Luku 3:17 - Anatunya Buku Baepole Ole Testamene Pii Lapo dee Nuu Tesamene

¹⁷ Baa witi jingi lukungi saporo andake doko minyaro karamo. Baa witi peparae yapo nyepala jingi angi dupwa anda retowa, imbu dupwa isare rao sulu singi dokona kisanyi nembara leya.

Luku 3:17 ပူးပေါင်းရင်းမြစ်များ

Samu 1:4

Akali koo pingi dupwa dopale ingya nange. Yangi porambaiyeme poo lanyi nembenge dopale ingyuo penge.

Jeremaya 15:7

Yuu taone peparaena nambame nakama kalendakuna porakana pyao nembele lao nakama nambana wambu dupwa kokwa sinyi nembeyo. Nakamana yulu koo pingi karo doko yaki nyuo kaeya nao minyaro siyaminyi dokona nambame nakamana wane wanake dupwa opetae pyao kumakayo.

Maeka 4:12

Dopa laminyipape wambu rara dupwame Kamongona lao suu pyapyamo doko see nalyaminyi. Dopa pipyamopape nakama mendakinya nyuo malu palyapala randa maiyuo lisi ingyuo minyuo gisimu gasimu laro lao suu pyapyamo doko see nalyaminyi.

Matyu 13:30

Jingi lyingi gii epapa naramo dokopa laparae rukuraka pyuo andena kaeyalapa leya. Jingi lyingi gii dokopa pyakepao yake pingi wambu dupwa lamaiyuo, Wambo rano dupwa kisarama lao nyuo puu pyapala enakana witi jingi dupwa retenge anda dokona retena, laro, leya.

Matyu 3:12

Baa witi jingi lukungi saporo andake doko minyaro karamo. Baa witi peparae yapo nyepala jingi angi dupwa anda retowa, imbu dupwa isare rao sulu singi dokona kisanyi nembara leya.

Luku 3:18

Dokopa waipi malu lao wambu dupwa lamaiyuo waili pii keyange doko boo pyao lao kareya.