Luku 23:9 - Anatunya Buku Baepole Ole Testamene Pii Lapo dee Nuu Tesamene

⁹ Rae maipala baame baa pisapa pisapa pyuo kareya. Dopa pyuo kareyamopa Yesu baame isingi lamai naya.

Luku 23:9 ပူးပေါင်းရင်းမြစ်များ

Aisaya 53:7

Baa koo keta palyuo pyao lao randa maiyaminyipape kambu lumbuo pii mendepe laa napala koo nono ingyuo elya kalo randa nyiya. Mena sipisipinya ikyane pyalana lanyuo penge dokopa kae laa nao penge panda sipisipi mendena emanji pyaki pilyaminyipa sipisipi doko kae laa nao karenge doko suu pyao baa pii mende laa nao kareya.

Matyu 27:12

Dopa leyamopape purisi akali mupwa dupwape kamongo dupwapeme baa kando koo pingiŋi leyaminyi dokopa baa mende isingi warapo laa naya.

Matyu 27:14

Dopa leyamopape kote renge wakale wakale baa kando leyaminyi dupwana mendepe ama warapo isingi laa nayako. Dopa piyamo dokopa kyapo mupwa doko mona nembo kareya.

Matyu 7:6

Bange poo pyasi dupwa suwa maiya nao mola yapasi dupwa mena panda pyambwa nao pyuo karalapape. Bange dupwa nyuo kalyapala dee kapu kyepala nakama nasara ingilyamo.

Make 15:5

Dokopa Yesu isingi mende warapo laa nao kareya dokome Pailate ayaka lao suu pyao kareya.

Luku 13:32

Dokopa baame nakama lamaiyuo, Yana suwa kararope doko dopa lamaiye pupwa. Epapupi rakyape imambu koo raka lanyi nembapapu anga pingi dupwa pyuo nyepa pyuo karo. Yuu repo pyuo dokopa nambana yulu pyuo otaro.

Luku 23:10

Purisi akali mupwa dupwape Mawa Pii mana lenge akali dupwapeme dusa karo baa akali koo pingi lao pii poraiyuo lao kareyami.

Jone 19:9

Pakapala kote singi anda dee kolando papala Yesu lamaiyuo, Emba anja karo epee? leya. Dopa leyamopa Yesumi isingi mende laa naya.

APOSELENA YULU 8:32

Anatunya pii pyasi palenge baa kando yaka lao peya doko dopa letamo. Mena sipisipi pyalana lanyuo penge dokopa kae laa nao penge, panda sipisipinya ikyane mendena emanji pyake pilyaminyipa ikyane doko kae laa nao karenge doko suu pyao baa pii mende laa nao kareya.

1 Pita 2:23

Baa kando kilya kando leyaminyipape baame isingi pii koo dopale laa naya. Piyami dokopa isingi pyalana pii nayako. Anatu baa kote pii rolae lenge dokona suu pyapala mona kare kare kareya.