Luku 6:37 - Anatunya Buku Baepole Ole Testamene Pii Lapo dee Nuu Tesamene

³⁷ Wambu dupwa kando yapalya yapana pyuo suu pyao kara nalapape. Dopa pii narami ramo dokopa Anatumi nakama kando yapalya yapana pyuo suu pyao kara nara. Wambu yango mende kando koo karamo lao kara nalapape. Dopa pii narami ramo dokopa Anatumi nakama koo karaminyi lao kara nara. Wambu yango dupwana koo dupwa kame sakamyuo karalapape. Dopa pirami ramo dokopa Anatumi nakamana koo dupwa nyuo kame sakao kaeyara.

Luku 6:37 ပူးပေါင်းရင်းမြစ်များ

Aisaya 65:5

Dopa pingi wambu dupwame wambu menge kando lao, Namwa angi yapasi ingyuo karamwano pilyamoŋo warendasaramiŋi repeta epa nalapape, letaminyi. Wambu dopa pilyaminyi dupwame nambana gyaa kata sisuku pyambwakaminyisa nambana imbu singi nakama keta palamo doko isare ingyuo rao kookana lokwasi lapala waiya lao awa awa pyuo otara ingya nalyamo.

Matyu 18:30

Leyamopa kana range akali baame daa lapala kana ene jepa nara mange dusipana karapusi anda dokona palena leya.

Matyu 5:7

Wambu yango sakame kumuo karenge wambu dupwa kando Anatumi kondoko karara dokona nakama rae maiyuo pelyaminyi.

Make 11:25

Yuu peparae nakama ateŋa lao karo dokopa nakamame wambu mende kando imbu singi manjo kararami ramo doko nakamana yulu koo piyami dokona ateŋa pyao nyuo kame sakamipwape. Dopa pyuo pirami ramo doko Rakane yake panda karenge dokome nakamana koo dupwa nyuo kame sakara.

Luku 23:16

Dokona nambame baa randa maipala mokwaro, leya.

Luku 6:36

Nakamana Rakane dokome kondo nyiso karenge doko suu pyao nakamame dopako pyuo kondo nyiso karalapape.

APOSELENA YULU 3:13

Aporakamemoo Aisake Jekope namwana rakange kyawa dupwamoo nakamana Anatu dokomeko banya Yulu Pingi akali Yesu doko yanga paupau lanyi pyambuya. Nakamame Yesu nyepala Pailate maiyaminyipa baame Yesu mokwaro lao suu piyamopape nakamame Pailatena lenge kambu dokona mata maiyami kande.

Epesasa 4:32

Mendeme mende kando anjiki pyuo karo mona pau lao, Anatumi Koraisa keta nakamana koo dupwa kame sakaya dokona suu pyao nakamame yango mendena koo dupwana suu pyanyi pyano kara nalapape.

Kolosi 3:13

Nakama yango sukusa mendali nyiso nyiso pyuo dee yango sukusa pii paleya kande dokopa nyuo kame sakamyuo karalapape. Kamongome nakamana koo dupwa kame sakaya dokona suu pyao yango mendali keta dopako pipwape.

Jemesa 2:13

Akali mendeme wambu yango sakao nyiso kara nara ramo doko Anatumi baa kote laramo dokona baa kando sakao nyisa nara ingilyamo. Dee akali mendeme yango dupwa sakao nyiso karara ramo dokona kote laramo dokopa baa keta mende pali nara.

Jemesa 5:9

Randa nyepala dokopa wambu yango dupwa mata kando laa nalapape. Larami ramo range keta Anatumi kote palira. Kandalapa. Kote Soo Lenge akali anda kambu minyala epelyamo.