Luku 2:41 - Anatunya Buku Baepole Ole Testamene Pii Lapo dee Nuu Tesamene

⁴¹ Banya endangi rakangepa ee kana peparae Jerusaleme dokona Pasopa nenge nenge gii dokopa papa piyambipya.

Luku 2:41 ပူးပေါင်းရင်းမြစ်များ

Ekesetase 12:11

Dopa pipala nakama kata paraminyi dokona rapa rapa pyuo kimbu suu wapuo pangali isa nyuo minyuo panya lao suu pyao karo nenge waiya lao narami. Doko Pasopa Nenge nao nakamame namba Kamongo doko rape rape laramisa pira.

Ekesetase 12:14

Namba Kamongome dopa piya lao suu pyao kame see naramiŋi dokona ee kana peparae yaka lao yuu gii dake dopa pyuo misi lao nenge nao nambana lao suu pyao pisirami, leya.

Ekesetase 34:23

Ee kana yaka lao yuu gii rema larapu nakamana akali dupwa peparaeme namba Kamongo doo Isaraele wambunya Anatu lakandarapu pinya.

Lipitikase 23:5

Kamongo kingi ketae pyambuo nenge Pasopa Nenge doko kana mupwa yuu gii akalisa ipisu kisima dokona neta anda penge dokopa pyaka sepa pingi.

Luku 2:42

Papa piyambinyi dokopa baa ee kana akalisa ipisu lama kareyamopa pengenyili pyuo nakama lalyuo peyami.

Jone 11:55

Dokopa Juu wambunya Pasopa nenge nenge gii doko pyaka selana piyasa wambu malu yuu nemba nemba karo Jerusaleme dokona lalyuo Pasopa nenge napa nayaminyi dokopa range poo pyalana lao peyami.

Jone 13:1

Pasopa nenge repeta pyaka siyamo dokopa Yesumi isa yuu dakena yaki nyepala rakange keta paponolyamo lao soo manjo nyiya. Baame banya wamba mona reto kareya dopako pyuo mona reto karo kumuya.

Jone 2:13

Dokopa Juu wambunya Pasopa nenge nenge gii doko pyaka siyamopa Yesu Jerusaleme dokona lalyuo peya.

Jone 6:4

Juu wambunya nenge nenge Pasopa doko repetale pyaka siya.

Dutaronome 12:11

Baa kingi lakando pisirami lao yuu mendakinde Kamongome rombo palyara dokopa nakamame bange jelapape langiyamo dupwa peparae minyuo eparami. Nakamana bange kiso mairamili dupwape mee mairamili dupwape bange akalisa dusipana pingyu nyuo maipa pirami dupwape mee konda pyuo mairami dupwape dee wambo bange keyange Kamongo mairama lao lalu lao leyami dupwape minyuo eparami.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

1 Samyuele 1:21

Elekana banya ree palu pipa yuu Sailo dokona ee kana yaka lao yuu gii dokopa Elekana baame mena pyao kiso Kamongo mainginyili pyuo maiyala penge yuu gii doko kamba epeyamopa peyami. Kamongopa kiso mairuŋu lao lalu lao leyamo doko opetaeko kiso maiyala peya.

1 Samyuele 1:3

Elekana baame ee kana peparaena lao banya taone Orama lenge dokona palyuo Kamongo Porai Wakasa dokona lao lakando mena pyao kiso maiyala yuu Sailo dokona peya. Yuu Sailo dokona Ilaina ikinyingi Opini Pineyasepa dolapo Kamongo dokona purisi akali ingyuo kareyambi.