuu muu peparaena rara dupwana rakange ingyuo rombo palyiyu lasi silyamo. Dokona lao Anatunya pii lao kana minyingi doko range alowa pinya rae mai nange. Anatu Aporakameme mona maiyamo Anatu dokome kumasi dupwa letena renge maipala banya pii dokome bange wamba see nayamo dupwa mee poro lena lenge.

Epesasa 5:12

(Nakamba yulu koo yalu pyuo pilyaminyi dupwa polo lakalana dokopa elya nyerama ingilyamo.)