Luku 22:18 - Anatunya Buku Baepole Ole Testamene Pii Lapo dee Nuu Tesamene

¹⁸ Dopa langilyu, Anatunya isingi yulu doko ene epapa naramopa waene ipwange doko dee kamba naa naro leya.

Luku 22:18 ပူးပေါင်းရင်းမြစ်များ

Samu 104:15

Rae maiyuo kararami lao ipwa waene maiyuo gii mona paliramo karena lao olipi ipwange maiyuo lopa nao kararami lao borete maiyuo pingipya.

Aisaya 55:1

Kamongome lamaiyuo, Wambu peparae nano karenge dupwa dae ipwa silyamo dokona ipupwa. Kana dalyamo dupwa palawa ropo pyao nala ipupwa. Ipwa waene susupi dupwa mee pakiki nyuo nala ipupwape.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Sekaraya 9:15

Kamongo Porai Wakasa dokome banya wambu dupwa kyawa minyaramopa nakambame yanda pimwai dupwa pyao anda bui nao kokwa serami. Nakamame ipwa biya napala lete lao aa mambope pyao yanda papala yanda pimwai dupwana ranjama kulimbwanyi nembo pyarami. Pyaraminyipa nakama mena pyao kiso mailyaminyi dokopa ranjama lyuo epo pelyamopa pere retapala kamuo nyuo kulimbuo kana pyare lasinya pisingi dopale ingyuo epo para.

Sekaraya 9:17

Yuu doko ama keyange wakasa ingyuo au pyuo sera. Dokopa wanyane wambu dupwa witi jingipi waene ipwangepe dupwa napala ando poraiyuo kararami, lao Kamongo dokome Sekaraya keta leya.

Matyu 16:18

Dokonako ingyuo emba Pita lenge (pii doko kana dopale) doko suu pyao kana andake dokona nambame nambana Elyambu Pingi doko pyakalyinya lao elya piru. Dokopa kumunginya renge porai dokome Elyambu Pingi doko kapa pyao amasu minya nara.

Matyu 26:29

Dopa langilyu, waene ipwange doko dee naa naro. Nambana Rakangena isingi yulu paliramopa nambamoo nakama pipya waene enenge lapo role pyao narama dokopa dee naroko leya.

Make 14:23

Lapala pee lomasi waene ipwange peteta doko nyepala ange lao ateŋa lapala nakama maiya. Maiyamo dokopa nakama peparae mendeme napa napa pyuo neyami.

Make 14:25

Kinyi langilyu, epapu girapo jinginya ipwange napala rengya dee naa naro. Anatunya isingi yulu paliramopa dokona iki dee naro, leya.

Make 15:23

Papala nakamame waene mwua ipwange konda pisi doko mainya piyami. Mainya piyaminyi dokopa baa naa naya.

Make 9:1

Lapala nakama dopa lamaiya. Kinyi langilyu, dae karaminyi dupwana lapo wambo kumapa naraminyi dokopa Anatunya isingi yulu porai ingyuo eparamo doko kandarami, leya.

Luku 21:31

Doko suu pyao doo lalono kandapi dusipa pyaka seramo dokopa Anatunya isingi yulu repeta epo pipyalyamo lao serami.

Luku 22:16

Doko dakepa naroko doŋo Anatunya isingi panda dokona angingyuo narama gii doko ene pyaka sepa naramopa dee naa naro leya.

Luku 9:27

Dopa piramopape wambu dae karaminyi dupwana lapo ene kuma napala Anatunya isingi yulu doko kandarami, doko kinyi langilyu leya.

Kolosi 1:13

Baame namwa iminjinginya kareyama dokona neta nyepala banya Ikinyingi mona retenge doko keta namwa banya isingi panda dorena kareya.

Jasi 9:13

Leyaminyipape girapo isa dokome isingi lao, Nambana waene ipwange doko nyepala mee bange anatupi dee wambu dupwape rae mainyi pyambungi doko namba nakama iso rapu piru ramo doko dee jingi lyii nasaro, leya.