Luku 5:36 - Anatunya Buku Baepole Ole Testamene Pii Lapo dee Nuu Tesamene

³⁶ Lapala kongwalu pii mende opetae nakama lamaiya. Doko wambu mendeme komau enenge mende nyuo dokopa kangu lama nyepala komau wambarae rokwasi dokona palyapala kii pii nange kandale. Dopa pyuo pira ramo doko komau enenge palyaramo doko komau wambaraepa kapa kapa ingya naramopa mee kwaera. Komau enenge dokona roko nyiyamo doko mee ukiaki minyarasa pira.

Luku 5:36 ပူးပေါင်းရင်းမြစ်များ

Lipitikase 19:19

Nambana mawa pii letamuli pyuo minyalapape. Nakamana mena bulamakao dupwa mena rara wakale dupwa pipya pyaso kepo pyuo yakane manja kaena dee waingi rara lama minyuo pyaso ee mendakinya wara pii nalapape. Komau eleko rara lamame pyaso wapu nalapape.

Luku 5:35

Yuu gii mende pyaka seramo dokopa enda nyeramo akali doko nakama yaki nyepala para. Paramo yuu gii dusipana nenge naa nao pisirami, kongwalu palyuo leya.

Luku 5:37

Dee, wambu mendeme kipwa pee mena yanenge wasisinde wambarae dokona waene ipwange enenge kyano pii nange. Dopa pira ramo dokopa waene ipwange enenge dokome kipwa pee wambarae dokona paliramopa pee doko enakana poro lara. Dokopa waene ipwange doko isa paramopa kipwa pee mee poro lasi sera.

2 Korina 6:16

Apa pyuo Anatunya Elyambu Pingi dupwape Satanena wambu dupwape role pyao kararamisi? Namwa Anatu lete karengena tembole anda dopale karamano suu pyalapape. Anatu baa range dopa pyuo leya. Namba nakama pipya yalya kando role pyao kararo. Namba nakamana Anatu ingyaronopa nakama nambana wambu ingyarami.