Luku 2:10 - Anatunya Buku Baepole Ole Testamene Pii Lapo dee Nuu Tesamene

¹⁰ Dokopa aŋala dokome nakama lamaiyuo, Paka nalapape. Wambu dupwa peparae keta mende piramopa raeko maiyuo kararami lao waili pii keyange doko minyuo epelya kande.

Luku 2:10 ပူးပေါင်းရင်းမြစ်များ

Jenesese 12:3

Wambu lapome emba elyape keta pisarami dupwa nambame nakama elyape ketako pisaro. Dopa pirunupape wambu lapome emba koo keta palyarami dupwa kooko keta palyaro. Wambu rara wakale wakale dupwa embapa lapolapo lao elyapeketa pisirami, leya Anatumi.

Aisaya 40:9

Jerusaleme, yuu kyau ketae dokona pulyuo papala waili pii keyange doko lamaipi. Pii ketae palyuo kee lao, Sayone wambu dupwa waili pii keyange doko lamai. Dopa pyuo lao papyuo paka napipi. Yuu Juta taone wambu dupwa lamaiyuo, Nakamana Anatu doko epelyamoŋo, lao lape.

Aisaya 41:27

Namba Kamongo dokome wambo kanda soo yuu Sayone dokona pii wai nembeyo. Nambame yuu Jerusaleme dokona pii minyingi akali mende nembo lao, Nakamana wambu dupwa anda epelyaminyi lyakande leyo.

Aisaya 49:6

Kamongome namba langyuo, Nambana kendemande akali doko emba yulu andake mende retakapunu silyamo. Embame Isaraele wambu kyawa lete nyisi karaminyi dupwa iki keyange ingyuo palyuo karalu karena lao piriŋi lao laa nalyo. Dopa piramopape wambu rara peparaena lambe mendeke ingyuo karalase lao lao rombo palyaro. Dokona lao yuu muu peparaena wambu nambana lete penge kata lasaka pirami ingilyamo.

Aisaya 52:10

Kamongome banya porai renge poo pyasi dokome banya wambu lete wai pyao nyeramopa yuu muu peparaeme kandarami ingilyamo.

Aisaya 52:7

Waili pii minyuo papingi mende yuu kyau dorena piso waili pii keyange mona kyuu lao seramo doko lao epelyamo doko wambu raeme kumuo serami. Baame epo anamasi minyarami lao yuu Sayone wambu dupwa kando lao, Nakamana Anatu doko kiŋi ingyuo karamo, letamo.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Sekaraya 9:9

Yuu Sayone wambu nakama rae rae maiyuo karalapape. Jerusaleme wambu dupwa rae maiyuo pii porakai lalapape. Nakamana kiŋi doko epapu nakama keta epelyamo kandalapa. Banya yanda pimwai anamasi minyuo isa palyuo epelyamo. Dopa pyuo ipyamopape baa pau lao epo donge dokona piso epelyamo. Donge ikyane kumwambona dokona piso epelyamo.

Matyu 14:27

Dokopa Yesumi nakama aopa lamaiyuo, Nakama monarena poraiyuo rali pipala paka nalapape. Dake namba ipunu pilyamo. Mona nemba nalapape, leya.

Matyu 28:18

Dokopa Yesumi epo nakama dopa lamaiya. Renge palenge yake panda silyamopape isa panda silyamopape peparae namba keta jipyamopa karo.

Matyu 28:5

Dokopa aŋala dokome enda dolapo lamaiyuo, Paka nalapape. Yesu isa mamandona pyao palyiyami doko kandala epelyambinyi doko namba silyu.

Make 1:15

Baame yuu gii pyaka sepelyamo dokona Anatunya isingi yulu repetale epelyamo. Nakama mona kapu kyuo waili pii keyange doko kinyi lao suu pyalapape, leya.

Make 16:15

Pyalana pyuo lamaipala dopa leya. Nakama yuu muu dupwana pao wambu Anatumi pyuo wasiyamopa petaminyi dupwa peparae waili pii keyange doko boo pyao lamaiyuo pupwape, leya.

Luku 1:13

Piyamopape aŋala dokome baa dopa lamaiya. Sakaraya, emba paka kae. Emba ateŋa lao karene doko Anatumi soo karamo. Embena etene Ilisapeta baame wane mende manjakara. Banya kingi Jone lare.

Luku 1:19

Dopa leyamo dokopa aŋala dokome isingi baa lamaiya. Namba Geperiele lenge dokome Anatunya lenge kambu dokona karenge. Waili pii keyange lalono doko emba langyala puu lapyasa epelyo, leya.

Luku 1:30

Dokopa aŋala dokome baa dopa lamaiya. Maria, emba paka kae. Anatumi emba rae maiyuo karamo.

Luku 2:11

Dokona lao epapu Dapitinya yuu taone dokona wane mende manjakami. Baa Kamongo Koraisa dokome nakama lete wai pyao nyera.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

Luku 8:1

Enakana yuu kuki lama epo papeyamopa Yesu yuu taone lapope anda kuki lama karengepe dupwana papyuo Anatunya isingi yulu dokona lao waili pii keyange doko minyuo boo pyao lao papiya. Dokopa akali akalisa ipisu lama kareyami dupwa baa role pyao papiyami.

APOSELENA YULU 13:32

Dokona suu pyao nambwame waili pii keyange doko nakama langyala epelyambano. Doko Anatumi namwana rakange kyawa dupwa lamaiyuo dopa piru lalu lao leyapya.

Orome 10:15

Pii minyuo papingi akali mapanyi nemba namili doko apa pyuo waili pii doko polo lamaimilisi? Buku Baepole dokona dopa lao, Waili pii minyuo papingi wambu pii keyange minyuo eparaminyipa wambu raeme kumuo serami ingilyamo.

Epesasa 3:8

Anatunya wambu yapasi menge dupwa peparaena namba kamame isale ingyuo karapunupape Koraisana kamongonge bange kapa pyuo soo nyii naramili dupwa namba keta epeya. Doko Juu daa rara wakale dupwa mana lamaiyuo karapenge dokona lao jiya.

Kolosi 1:23

Dokona lao nakamana kapa ingingi lao suu pingi doko yake nyii napala poraiyuo karalapape. Yesu epapala keyange pyakara lao waili pii keyange doko yake nyii nao mona kare kare karalapape. Pii doko wambu yuu muu dupwana peparae silyaminyi. Doko namba Poleme pii dokonako kendemande ingyuo lao karo.