Luku 4:18 - Anatunya Buku Baepole Ole Testamene Pii Lapo dee Nuu Tesamene

¹⁸ Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao

Luku 4:18 ပူးပေါင်းရင်းမြစ်များ

Jenesese 3:15

Dokopa enda embapa imbu singi nyuo pisipwape, laro. Nakambana wai kiso nyerambi dupwa dopako pyuo pyakando pyuo puu parami. Baame embena ayemba kalyuo pyarakwara. Embame banya kimbu yukuna nao kumuo pyareko, leya Anatumi.

Samu 2:2

Nakamana kiŋi dupwa porai ingyuo karo dee akali mupwa dupwa wato lao karapala Kamongope banya rombo palyisi kiŋi dokope yanda pimwailyaminyi.

Samu 2:6

Nambana yuu kyau poo pyasi Sayone lenge dokona nambame nambana kiŋi doko rombo palyuo karena lamaipu, letamo.

Samu 34:18

Wambu baa rangena yulu dokona uki minyuo pelyasa dokona isa pwuamano lao sepala mona nembenge dupwa keta Kamongo doko repeta karenge. Dee keyange eparali dupwa isa pwuamo lao suu pilyaminyi dupwa baame minyalyingi.

Samu 51:17

O Anatu, nambame mena pyao kiso maingi dokona lao suu pyao nambana imambu inyimungu karenge doko emba keta jilyu. Doko akali inyimungu koo dupwana kondo karenge doko emba yaki nyii nange kandale.

Aisaya 32:3

Nakama wambu yango bange aeya naramo kararami dupwa nyisalana lao lenge rao dee kale lumbuo soo pyuo kararami.

Aisaya 35:5

Lenge koo dupwa lenge rao kando kalepoe dupwa pii soo pirami.

Aisaya 42:7

Embame lenge koo dupwa lenge ranyi reto dee karapusi ingyuo iminjinginya petaminyi dupwa kiiramo nyuo piri ingyara.

Aisaya 45:13

Nambame Sairosena mona doko pyao kui laronopa nambana yulu dokona pyuokondali pyuo yulu kwaeyaramo dupwa rolae ingyuo retara. Nambame baa nyiso kata dupwa peparaena paramo dupwa wapuo rolae ingyuo retaro. Dokopa baame nambana taone Jerusaleme doko dee pipala nambana anjisi wambu dupwa kiiramo nyera. Mendeme baa bange mairuŋu yulu pyakana laope dee panga soo kana maiyuo nyepala yulu pinya laope pii nara ingilyamo. Kamongo Porai Wakasa dokome lapyamo pilyamo.

Aisaya 49:9

Nambame wambu karapusi palaminyi dupwa kando lao, Mee manda rasi nyisa pupwape, laro. Dee lapo iminjinginya petaminyi dupwa yanga paupau lengena epena lao piru. Dopa piru dokopa nakama mena sipisipi yuu kyaunya rambi nao mondo lao karenge dopale ingyuo kararami.

Aisaya 50:4

Kamongo Mupwa Andake Wakasa dokome namba pii apa pyuo laro dupwa mana langiya. Dopa pyuo langiyamo dokona nambame wambu makange dupwa porainyi pyambuo laro ingiya. Yangama peparae baame namba pii mana langiramo dupwana namba nyuo wangu lakanyi pyambuo pipala mana pii langingi.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Aisaya 66:2

Namba rangena kingi dokome yuu muu peparae pyuo wasiyu. Wambu lapome namba iki mupwa lao suu pyao pako warombo soo nakamana koo dupwa polo lao yaki nyepala inyimungu karenge dupwa kando namba epe soo karenge, letamo.

