Luku 6:20 - Anatunya Buku Baepole Ole Testamene Pii Lapo dee Nuu Tesamene

²⁰ Dokopa baame lenge pendekae lapala banya disaepole dupwa kando dopa leya. Nakama wambu pendewa dupwa Anatunya isingi panda doko nakamana ingyara dokona lao rae maiyuo parami.

Luku 6:20 ပူးပေါင်းရင်းမြစ်များ

Samu 37:16

Akali keyange pingi dokona bange kuki serara dupwame akali koo pingi dupwana bange malu seraraminyi dupwa isa palyuo sera ingilyamo.

Aisaya 66:2

Namba rangena kingi dokome yuu muu peparae pyuo wasiyu. Wambu lapome namba iki mupwa lao suu pyao pako warombo soo nakamana koo dupwa polo lao yaki nyepala inyimungu karenge dupwa kando namba epe soo karenge, letamo.

Matyu 11:5

Lenge kwaenge dupwa lenge rao, kimbu koo dupwa kata papyuo, rapa nenge dupwa loo lao, kale poenge dupwa pii soo, kumasi dupwa sipurao epo, pendewa wambu dupwa waili pii keyange doko boo pyao lamwanopa soo pilyaminyi.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Matyu 5:1

Wambu ama malu rukuraka pyuo kareyaminyi kandapala baa yuu kyau dokona pulyuo peya. Pulyuo pao pisapeyamo dokopa banya disaepole dupwa baa peteya dokona epeyami.

Luku 12:32

Nakama nambana mena mondo ingyuo karaminyi dokona paka nalapape. Rakane dokome banya isingi yulu doko rae maiyuo jera.

Luku 13:28

Dokopa Aporakamemoo Aisakemoo Jekopemoo Anatunya poropeta akali dupwa pipya nakama Anatunya isingi panda dokona pisiraminyipa nakama range nyiso kando karo ee lao nenge ginyi ganyi lao kararami.

Luku 14:15

Taepo repeta peteyaminyi dokona mendeme baa pii dopa leyamo doko sepala dopa lamaiya. Anatunya isingi panda dokona sukusa wambu nenge nao pisirami dupwa keta rae mairamilyamoŋo wambo leya.

Luku 16:25

Dopa leyamo dokopa Aporakame dopa leya. Rakane, emba lete karo dokopa embena bange keyange dupwa nyuo kareene doko suu pyao Lasarasa koo dupwa nyuo kareya kande. Dopa piyambinyipa epapu alowa pipala baa dakena mona minyarambwamwanopa petamo, emba randa andake nao petene.

Luku 4:18

Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.

2 Korina 6:10

Mona kendanyi pyambuyaminyipape namwa yuu peparae rae maiyuo karamano. Namwa akali pendewa lao suu pyaminyipape wambu malu kamonganyi pyambulyamano. Namwame mende daa lao suu pyaminyipape aepyamo karamano.

2 Korina 8:2

Nakama randa koo nao kareyaminyipape rae maiyuo kareyami. Pendewa ingyuo karapalape nakama ipyuo wambu yango nyisamwali lao suu piyami dokome kana andake jiyami.

2 Korina 8:9

Kamongo Yesu Koraisa baa mona keyange palyuo ipingi doko nakama silyaminyi. Baa kamongo ingyuo kareyamopape nakamana reke lao baa pendewa ingyuo peya. Dopa pyuo baa pendewa ingyuo peyamo dokome nakama kamonganyi pyambuya.

1 Tesalonaika 1:6

Nakamame Kamongona yulu dokonape namwa piyama dokonape kimbu moko minyuo pyuo kareyami. Randa andake nyuo dokopa waili pii keyange soo nyiyami. Dokona Imambu Poo Pyasimi nyisiyamopa rae maiyuo kareyami.

2 Tesalonaika 1:5

Anatunya isingi panda dorena reke lao randa andake nyuo kata wapulyaminyi. Nakama dokona sukusa parami dokopa Anatu rolae pyuo kote lenge doko panara.

Jemesa 1:12

Mendeme randa eparamopa mee kalyinyi pyambuo kararamo doko baa rae maiyuo para. Baa keta makande pingi wakale wakale eparamopa mee kalyinyi pyambuo karara dokopa Anatumi baa mona retenge wambu dupwa keta kyakana renge mairu lalu lao leya doko nyera.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

Orepalaisane 2:9

Nakama randa nao isa bange minya napala pendewa ingyuo karaminyipape mendena kamongo ingyapyamo karaminyi doko namba silyu. Wambu lapo Juu wambu karamano letaminyi dupwame nakamana kingi isa palyako lao karaminyi dupwa Juu wambu angi daa, dalapo Satane ralape ingyuo petaminyi.

1 Samyuele 2:8

Baame pendewa pelyamo palyuo karenge dupwa nyiso dee yangilyamo pee paro singi dupwa nyuo minyalyuo pingi. Baame nakama kiŋinya akali mupwa dupwa pipya puu minyinyi pyambungi. Baame nakama yulu andakena wambumi ketae nembaramili dupwa maingi. Yuu doko Kamongome kanda soo susa pyao waso reteyamo silyamo. Yuu dokona baame bange peparae konda pyuo wasiinyi pyambuya.