Luku 6:15 - Anatunya Buku Baepole Ole Testamene Pii Lapo dee Nuu Tesamene

^15-16 Matyumoo Tomasamoo Jemesa Aopiasana ikinyingi dokomoo Saimone kingi mende Selote lenge dokomoo Jutasa Jemesana ikinyingi dokomoo Jutasa Isakeriote Yesu mata kando leya dokomoo pipa Yesumi rombo palyiya.

Luku 6:15 ပူးပေါင်းရင်းမြစ်များ

Matyu 9:9

Yuu doko yaki nyepala pao dokopa akali mende kingi Matyu lenge doko takisi nyingi anda dokona peteyamo kandeya. Kandapala baa lamaiyuo, Namba paronuli pyuo ipu, leya. Dokopa baa sipurapala Yesu peyamuli pyuo peya.

Make 2:14

Lamaipala baa kata nyuo papala akali Lipae lenge Aopiasa ikinyingi takisi mone nyingi akali doko takisi nyingi anda peteyamopa Yesu kando nyiya. Kando nyepala, Namba paronuli pyuo ipu, lamaiyuo leya. Leyamo dokopa peyamuli pyuo peya.

Make 3:18

Enduru, Pilipa, Batolomyu, Matyu, Tomasa, Jemesa baa Aopiasana ikinyingi doko, Tatiasa, Saimone Selote,

Luku 5:27

Dopa piyamo dokopa enakana baa kama papala takisi nyingi akali mende kingi Lipae lenge doko takisi nyingi anda dokona peteyamo kandeya. Kandapala, Namba paronuli pyuo ipu, lamaiya.

Luku 6:14

Saimone baame kingi mende Pita leya dokomoo banya yangonge Endurumoo Jemesamoo Jonemoo Pilipamoo Batolomyumoo

Jone 11:16

Tomasa kingi mende Reme Paka lenge dokome disaepole yango dupwa lamaiyuo, Namwa opetae baa pale pale kumarama mwua leya.

Jone 20:24

Akali akalisa ipisu lama kareyami dokona mende Tomasa lenge kingi mende Reme Paka lenge doko Yesu epeyamo dokopa baa nakama pipya kara naya.

APOSELENA YULU 1:13

Pao andakare papala anda ketae koe luu palenge dokona pulyuo peyami. Pitamoo Jone Jemesa Enduru Pilipa Tomasa Batolomyu Matyu Jemesa Aopiasana ikinyingi doko, Saimone Selote akali doko, Jutasa Jemesana ikinyingi dokomoo role pyao pulyuo peyami.

APOSELENA YULU 15:13

Nakambame pii lapeyambinyi dokopa Jemesa enakana leya. Yangonemoo, nambana pii selapape.

Galasia 1:19

Dokopa namba Kamongona yangonge Jemesa iki kandeyonopape aposele menge dupwa kanda nayo.

Galasia 2:9

Jemesa Pita Jonemoo Elyambu Pinginya akali andake dusipame Anatumi yulu mupwa dake namba keta jiyalyamo lao siyami. Sepala namba Banapasapa yako lao kingi nyiyami. Namwa peparae yulu mendakinya pyuo nakama doloma Juu wambu pii lamairaminyipa nambwa rara wakale dupwa lamairama dupwana sepala kapa lao kaeyama.

Jemesa 1:1

Namba Jemesa Anatu Kamongo Yesu Koraisapana kendemande ingyuo karo. Nakama rara akalisa mendaki dee ipisu lama bolombalo lao yuu wakale wakale dupwana peyaminyi dokona lao yako lao pyao jilyu.