Luku 6:48 - Anatunya Buku Baepole Ole Testamene Pii Lapo dee Nuu Tesamene

⁴⁸ Akali mendeme anda pinya dokopa yuwale andake kyasipala kana koko pisu petenge mende kando nyepala dokona kana anda isarename retenge dupwa retapala anda doko ketae piya. Apu andake epo ipwa kama pyapala anda doko lalyuo soo panya piyamopa anda mondo lao piyamo dokome poraiya.

Luku 6:48 ပူးပေါင်းရင်းမြစ်များ

2 Samyuele 22:2

Kamongo doko nambana kyawa lete nyuo alya isa ingingi akali. Baa kame porai dopale ingyuo namba kako pyaro karenge.

2 Samyuele 22:32

Kamongo baa iki doko Anatu. Dee Anatu baako nambwana nee isa ingyaro karamo.

2 Samyuele 22:47

Kamongo doko lete karalu karenge. Baa nambana nee isa ingyuo karenge doko lakandena. Anatu porainya renge palenge dokome namba lete wai pyao nyingi dokona kingi ketae pena lao leto.

2 Samyuele 22:5

Ipwa kota kasakole minyuo ipwa marengena epenge dopale ingyuo kumungi renge dokome namba nyuo sukusa pyambuya. Dee ipwa kasakole minyingi dopaleko ingyuo randa renge dupwame namba nyuo bwuakiki piya.

2 Samyuele 23:3

Isaraele wambunya Anatu dokome pii leya. Isaraele wambunya konambe ingyuo alya isa ingingi dokome namba langyuo lao, Kiŋi akali kata rolae dokona iki wambu dupwa iso karo dee Anatu lengenyili pyuo iso karenge doko

Samu 32:6

Embena pii mondo laominyingi wambu dupwame yuu gii randa epelyamo dokopa emba kando loma serami ingilyamo. Randa dupwa apunda ingyuo kulimbwanyi peyo epenge dokopa randa epenge dokome nakama nyera ingya nangepya.

Samu 95:1

Nakama ipupwa. Kamongo lakandamana. Anatumi namwa kyawa minyuo karenge dokonasuu pyao rae maiyuo kenane pyamana.

Aisaya 28:16

Dokona lao Kamongo Mupwa Andake Wakasa dokome dakepa dopa letamo. Nambame yuu Sayone dokona kana mende pinginya ingyuo pisirunupa pyuku laa nara letamo. Kana keyangepe mee lao makande pyuo kando otasi kana doko kulisa wakasa. Yuu donge dokona pinginya pyano mupwa ingyuo karara. Mende kana dokona pepa pyasi palira kapa ingingi lao pyamalyapala mona maiyuo kararamo doko mee porai ingyaramo mali sero karara.

Luku 6:47

Wambu mende namba karo dokona epapala dokopa nambana pii soo nyepala warombo soo kararami dupwa apiyakale lao pano langiru. Baa akali anda piyamo dopale makande minyuo leto.

Luku 6:49

Dee wambu nambana pii sepala dokopa warombo see narami dupwa nakama akali mendeme anda pinya dokopa kana isarename retenge dupwa reta napala mee yuunya anda piyamo dopale. Anda doko ipwa dokome pyao lalyuo selana piyamo dokopa aopa lalyiya. Dokopa anda doko koo keta palyuo pyao lalyiyaŋa leya.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.

Epesasa 2:20

Anda doko aposele akalipi poropeta akalipi dupwa andana renge kuingi isa dupwa ingyuo karaminyipa pisi karamo. Koraisa Yesu baame anda pinginya ingyaro karamo.

Dutaronome 32:15

Kamongona wambu dupwa kamongoyaminyipape nakama mona kana poko kamba leyami. Dopa pyuo nakama mendasape kakasera kando lao nenge pyano sepala ando ama rondo lasi ingyuo kareyami. Nakamana Anatu dokome nakama wasiyamo doko kame soo kaepala dee nakama lete wai pyao nyingi akali porai doko mata maiyami.

Dutaronome 32:18

Nakamame nakamana Anatu dokome nakama lete wai pyao pyuo nyingi porai dokome nakama letena renge maiyamo doko kame siyami.

Dutaronome 32:31

Yanda pimwai dupwame nakamana anatuŋu lenge dupwa angi mende daalyamo. Isaraele wambunya Anatu doko ama porai wakasande karamo lao silyaminyi.

2 Timoti 2:19

Dopa laminyipape Kurisene yulu doko Anatumi kanda soo piyamo doko ama porai wakasa ingyaro karamo dokome isa paa nara. Dokona pii dasipa pyasi palamo. Kamongo baame apimoo banya lao soo karamo. Mendeme, Namba Kamongona karo lara ramo doko baa koo dupwana rekya lanyi nembo kararasa pira.

2 Pita 1:10

Yangonemoo Anatumi nakama kee lao sukusa nyiyamo dokona rolae pyuo karalapape. Dopa pyuo pirami ramo nakamana Kurisene yulu isa paa nara.

1 Jone 2:28

Kurisene wanenge ikinyingipi dupwa baa pano eparamo dokopa namwa eŋa nembo karo banya lenge kambu dokona inyimungu elya nao karapuli yaka lao epapu banya arapu dokona pisipwape.

Juti 1:24

Anatumi nakama koo keta pali nalapale lao kyawa minyara. Banya neta renge yulu dokona nakama nyuo karapala neta ranyi piso rae mainyi pyambwara. Dokona lao baa lakandamanale.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.