Luku 21:25 - Anatunya Buku Baepole Ole Testamene Pii Lapo dee Nuu Tesamene

²⁵ Dokopa netape kanape bui dupwapena mende pyuo piramopa isa yuu dokona ipwa kota doko pyakalya pyakana pyuo gulu galu lao seramo doko kando rara wakale wakale wambu dupwa mona rando pulunongo pyaramo kararami.

Luku 21:25 ပူးပေါင်းရင်းမြစ်များ

Samu 46:3

Dee mende ipwa kota doko mangalya mangana pyuo oo lao eparamo dokopa yuu kyau dupwa walu walu laraminyipape namwa paka narama.

Maeka 7:4

Lapo ama keyange pyuo karamano lao suu pilyaminyi dupwape dee lapo rolae wakasa pyuo karamano lao suu pilyaminyi dupwape mee kapa pali napyamo ipi pyuo pyuo karaminyi. Yuu gii Anatumi wambu dupwa randa mairu lao poropeta akali dupwa keta repe repe pii lao reteyamo doko epapelyamo. Nakama dokona apa pimwane lao suu pyao saka nalyaminyi.

Matyu 24:29

Randa andake nao kararami gii doko otaramopa aopa neta doko raa napala iminjowape, kana doko raa nao, bui dupwa yake dokona piso kondo isa epo karo yake bange porai dupwa romo romo pyuo pyuo karara.

Matyu 27:45

Andawai korakama towalo keloke piso yuu dupwa iminjiya. Kwuarao karo neta damasa peyamo sere keloke dokopa yuu yangeya.

Make 13:24

Doko yuu gii randa andake nao kararami doko otaramopa neta doko raa napala yuu iminjaramopa kana raa naramopa

Make 13:26

Dokopa Ikinyingi Akali kopa role pyapeta baa porai andakyapala neta renge ingyuo eparamo kandarami.

Make 15:33

Enakana andawai korakama towalo keloke dokopa yuu dupwa iminjiya. Kwuarao karo karo pao seri keloke dokopa yuu yangeya.

Luku 21:24

Nakama wua gela nenge dokona nyinyi piso pyaraminyipa, rara wakale wakale dupwame nakama puu maipala lanyuo parami. Dokopa wambu rara wakale dupwame Anatu kaena lara yuu gii doko ene epapa naramopa Jerusaleme doko nyuo kalyuo kararami.

Luku 21:26

Akali dupwa ama pakao malawai laramopa karo isa yuu dokona apa pira lao kando yamarangurami. Dokona lao yake bange porai dupwa romo romo pira.

APOSELENA YULU 2:19

Dokopa yake dulu yulu andake wambu dupwame kando yamarangwarami dopale pyuo, isa yuu dokona wambu kandena lao yulu andake lapo lasaka pyuo piru. Ranjamape isarepe sukwa puupae lara dokope dusipa kandena lao lasaka piru.

Orepalaisane 20:11

Enakana kiŋinya petenge isa reeko kakepamendena mendali peteyamo kandeyo. Banya lenge kambu dokona yake yuupa dolapo mee ingyuo rali piyambinyipa dee kanda narami ingiya.