Luku 22:29 - Anatunya Buku Baepole Ole Testamene Pii Lapo dee Nuu Tesamene

²⁹ Nambana Rakangeme namba isingi yulu dokona rombo palyiyamo doko suu pyao nambame nakama isingi yulu minyarami lao rombo palyilyu.

Luku 22:29 ပူးပေါင်းရင်းမြစ်များ

Matyu 24:47

Kinyi langilyu, kamongo baame banya bange peparae rapu pyuo karena lao rombo palyara.

Matyu 25:21

Dokopa banya kamongo dokome baa lamaiyuo, Emba yulu pingi akali keyange. Nambana pii yaki nyii nao mee pyuo karenge doko, emba mondo lao pyuo karapilyamo. Embame yulu kuki yaki nyii nao mee rolae pyuo karapi dokona embame yulu andake renge palyuo rapu pyuo karape laro. Andakare eparenepa nambapa role pyao rae maiyuo karamanale leya.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Matyu 28:18

Dokopa Yesumi epo nakama dopa lamaiya. Renge palenge yake panda silyamopape isa panda silyamopape peparae namba keta jipyamopa karo.

Matyu 5:10

Wambu lapo rolaena renge dokona lao randa nyerami dupwa yake pandana isingi yulu doko nakamana silyamo dokona nakama rae maiyuo pelyaminyi.

Matyu 5:3

Wambu range kuki lao suu pyapala inyimungu karaminyi dupwa yake pandana isingi yulu doko nakamana ingyuo silyamo dokona nakama rae maiyuo pelyaminyi.

Luku 12:32

Nakama nambana mena mondo ingyuo karaminyi dokona paka nalapape. Rakane dokome banya isingi yulu doko rae maiyuo jera.

Luku 19:17

Dopa leyamo dokopa baame baa lamaiyuo dopa leya. Emba kendemande keyange, kapa pipilyamo. Emba yulu ama kuki yaki nyii nao namba leyonuli pyuo pyuo karapi dokona taone akalisa mende emba mupwa ingyuo rapu pyuo karare leya.

1 Korina 9:25

Makandenge akali dupwame makandalana range sukunde ingyuo kiso rolo rapa rapa pyuo karenge. Dopa pyuo makandapala mee bange nyera. Dopa piramopape namwame bange kulisa sulu singi dokona nyelana pingi.

2 Korina 1:7

Nakama isa paa nao porai ingyuo kararami lao suu pyalu pyao pilyamano. Namwa randa nyilyamano dokonako nakamame randa nyuo karaminyi. Dokona Anatu baame namwa nyisilyamo doko suu pyao nakama nyisara doko silyamano.

2 Timoti 2:12

Namwa Anatunya yulu reto kaeya nao pyuo kararama ramo doko baapa role pyao iso kararamasa pira. Banya kingi reto kaeyarama ramo doko baame namwana kingi reto kaeyarako.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

1 Pita 5:4

Dokome Sipisipinya Rapu Pingi akali angi doko eparamo dokopa kyawa rarange ama keyange yanga paupau lao sulu singi mende emba nyere.

Orepalaisane 21:14

Taonena kame andake dokona kana susa akalisa ipisu lama dokona Sipisipi Ikyanena aposele akali akalisa ipisu lamana kingi pyasi paleya.