Daniele 9:24

Ee kana andete kisima ipisu akalisa mange mendaki (490) epo paparamopa Anatumi embena wambupi embena yuu taone poo pyasipi koo keta moko nyero lao rombo palyiya. Yuu gii dokopa koo dupwa kame sakaramo dokopa wambu dupwa rolae pyuo karalu kararami. Dopa piramo dokopa pii repa repa piinyi dokope dee rengya mende pira lao poropeta pii leyamo dokope angi kinyi ingyuo para. Paramo dokopa tembole anda doko dee yapasi ingyuo karara.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Matyu 11:5

Lenge kwaenge dupwa lenge rao, kimbu koo dupwa kata papyuo, rapa nenge dupwa loo lao, kale poenge dupwa pii soo, kumasi dupwa sipurao epo, pendewa wambu dupwa waili pii keyange doko boo pyao lamwanopa soo pilyaminyi.

Matyu 12:18

Nambana kendemande akali nambame nyuo rombo palyiyu, nambame mona retelyo doko kando monarena raeko maiyuo karo doko kandalapa. Baa keta nambana imambu doko maralyaronopa baame rara wakale peparae yulu rolae dokona lao polo lamaira.

Matyu 12:20

Baame angi kwaeyamo doko kokwa see nara. Dee lambe kuki rao seramo doko kunjinyi nemba nara. Baa yulu rolae pingi doko wakasa inginyi pyambwara.

Matyu 4:16

Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Matyu 5:3

Wambu range kuki lao suu pyapala inyimungu karaminyi dupwa yake pandana isingi yulu doko nakamana ingyuo silyamo dokona nakama rae maiyuo pelyaminyi.

Luku 4:17

Dokopa Anatunya poropeta akali Aisayame pepa piya buku doko baa maiyami. Baame buku doko lopapala pii dopa lao paleyamo doko koto kando nyiya.

Luku 6:20

Dokopa baame lenge pendekae lapala banya disaepole dupwa kando dopa leya. Nakama wambu pendewa dupwa Anatunya isingi panda doko nakamana ingyara dokona lao rae maiyuo parami.

Luku 7:22

Dokopa baame nakamba isingi lamaiyuo, Kando simbinyi dupwa Jone lamaiye pupwape. Lenge kwaeyalu kwaeyo kwaenge dupwa kapa kandelyaminyi, kimbu koo dupwa kata papilyaminyi, rapa nenge dupwa rapa loo lapyamopa mee karaminyi, akali kale poenge dupwa pii silyaminyi, kumasi simi dupwa lete karaminyi, wambu pendewa dupwa waili pii keyange boo pyamwanopa soo karaminyi.

Jone 1:41

Baa aopa yangonge Saimone koto kando nyepala dopa lamaiya. Nambwa Mesaya doko kando nyelambano, leya. (Mesaya doko Koraisa dopale.)

Jone 12:46

Mendalimi namba kapa ingingi lao suu pyao karara doko iminjingi dokona pisu piso pisa nana lapala namba yanga paupau lao isa yuu dakena epeyo.

Jone 3:34

Dokona lao Anatumi mapanyi peeyamo epeyamo dokome Anatunyako pii lao karamo. Anatumi Imambu doko pingyapala mainginde daa.

APOSELENA YULU 10:38

Yesu Nasarete range doko Anatumi Imambu Poo Pyasipi renge porai dokope maiya. Maiyapala Anatu baa role pyapeta kareyamopa baa yuu dupwana papyuo yulu keyange pyuo imambu koo dupwa raka lanyi nembo wambu pyuo nyepa piya.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

APOSELENA YULU 4:26

Yuunya kamongo akali dupwame wato nengyango lapala Kamongo dokonape dee Koraisa dokopa kando yanda pyala peyami.

APOSELENA YULU 4:27

Doko suu pyao embena Yulu Pingi akali poo pyasi Yesu emba rombo palyii doko yuu dakena wambu dupwame malu palyuo nengyango lao kareyami. Erotemoo Pondiasa Pailatemoo wambu rara wakale dupwape Isaraele wambu dupwape nakama mendakinya palyuo,

Kolosi 1:13

Baame namwa iminjinginya kareyama dokona neta nyepala banya Ikinyingi mona retenge doko keta namwa banya isingi panda dorena kareya.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.